Waktiman, opo oen sten!
„Arki! Oen égi waktiman ben opo den sten”. — JESAJA 52:8.
1, 2. (a) Sortoe aksi e kon na fesi nanga Jesaja 52:8? (b) San wan kerkifesiman ben erken?
SOEMA na den waktiman di den kari dja? Den de den waktiman foe den fasi foe bribi foe na kristenheid? We, san den kerki fesiman foe na kristenheid na ini a ten disi e taki foe na kownoekondre foe Gado? Na eksempre di e kon now kan jepi wi foe piki a aksi dati.
2 Wan respeki „Weleerwaarde Doktor” na na universiteit foe Aberdeen, Scotland, ben taki a kragi di e kon now:
„Na ini den 16 jari di psa [1963-78] mi kan memre soso toe okasi pe mi ben jere préki di spesroetoe ben go foe na thema foe na kownoekondre foe Gado . . . Mi e feni na tapoe foe den mofo wan ferwondroefasi bika sabiman foe na Njoen Testament e agri na alasé nanga makandra taki na centrale thema foe den evangelium nanga foe na leri toe Jezus ben de na kownoekondre foe Gado . . . Foe san-ede den no e préki foe na Kownoekondre foe Gado. Mi denki taki wan aparti piki de eenvoudig: ’Foe di den no leri wi fa wi moe doe dati.’”
3. Fa den wortoe foe Jesaja 56:10, 11 kontroe na ini disiten?
3 A de krin taki kerki fesiman di misi foe préki na kownoekondre foe Gado no ben ferstan troetroe na fara di a boen njoensoe moe go. Den no ben poti prakseri na tapoe na kari foe Jesaja foe wiki. Den no ben man foe ferteri boen njoensoe foe wan moro betre sani foe di den no sabi wan moro betre sani leki den kerkileri nanga na formalisme foe den grontapoe fasi foe bribi. Den de ’breni waktiman’ foe soema Jesaja 56:10, 11 ben taki na wan moi fasi foe den.
4. (a) Fa den waktiman foe Jesaja 52:8 de heri tra fasi leki den disiten kerkifesiman? (b) Foe san-ede wi moe de wi Moro Bigi Leriman grantangi?
4 „Wi no ben kisi foe leri fa wi moe doe disi.” We dati na na oorzaak di na „Weleerwaarde Doktor” e sori foe a sani taki en no de préki na kownoekondre foe Gado. Ma, kolokoe taki joe abi wel waktiman di e préki na kownoekondre foe Gado na ini a ten disi, èn den sa doe disi na tapoe wan overtoigi fasi bika den ben kisi èn e teki leri foe dati. Den de sma di a proféti foe Gado ben sori a tapoe den di a ben skrifi: „Jehovah na wan Gado foe kroetoe. Kolokoe ala den sma de di e tan ferwakti en. . . . Oen Toemsi Bigi Teri-man no sa kibri ensrefi moro langa, èn oen ai moe tron ai di e si oen Toemsi Bigi Leriman. Èn oen égi jesi sa jere wan wortoe na oen baka, di e taki so: ’Disi na a pasi, waka na tapoe’, efoe oenoe ben sa wani go na reti-anoesé ofoe na kroektoeanoesé.” — Jesaja 30:18, 20, 21.
5. (a) Sortoe sani Jehovah seti ini en organisaatsi gi en pipel? (b) Na sortoe fasi Jehovah Kotoigi ini disiten gersi Jezus nanga en apostel ini a tori foe a kownoekondre?
5 Jehovah Kotoigi e kisi leri foe a kownoekondre foe Gado, ma no a tapoe theologis héskoro foe den sekte foe na kristenheid, ma tapoe na theocratis diniwroko-skoro èn tra ala wiki konmakandra na ini den kownoekonare-komakandrapresi. Den e kisi leri foe préki na kownoekondre na tapoe wan boen fasi foe oso na oso èn foe hori bijbelstudie na sma di e opo densrefi foe kisi leri èn di wani kisi nanga ala prisiri moro sabi foe na kownoekondre. Na leri disi komoto foe Jehovah nanga jepi foe en organisaatsi di a e taki nanga den na a fasi disi: „Ala joe manpikin sa de sma di kisi leri foe Jehovah, èn a vréde foe joe manpikin sa de pasa marki.” Jehovah Kotoigi sabi san a kownoekondre wani taki alamala èn taki a sa tjari boen foeroe blesi kon gi wi libisma dja na grontapoe. Neleki Jezus nanga en apostel ben e begi foe na kon foe na kownoekondre foe Gado èn den ben meki na kownoekondre-howpoe bekenti fajafaja. — Jesaja 54:13; Mattéus 4:17; 6:10; 10:7; 12:21; 24:14.
Waktiman, bari tranga!
6. (a) Soema de now na waktimanklasse, èn sortoe dienst den e doe? (b) Sortoe warskow na Waktiman e meki sma e jere, èn sortoe wrokosani a e gebroiki?
6 Den proféti foe Gado e ferteri foe waktiman na ini wan toe tekst. Na ini owroe ten den waktiman disi ben de alaten na den post e loekoe klarklari foe meki wan warskow de foe jere te féjanti ben wani foe kon foe feti. Na ini Jesaja 21:8 wan foe den e taki: „Tapoe na wachttoren, o Jehovah mi ben tanapoe dorodoro na dé, èn na tapoe mi waktipost mi ben de ala neti.” Na ini na ten disi sowan dienst e doe nanga jepi foe wan waktiman-klasse, na salfoe èn „getrow èn koni srafoe” di e teki presi foe Jezus Kristus dja na grontapoe. Na waktiman disi e loekoe boen a den sani di e psa dja na grontapoe leki wan kontroe foe bijbel profétitori, e meki na warskow go na doro taki wan ’bigi benawtoe soleki sensi na bigin foe grontapoe no ben kon’, e kon moro krosbé èn e meki ’boen njoensoe bekenti foe wan moro betre sani’. Na tijdschrift Na Wachttoren, nanga en 10.200.000 eksemplaar foe ibri tijdschrift di e panja na heri grontapoe, de wan foe den wrokosani di a waktiman e gebroiki foe meki a boen njoensoe bekenti. — Mattéus 24:14, 21, 45-47; Jesaja 52:7.
7. Soema den „waktiman” e jepi, èn foe san-ede a jepi foe den de fanowdoe?
7 Na waktiman di e doe wroko leki „srafoe”-klasse e kisi foeroe loyaal jepi na a meki bekent foe a boen njoensoe. Soleki na artikel na fesi ben sori, pe verslag ben gi na a nomroe foe sma di ben de na a Memrefesa foe 1983 dan now soso wan sani foe moro leki 9.000 sma de foe na salfoe „srafoe” di tan abra na grontapoe ete. Den abi jepi fanowdoe foe klari na prékiwroko na wan boen fasi. Èn a jepi disi e gi! Miljoenmiljoen kompe poti densrefi a den sé, èn densrefi e opo den sten makandra nanga den waktiman di Jesaja 52:8 e skrifi foe den. Na ini wan troetroe fasi den e bondroe den sten kon na wan nanga di foe na „waktiman” foe meki a boen njoensoe bekenti.
8. (a) San den bodoi tapoe bladzijde 8 nanga 9 e sori foe na gro foe na kownoekondre? (b) Fa a de na ini kontren pe na kownoekondrewroko skotoe?
8 Te joe sa naki a tijdschrift disi opo na bladzijde 8 nanga 9 dan joe sa si taki Jehovah e blesi den waktiman disi nanga den loyaal kompe foe den na a heri grontapoe. Den „ben opo den sten” [so bigi] taki a pipel foe Gado na ala sé e prisiri na ini wan bigi gro na ini prékiman. Disi na wan sani di wi kan ferwakti, now di Kistus Jezus e tiri na ini na kownoekondre foe en Tata, bika Jesaja 9:6, 7 no e taki foe na „Vréde Kownoe” disi. „Na a gro foe en tiri nanga vréde wan kaba no sa kon” (AV) Soleki a tabel e sori, dan presi de na a grontapoe, pe joe abi wan toe a mindri nanga wan k’farlek bigi bevolking pe na kownoekondre préki de na ondro hebi skotoe. Nanga na jepi foe Jehovah jeje, Jehovah Kotoigi e doe na ini den gebied disi san den kan (Zacharia 4:6). A tapoe tiriman di e gens den èn tapoe groepoe foe sma di e gi jepi a disi, hebi broedoe-paiman de na den tapoe èn den sa moe gi frantwortoe foe disi te na bigi benawtoe doro. — Teki gersi Ezechiël 3:17-19.
Pionier prékiman foe na boen njoensoe
9. (a) San joe ben sa wani taki foe na gro foe pionier na a anoe foe na tabel? (b) Sortoe prisiri bericht Wachttoren-bijkantoro ben seni kon?
9 Na tabel foe na grontapoe-bericht e meki wi si toe fa na nomroe foe pionier ini 1983 gro troetroe na wan ferwondroefasi na a heri grontapoe. Soleki den bericht disi e sori, dan den Wachttoren bijkantoro na e heri grontapoe ben prisiri foe na bigi nomroe foe sma di abi wan prati na a jepi, gewone nanga (pe dati de fanowdoe) spesroetoe pionierdienst:
Barbados: Na nomroe foe jepipionier ini april ben de 292 ini 1981, 529 ini 1982 èn 740 ini 1983.
België: Na nomroe foe sma di aksi foe de gewone pionier ini 1983 gro nanga 30 procent.
Chili: Na gemiddelde nomroe foe gewone pionier ben de 987 — wan gro foe 40 procent.
Ivoor kust: Na nomroe foe gewone pionier ben gro nanga 15 procent te wi teki en gersi nanga a jari a fesi.
Portugal: Na hémarki di ben kon foe 3064 jepi pionier ini april ben de troetroe wan ferwondroe sani — wan gro foe 140 procent te joe teki en gersi nanga na hémarki di ben de a fesi.
Zweden: Wan hémarki foe 796 gewone pionier di noiti a fesi den ben doro ben gi bericht.
Thailand: Ini april, 23 procent foe 821 prékiman di ben gi bericht ben de leki pionier
Venezuela: Moro leki 200 prékiman ben bigin nanga a gewone pionierwroko na ini 1983
10. San sori taki ferfolgoe no tapoe na mofo toe den waktiman?
10 Kondre pe na kownoekondre wroko de na ondro skotoe, e ferteri ooktoe foe wan gro ini prékiman nanga pionier. Wan Afrikankondre pe sowan 15 jari pasa kaba wan toemsi ogri-ati ferfolgoe ben de, ben kisi na ini na dienstjari 1983 hémari foe 616 gewone pionier nanga 207 jepi pionier. Èn na ini wan kondre ini na srefi pisi foe grontapoe pe 75 brada nanga sisa sidon na ini doengroe-oso, na nomroe foe prékiman gro nanga 35 procent te joe teki en gersi nanga na gemiddelde foe na jari a fesi, ala di na nomroe jepi pionier ini april ben de 151 procent moro leki na hémarki a fesi. Den „waktiman” nanga den kompe foe den sma no kan poeroe den foe opo den sten!
11. Fa na pionierwroko e tjari wini kon gi na gemeente èn ooktoe gi na gebied ini heri grontapoe?
11 Ala den pionierwroko disi di e doe fajafaja e gi tranga na a kownoekondrewroko srefsrefi. A abi foe eksempre leki bakapisi dati na gebied e wroko moro finfini èn taki moro foeroe joeroe e gi na a préki foe na boen njoensoe. Na ini 1983 na ini a heri grontapoe ala nanga ala 436.720.991 joeroe ben gi na a meki bekenti foe na kownoekondre — wan aparti gro foe 13,5 procent! Moro studie ben opo. Na ini foeroe geval jepi pionier ben doe dati — èn moro sma di abi belangstelling ben tjari kon na ini kontakti nanga na organisaatsi foe Gado
12. Sortoe winimarki pionierwroko e tjari gi na sma?
12 Pionierwroko e tjari ooktoe foeroe winimarki gi a sma srefi. Te wan prékiman doe pionierwroko wan moen langa, dan a kan meki na kownoekondre boskopoe moro boen èn moro grati bekenti na tra sma! A de gi sosrefi toe foeroe prisiri foe de makandra nanga trawan di de na ini a dienst disi èn foe si taki na nomroe foe tijdschrift foe prati nanga na nomroe foe gobaka nanga studie e gro. Foeroe sma ben njan boen na sofasi foe den jepi pionier moen disi di den ben go na ini, dati den ben si a fanowdoe foe tjari kenki kon foe tron gewone pionier. Trawan tapoe wan geregelde basis e wroko leki gewone pionier.
13. Sortoe tranga wi e kisi foe den toe ondrofenitori foe Pakistan?
13 Na Moslim gebied Pakistan leki fa den e taki moeilek foe wroko. Ma tokoe wi ben kisi foe jere foe na kondre dati a sani disi:
Wan brada di ben go na ini na jepi pionierdienst den dritenti moen di pasa, ben taki: „A gersi leki mi gro kon tron wan nanga na imdadi (wan Urdu wortoe toe jepi) pionierdienst, èn mi e bribi taki a sa de moeilek gi mi efoe mi ben sa moe tapoe nanga en wan dé. A tron wan pisi foe mi libi nanga na aladé routine foe gi a moro pikinso 2 joeroe kotoigi na tra sma”.
„A moro pikinso 2 joeroe” wan dé foe doe kownoekondre dienst — dati na ala sani san de fanowdoe gi na jepi pionierdienst. Joe ben kan doe disi? A ben sa kan meki joe kon moro gosontoe, soleki disi e kon na fesi na ini na ondrofenitori di komoto foe Pakistan:
„Wan brada di na a libimarki foe 58 jari ben kisi pensioen èn foe sensi a ten dati sroiti ensrefi na a groepoe foe jepi pionier, ben abi disi foe taki: „Mi de 28 jari wan kotoigi, ma noiti ete mi ben feni en so switi èn mi ben warderi en so bigi foe de wan kotoigi leki na ini den aiti moen di psa pe mi ben de ini na jepi plonierdienst. Leki wan piki tapoe wan aksi foe mi fosten mati foe a srefi wrokope fa a doe kon taki mi e loekoe sihatmand (moro gesontoe, Urdu) nanga khush (moro kolokoe, Urdu) sensi mi go nanga pensioen, mi e taigi den taki na dini foe na troe Gado, Jehovah, dorodoro, e gi mi prisiri nanga satisfaksi èn e meki mi loekoe sihatmand nanga khush”.
Joe no ben sa wani de sotoe sihatmand èn khush? Gebroiki dorodoro den okasi di joe abi foe tanapoe na ini na jepi pionierdienst!
Proberi foe kisi blesi leki pionier
14. Sortoe gro na ini prékiman na tabel na tapoe bladzijde 11 èn 12 e meki wi si èn na ini omeni gebied?
14 Meki wi go loekoe na bericht foe na dienstjari foe Jehovah Kotoigi na a heri grontapoe soleki disi tanapoe na tapoe bladzijde 11 nanga 12 foe na tijdschrift disi. Den toe bladzijde disi e meki wi si moro leki soso nomroe. Den e kotoigi foe na toemsi moi moeiti di kownoekondre prékiman na ini 205 kondre nanga kontren ben doe foe préki na boen njoensoe. Poti joe finga èn hari loekoe na ini na kolom di tjari leki nen „gemiddelde pionierprékiman” èn loekoe dan sortoe moi bijdrage foeroe kondre ben gi na a dienst disi. Èn den pionier ben kisi loyale jepi foe na sé foe den gemeente prékiman di ben sori na srefi memre foe dienst di e doe fajafaja, ala di na bijdrage foe wan toe foe den kan teki gersi nanga na ’moni toe na weduwe’. — Markus 12:41-44.
15. Fa osofamiri kan kisi blesi te pionierwrokoman de na ini na osofamiri dati?
15 Osofamiri di bow den libi lontoe na pionierdienst, de troetroe blesi osofamiri. Son osofamiri ben poti leki marki foe de wan pionier-osofamiri èn den ben doro a marki dati foe di leki osofamiri den ben doe wan ofoe tra pisiten wroko foe sorgoe taki ’brede de tapoe tafra’. Tra osofamiri e wroko leki wan groepoe makandra foe jepi wan sma foe na osofamiri foe de ini na gewone pionierwroko, èn na pionier memre di na a fasi disi de ini na osofamiri e gi ibri sma tranga.
16. (a) Fa papa nanga mama kan sori belangstelling gi na jeje go na fesi foe den pikin? (b) Sortoe moi eksempre wi e feni te wi loekoe den jongoe jari foe Jezus?
16 Ala sma di ben go na a „Kownoekondre wánfasi”-districtscongres di psa, ben jere wan moi lezing foe a poti foe marki na en fesi. Foe di papa nanga mama abi den moro boen belang foe den pikin na den fesi, meki den kan kweki jongoewan na so fasi foe poti warti marki ini a libi na den fesi (Odo 22:6). Wan foe den marki disi sa de na pionierdienst. Hori na ini prakseri sortoe kweki Jezus ben kisi na ini en jongoe jari. Di a ben de 12 jari a ben sabi den boekoe foe bijbel so boen taki a ben kan taki go taki kon na ini na tempel nanga den leriman (Lukas 2:46, 47). A no ben proberi foe bow ensrefi foe kisi wan grontapoe wroko soleki afkatiwroko ofoe datrawroko. Na presi foe dati a leri foe wroko nanga en anoe leki temreman, aladi na ini na pisiten dati a ben sreka ensrefi na jejefasi ini na wroko di ben e wakti en (Markus 6:3; Johannes 7:46). Ala di pikin foe Jehovah Kotoigi ini a ten disi de na skoro den kan sreka densrefi sosrefi toe tapoe marki di de warti na moeiti. Papa nanga mama kan gi den dek’ati na ini disi.
17. Sortoe fertrow foeroe jongoe pionier, di offer densrefi kan abi, kontrari den grontapoe jongoewan?
17 Leki fa wi e jere dan foeroe jongoe sma di abi wan hé spesroetoe leri de sondro wroko. Ma foeroetron kristen jongoeman, di kisi wan boen leri e si baka te den komopo na a middelbare skoro èn go na ini na pionierdienst, taki na wan momenti te disi de fanowdoe den e feni wan pisiten wroko di e fiti den. Jehovah man foe blesi èn foe gi san de fanowdoe na den sma di e poti den fertrow na tapoe en èn di nanga wan memre foe offer densrefi e tan soekoe fosi na kownoekondre. — Mattéus 6:19-21, 31-33; Odo 3:5, 6; Maleachi 3:10.
18. Fa wan takmakandra foe na pionierdienst tjari winimarki gi wan gemeente na Filippijnen?
18 Son sma na ini na gemeente kande sa taki: ’Foe san-ede a de fanowdoe foe taki foeroe foe a pionierwroko? Gi foeroe foe wi a no de wan sani di poti gi wi’. Ma pionier nanga prisiri kan doe wan toemsi moi sani gi na geest foe na gemeente èn a gro foe foe a wroko ini na presi pe den de. Na Wachttoren foe 15 februari 1983 ben abi wan studi-artikel di ben go foe „Na geest foe na kristen diniwroko”. Na aksi foe paragraaf 7 ben de: San ibri kristen dinari foe Gado moe aksi ensrefi?” Na prakseri foe na lésiman ben poti nanga disi na tapoe na aksi di e kon now di ben poti na ini na paragraaf: „Mi kan frantwortoe troetroe na fesi foe Jehovah taki mi no de wan pionier?” Di na wan wachttorenstudi ini na kondre Filippijnen kommentaar ben gi tapoe na aksi disi, dan dri sma ben de drape di no ben abi na srfi libimarki èn diben taki, dati di den ben go prakseri dipi foe na aksi disi, dati dati ben tjari den go so fara foe wani tron pionier. Den ben naki anoe gi den ini na gemeente.
19. Fa den sma di no kan pionier kan tjari wan warti bijdrage kon ini na gemeente?
19 A de troe taki kotoigi foe Jehovah de di gi densrefi abra ma di na fesi foe Jehovah no de ini na positsi foe pionier. A kande taki a moro bigi pisi na ini na gemeente foe wi de na ini na groepoe disi. Ma srefi ini a geval foe den den kan gi wan warti jepi foe meki wan pionier prakseri kon na ini na gemeente. Owroeman nanga edeman foe osofamiri kan gi jongoewan tranga foe poti na pionierwroko leki wan marki a den fesi. Na heri gemeente kan jepi den sma di de pionier kaba nanga den heri ati. Na okasi disi, na a ten foe na Memrefesa, na a ten foe na kringopziener ofoe ini a ten foe skorofakansi foeroe sma kan doe moeiti foe abi wan prati na a jepi pionierdienst. Abi na bribi taki Jehovah sa tranga joe te joe doe moeiti foe dati. „Meki a pasa soleki joe bribi” (Matéus 9:29). Ma tan sori wan positief fasi ala di foe di joe gesontoe no de so boen, bepaalde frantwortoe de na joe tapoe ofoe tra sani e meki dati joe no kan go na ini na jepi-pionierdienst. Gi ala joe ten di joe abi na a meki bekenti foe ’boen njoensoe foe wan moro betre sani’ èn tan jepi èn gi tranga a den sma di e pionier.
20. (a) Wi moe hori sortoe grontapoe situwasi alaten na prakseri? (b) Fa na fasi foe wi moe de na fesi foe na ferloesoe wroko?
20 Wi e libi now na ini wan grontapoe di foeroe nanga tranga èn hoeroedoe. Jehovah de so fara foe tjari na kroetoe kon soleki a ben doe disi na ini owroe ten (Genesis 6:11; 18:20; Lukas 17:26-30). Wi e libi troetroe na ini „den laatste dé” (2 Timotéus 3:1-5, 13). Foe dat’ede, efoe wi de ini na okasi foe doe dati, meki wi teki prati na a moro bigi wroko di de ini na préki foe ferloesoe gi den sma di kande sa komoto ete foe na owroe seti foe teki a sé foe Jehovah Kownoekondre. Wi de grantangi dati Jehovah ben blesi en wroko na ini a jari di psa so foeroe. Meki a de so taki wi sa sroiti wisrefi na den kownoekondre waktiman na ini 1984 alape na grontapoe foe opo wi sten foe prijse Jehovah.
Wantoe aksi foe loekoe sjatoe san wi ben leri
◻ Sortoe boen njoensoe den kerki fesiman no ben préki, èn foe san-ede?
◻ San den bodoi foe bladzijde 8 nanga 9 e sori foe den wroko foe den waktiman foe Sion?
◻ Sortoe winimarki na pionierdienst e tjari kon gi na pionier èn na gemeente?
◻ Fa ala prékiman ini na gemeente kan meki wan moi pionierprakseri kon?
[Karta na tapoe bladzijde 8, 9]
Kownoekondre gro
„Na ini na heri grontapoe na babari foe den ben go”. — Romeinisma 10:18; Tori foe den Apostel 1:8.
Na karta disi e sori na gro na a heri grontapoe na ini gemiddelde foe den cijfer foe ala den moen foe a jari
Noord Amerika
Prékiman: 690.979; gro: 6%
Pionier: 58.381; gro: 16%
Europa
Prékiman: 601.918; gro: 5%
Pionier: 38.978; gro: 17%
Zuid Amerika
(Nanga den eilanti na ini a Karaibis kontren)
Prékiman: 472.816; gro: 11%
Pionier: 35.450; gro: 23%
Azië
Prékiman: 122.726; gro: 12%
Pionier: 34.586; gro: 24%
Pacific eilanti
Prékiman: 117.816; gro: 8%
Pionier: 11.386; gro: 24%
Africa
Prékiman: 266.375; gro: 6%
Pionier: 21.690; gro: 17%
Kondre pe a wroko tapoe
Prékiman: 229.092; gro: 4%
Pionier: 5.627; gro: 20%
[Raportoe na tapoe bladzijde 11, 12]
1983 DINIWROKO RAPORTOE FOE JEHOVAH KOTOIGI NA HERI GRONTAPOE
(Loekoe a tijdschrift)