Opo leki wán man wan prisiri babari
„Prisiri, opo leki wán man wan prisiri babari”. — JESAJA 52:9.
1. Foe san-ede Jehovah Kotoigi e opo now leki „wan man” wan prisiri babari?
LEKI WAN MAN! Leki fa na wortoe boekoe e taki dan a wortoe disi wani taki: „Leki wan paar, ini wánfasi, leki nanga wan sten”. Jehovah Kotoigi e doe wroko „leki wán man” foe di den abi na jejefasi foe Kristus èn de na ini wánfasi na ini na gi grani na a nen foe Jehovah. Foe di Jehovah blesi de na tapoe den, dan srefi na agersi kondre pe den e libi na ini de nanga prisiri èn ibri pisi foe en e opo wan prisiri babari. Ala disi de ini kroederi nanga a begi foe na apostel Paulus: „Meki now na Gado di e gi horidoro nanga trowstoe, gi, taki a mindri makandra oen abi na srefi jejefasi di Kristus Jezus ben abi, sodati ini wánfasi oen kan gi grani na Gado èn Tata foe wi Masra Jezus Kristus.” — Romeini 15:5, 6; Johannes 17:4, 6, 20, 21.
2. (a) Foe san-ede den waktiman e si „fesi na fesi” soleki 1 Korintesma 1:10, 11 èn Efesesma 4:4-6 e taki? (b) Soema e meki sma jere a prisiri babari, èn fa?
2 ’Gi Gado grani!’ Na dati Jehovah „waktiman” e doe now na ini wánfasi. Na sofasi den e meki na profétitori kon troe: „Leki wan man den e tan bari nanga prisiri; bika fesi na fesi den sa si te Jehovah e tjari Sion kon baka” (Jesaja 52:8). Den e si „fesi na fesi”, foe di den de „ini wánfasi na ini nasrefi jeje èn na ini na srefi denki” (1 Korintesma 1:10; loekoe toe Efesesma 4:4-6). Èn now di na „bigi ipi” sosrefi toe e meki sma jere na „prisiri babari”, dan na babari di de foe jere na a heri grontapoe e kon moro bigi te a doro wan makti babari. — Openbaring 7:9, 10, 15.
3. Fa Jehovah organisaatsi na grontapoe e sori a prisiri foe den hemel legre?
3 Na hemel organisaatsi foe Gado pe joe abi na ini den miljarde miljard „santa engel”, e opo den „sten” foe prijse Jehovah leki na moro bigi Mekiman èn „na Lam”, Jezus Kristus (Openbaring 5:11, 12:4-11). A pipel foe Gado now a grontapoe orga sosrefi foe doe prisiri santa dienst. Srefi na agersi kondre pe den e libi a ini, de nanga „prisiri”. Na profetie taki: „Oen prisiri, opo leki wán man wan prisiri babari, oen presi foe Jeruzalem di pori bikasi Jehovah ben trowstoe en pipel; a ben ferloesoe Jeruzalem” (Jesaja 52:9). Jehovah ben tjari „en pipel” kon baka foe na toestand foe pori pe den ben de na ini na a fosi grontapoe feti, dati wani taki den sma a grontapoe di e teki presi gi na Jeruzalem di „de na tapoesé”, en hemel organisaatsi, di tjari komoto foe na toestand foe pori pe den ben kon na ini na ini a ten foe na Fosi Grontapoefeti, èn a „prisiri babari” foe den leki wán man ben meki na a heri grontapoe wan gro ben kon di e go doro te na a ten disi! — Galaciasma 4:26, 27; Jesaja 52:8.
4. Fa Jehovah ben „sori kaba en santa anoe”, èn sortoe fertrow gi a ten di e kon wi kan wi kan abi dat’ede?
4 Moro fara na profétitori e taki: „Jehovah ben opo en santa anoe gi na ai foe ala naatsi; èn ala kabapisi foe na grontapoe moe si na ferloesoe foe wi Gado.” Na na froekoe bigin foe den „laatste dei” Jehovah srefi ben opo doe wan sani gi en pipel, èn heri esi na ini Armageddon a sa opo en „santa anoe” foe di a sa gi en pipel di orga ferloesoe. Dan ’foeroe naatsi moe sabi taki en na Jehovah’. — Jesaja 52:10; 12:2; Ezechiël 38:23.
5, 6. (a) San-ede meki a doe foe a wroko foe Gado de wan tranga fanowdoe sani? (b) Fa na organisaatsi foe Gado ben handri foe meki a kotoigiwroko kon moro bigi?
5 A dé pe Jehovah sa tjari na kroetoe kon, de krosbé! „A de krosbé èn a e lon kon es’esi” (Zefanja 1:14). Ma ini a pisiten disi ’na boen njoensoe disi foe wan moro betre sani’ préki na ini na heri grontapoe (Jesaja 52:7). Foe kan doe disi, Jehovah organisaatsi e gebroiki wan toe wettelek corporatie, soleki na Watch Tower Bible and Tract Society of Pennsylvania. Den disi e hori loekoe na tapoe a wroko di den gemeente foe Jehovah Kotoigi, di de ondro sowan 94 bijkantoro na a heri grontapoe e doe. Ini den 5 jari di psa sani di ben doe na ini den bijkantoro disi foe den ben kon moro bigi èn den drukkerij di ben de drape sodati na Genootschap moro betre leki ini wan ten ben man foe ’préki vréde nanga ferloesoe’.
6 Na ini na jari di psa wan boen bigi pisi bow na a drukkerij foe a Genootschap tapoe na gron foe den Watch Tower Farms ini na district New York (Amerkan kondre), pe na Bethel-oso, sosrefi toe kon moro bigi, wan kefalek bigi Offset drukpers ben poti nanga na kapaciteit foe druk moro pikinso foe 400.000 tijdschrift wan dé. Foeroe foeroe M.A.N drukpers den loesoe èn bow den kon tron offset-pers nanga toe druk units. Den disi e gebroiki now na den Wachttoren Bijkantoro na a heri grontapoe èn sosrefi toe ini Brooklyn èn na Watch Tower Farm. Na a heri grontapoe wi e si gro. Na bijkantoro ini Doisrikondre e gebroiki now toe Offset-rotatiepers di e drai es’esi èn a bijkantoro ini Japan de now foe gebroiki a di foe dri offset-rotatiepers, di kan meki 60.000 tijdschrift na wan joeroe.
Meki den tijdschrift teki wan prenspari presi!
7. Fa na nomroe foe abonnement di sroto ben go na fesi?
7 San ben meki ala na gro disi tapoe na kontren foe theokratis drukwroko ben de fanowdoe? Disi ben doe kon foe na faja wroko di ala brada nanga sisa na ini na veld ben sori. Na ini na jari di psa ala nanga ala 1.756.153 njoen abonnement tapoe den tijdschrift Na Wachttoren nanga Ontwaakt! ben sroto. Wan moi gro foe 28 procent te joe teki en gersi nanga na jari a fesi.
8. Fa wan ferstan foe na waarde foe den tijdschrift foe wi ben tjari winimarki kon?
8 Wan kringopziener na ini Amerkan kondre ben skrifi taki na spesroetoe inlegvel foe a tijdschriftwroko di ben kon na ini Wi Kownoekondredienst foe mei 1983, „ben abi wan krakti bakapisi tapoe wi alamala.” A taki dati a de wan normaal sani te wan otogroepoe di drai komoto foe na dienst, ben sroto fo ofoe féfi abonnement. Wan sisa pionier ben wini na negatieffasi foe en di a ben abi fosten èn a ben sroto na ini wan wiki-ten négi abonnement. Na bijkantora foe Japan ferteri taki na ini mei nanga juni 70.115 njoen abonnement ben sroto — te joe teki disi gersi nanga 49.016 na ini den toe moen velddtocht a fesi èn dati ala di na prijs foe wan jari abonnement ben de 1.800 jen (15 Sranan koloe). Na heri waarde foe wi tijdschrifti joe no kan marki nanga na moni, srefi no ini solfroe ofoe gowtoe (Odo 8:10, 11). Meki a de so taki na ini 1984 wi go doro nanga faja foe pristeri abonnement!
9. Fa wi ben sa kan kisi wan moro bigi prati foe tijdschrift?
9 Ma fa a de nanga a prati foe loesoe tijdschrift ini 1983? Na prati ben de boen, ma a de na wan enkri sani foe wi dienst di no go na fesi. San wi kan doe nanga dati? Agen wan dipi warderi foe san de na ini den tijdschrift foe wi moe gi wi tranga foe abi den na wi èn pristeri den na ibri okasi spesroetoe na tapoe wi alawiki tijdschrift dé. Wi e taki spesroetoe tijdschriftdé, foe di foeroe foe wi brada nanga sisa na a heri grontapoe e go ala wiki ini a wroko disi. Toe bijkantoro na ini heri difrenti kontren foe na grontapoe Kenia nanga Hong Kong ben aksi foe wi no poti na tapoe na kalender foe na Genootschap na di foe toe nanga na di foe fo satra leki dé foe doe tijdschriftwroko foe di a skrifi foe den dé dati tapoe na kalender ben sa abi leki bakapisi dati na prati foe tijdschrift ini den kontren dati ben sa saka nanga afoe. Meki ibriwan sma go tog tapoe na di foe toe nanga di foe fo satra ini a prisiri dienst disi ofoe foe san-ede wi no sa proberi now foe feti na baka na tra marki foe poti satra gi na tijdschrift dienst foe oso na oso, na strati nanga wowojo èn na tijdschrift route. — Prékiman 11:1.
10. Sortoe winimarki wán tijdschrift ben tjari kon gi wan lésiman foe Ontwaakt!?
10 Foeroetron a e psa taki soso wán tijdschrift e wiki na belangstelling nanga na bakapisi te foe kaba dati wán „skapoe” e poti kon na ini na „ipi foe na toemsi boen herder” (Johannes 10:14, 16). Na ondrofenitori di e kon now e tjari na punt disi kon moi na fesi:
Di wan kownoekondre-prékiman ben waka psa wan dé na oso foe wan k’falek droengoeman na Mauritius, a man ben kari en kon. „Meneer, mi ben tapoe nanga dringi,” a ben taki nanga prisiri. Foe di foeroe sma na Réunion e go na wan atoso foe kisi wan kuur foe libi a dringi foe sopi, meki na kotoigi ben aksi en: „Na sortoe atoso joe ben go?” A man ben piki: „Mi no ben go na wan atoso; mi ben lési na Ontwaakt! [8 november 1982 di e go foe a dringi foe sopi] èn mi ben tapoe nanga dringi.” Na a momenti di a sani disi e skrifi na kotoigi abi wan toe moen langa wan studi nanga na osofamiri disi nanga jepi foe a boekoe Joe kan libi foe tégo na ini wan paradijs, di na Watch Tower Bible nanga Tract Society ben tjari kon na door. Den kan doe ala sani disi!
Disi e tjari wi go na tapoe wan tra tori.
Moro oso-bijbelstudi kon
11. Sortoe krakti na Tégo-libi boekoe ben abi na tapoe na veld foe grontapoe?
11 Ini juni 1982 Na Wachttoren Genootschap ben tjari kon na publiki na studi boekoe nanga foeroe prenki na ini, di nen Joe kan libi foe tégo na ini wan paradijs na grontapoe. Na mindri foe september 1983 14.663.229 ekpemplaar foe na boekoe disi ben meki na ini den drukkerij foe na Genootschap. A boekoe de now foe kisi na ini 55 tongo. Èn fa a boekoe disi ben wroko na tapoe na veld foe a grontapoe? Na ini wán wortoe k’falek boen. Na bijkantoro foe Puerto-Rico ben skrifi foe a Spanjoroveld drape:
’Na ini augustus wi ben kisi 30.000 Tégo-libi boekoe, ma es’esi den dati a ben kaba, ne wi kisi na ini oktober ete 30.000 eksemplaar. Na nomroe disi foe boekoe ben klari na ini februari 1983, ma ini maart nanga juni wi ben kisi agen 40.000 eksemplaar. Na nomroe dati now saka go na 10.000, ma wi e ferwakti eri esi baka 35.000 moro.’
12. (a) Fa warderi ben sori gi na boekoe disi? (b) Joe e si na tapoe na tabel na bladzijde 11-12 kondre foe pe na nomroe foe bijbelstudi de moro hé leki na nomroe foe prékiman?
12 Na ini Lapland wan owroe man di ensrefi di no de wan kotoigi ben skrifi san e kon now gi na Wachttoren bijkantoto ini Finland:
„Mi ben lési wan lo kerki boekoe kaba, ma mi e bribi dati a boekoe foe joe Joe kan libi foe tégo na ini wan paradijs na grontapoe de wan foe den moro boen wan. Joe ben sa wani seni grantangi 11 eksemplaar foe a boekoe gi mi? Dan mi kan gi den na mi mati.”
Sondro degedege a boekoe disi ben meki na k’falek gro ini oso bijbelstudi ben kon ini na dienstjari 1983. Na a heri grontapoe 1.797.112 studi ben hori na njoen sma di ben abi belangstelling, wan gro foe 13,3 procent te joe teki en gersi nanga na 1.586.293 studi ini 1982.
13. Fa na Tégo libi-boekoe kan jepi den sma di no de actief Kotoigi?
13 Joe wani leri fa joe moe kaka foetoe gi den problema foe na libi? Meki dan kontakti nanga Jehovah Kotoigi na ini wan foe den kownoekondre-komakandrapresi foe den èn aksi foe kisi bijbelstudie foe na Tégo libi-boekoe disi. Na wan pisten kaba joe abi belangstelling ini bijbelprofétitori soleki Jehovah Kotoigi e tjari den kon na krin, ma na a momenti disi joe no de wan aktief kotoigi ete? Dan joe srefi toe ben sa moe studeri na boekoe disi nanga wan foe den kotoigi.
14. Fa ala aktief kotoigi kan meki boen gebroiki foe na Tégo libi-boekoe?
14 Joe de wan kotoigi di no abi wan bijbelstudi ete na wan sma di pas kisi belangstelling? Foe san-ede joe no ben pa proberi foe wiki na belangstelling foe wan sma gi na boekoe disi foe di joe e go oso na oso ofoe e gi okasikotoigi èn foe aksi na sma foe lési makandra nanga en a boekoe? A de sowan makriki sani foe doe disi foe di joe e lési den paragraaf èn dan bakadati joe kan hori wan takimakandra nanga jepi foe den prenki. Jezus srefi ben taki, taki te wi sa teki na tjatjari foe de wan kristelek discipel, ’wi sa feni kowroe-ati gi wi sili’, èn a prisiri foe wi e kon moro bigi te wi abi persoonlek wan prati foe jepi tra sma tron discipel (Mattéus 11:29, 30; 28:19). Èn den sortoe studi dati sa opo na pasi gi wi foe gebroiki bakaten na studi materiaal foe wi njoen sakaformaatboekoe di sa meki wi bribi kon tranga namkoe Bondroe kon na wan na ini na anbegi foe na wan enkri troe Gado.
15. Sortoe bigi krakti na Tégo libi-brochure ben abi?
15 Na ini na jari di psa na 32 bladzijde brochure Njan boen foe tégo foe na libi na grontapoe! ben de ete wan makti wrokosani ini a programma foe na heri grontapoe foe Jehovah Kotoigi. Na uitslag di e kon now komoto foe na bigi Afrikan kondre Zaïre pe a njoen hémarki foe 28.126 prékiman te wan gro foe 14 procent tapoesé foe na gemiddelde foe 1982:
Na brochure Njan boen foe tégo foe na libi na grontapoe! ini wi difrenti tongo na ini wi kondre ben abi wan bigi krakti tapoe na prékiwroko. Foeroe sma ben taki, taki a ben de soifri gi a gebied foe wi, pe den sma no man lési ofoe skrifi ofoe no lobi lési boekoe. Den gemeente es’esi e prati alamala. Wan Anitri kerki ini Isiro ben aksi na gemeente foe a presi dati eksemplaar foe a gebroiki tapoe en sonde skoro. Wan katholiek priester ini Medje ben rij foeroe kilometer ini en Land-Rover-oto foe kisi eksemplaar gi wan skoro ini a presi pe a de. A no de wan ongewoon sani foe si sma di e reis nanga na eksemplaar foe den foe na brochure disi ini den anoe.
16. (a) Fa a prati foe den brochure ben waka? (b) Fa jongoe pikin kan gebroiki na brochure leki Prékiman 11:6 e taki?
16 Den Wachttoren-drukkerij pe den boekoe disi meki, ben druk moro leki 17 miljoen eksemplaar ini 11 tongo èn a aksi foe na heri grontapoe foe na brochure disi de moro hé leki oiti wan ten. Foeroe pikin ben feni disi wan moi jepi foe prani siri foe na waarheid ini na ati foe den skoro mati, foe hori bijbelstudi na den.
17. Foe sortoe ondrofenitori e kon na krin taki den brochure disi nanga den prenki na ini de wan warti jepi ini na gi foe leri?
17 A kondre pe den tapoe a wroko foe wi, a tori di e kon now ben seni kon na wi:
Wan kotoigi di ben de wan oemasma èn di ben e leri dri jongoe pikin nanga jepi foe na Tégo libi-brochure ben klari nanga wan takmakandra di ben go foe kroektoe gado. Wantewante den pikin gwe na wan tra kamra. Te foe joe denki den kon baka nanga den anoe foeroe nanga temre, kroisi nanga difrenti tra sani. Ala den sani disi ben poti na tapoe na tafra na fesi na kotoigi. Nanga ferwondroe a aksi san ben de na prakseri foe dati. A moro owroewan foe den oemapikin ben piki: „Wi ben leri djonsro de dati wi moe trowe kroektoe gado nanga popki soleki a bijbel taki.”
Ivoorkust ben seni a tori disi kon:
Na oema foe wan kringopziener e ferteri dati nanga jepi foe na brochure a kan behandel difrenti tori soleki a abi moro leki wan oema, fri lobi, afkodré nanga begi, nomo di ae poti prakseri tapoe wan toe foe den prenki di teken k’falek boen èn di poti a prakseri tapoe wan bepaalde sani. San en e taki, de troe: „Wan prenki e taki moro leki doesoen wortoe”.
„Komoto gwe, komoto gwe”
18. Foe sortoe sani Jehovah pipel moe drai densrefi spesroetoe gi?
18 No wawan na ini Afrika, ma alape na grontapoe ala sma di wani dini na troe Gado Jehovah moe komoto gwe foe na kondre foe falsi fasi foe anbegi foe Babylon nanga drai baka gi den kroektoe wroko di na fasi foe anbegi disi e meki kon noso e gi pasi. A proféti foe Gado e taki: „Komoto gwe, komoto gwe, komoto foe drape, no fasi noti san no de krin; komoto na en mindri, hori joesrefi krin, oenoe di e tjari den wrokosani foe Jehovah”. — Jesaja 52:11.
19. Fa wi moe doe te sma di fadon komoto foe bribi e proeberi foe kori wi poeroe foe wi santa dienst?
19 Sensi 1919 Jehovah pipel ben krin densrefi foe den kerkilé foe na kristenheid. Ma ten na ten a kan psa ete dati wan sma drai go baka na afkodré èn den e poeroe èn poti a dorosé foe na gemeente. Kande a sa proeberi foe hari den sma kon na en di „e tjari den wrokosani foe Jehovah” — den diri seti di Jehovah meki foe santa dienst èn di den sortoe kristen aktiviteit ini na oso na oso-diniwroko nanga na tijdschrift wroko abi foe doe nanga den. Ma loyaal kotoigi no e meki sma tjari den go fadon komoto foe sowan fasi na no wan enkri foe. — 2 Korintesma 6:17; 2 Johannes 9-11.
20. San a Wortoe foe Gado e taki foe moreel sani di no de krin, èn fa wi kan komoto na den pasi?
20 Ma wan tra sani de di no de krin a ini a ten disi, di e meki moro sma fadon komoto a bribi namkoe moreel sani di no krin. Wi moe loekoe boen gi na druk di grontapoe ben abi tapoe wi foe gi wisrefi abra na hoeroedoe! Na apostel Paulus e warskow wi taki „no hoeroeman, no afkodré man, no soetaman, no man di den e hori foe tegen natuurlek marki, no man di e didon na man . . . sa kisi Gado kownoekondre”, èn a ben go moro fara èn poti tapoe a lijst foe sani di no boen ooktoe „sani di no krin” nanga „loesoe fasi foe libi èn waka” (1 Korintesma 6:9, 10; Galaciasma 5:19-21). Ini a jeje paradijs di Jehovah poti a mindri en pipel na ini a tendisi, presi no de gi hoeroedoesma, èn presi no sa de kwetkweti foe de na ini na kownoekondre ofoe tapoe a paradijsgrontapoe di de so krosbé now foe kon. Meki a de so taki ala sma di de foe a krin pipel foe Jehovah kan hori den presi ini na jeje paradijs foe arki Paulus rai di e taki krakti: „Lon komoto gi hoeroedoe”, „Lon komoto gi afkodré.” — 1 Korintesma 6:18; 10:14.
21. (a) Sortoe fertrow wi moe abi now leki fa Jesaja 52:12 e taki? (b) Fa wi kan sori taki wi abi „switi foetoe”?
21 Di Jehovah salfoe pipel ben kon fri foe na katibo foe na fasi foe anbegi foe Babylon dan den wortoe di a proféti foe Gado ben taki ben pasa go boen ini den ferstan san a wani taki: „No na ini broeja oen sa hari gwe, èn no na ini wan lon gwe joe sa go. Bika Jehovah srefi sa go na oen fesi, èn na Gado foe Iaraël sa de a sma di de na oen baka” (Jesaja 52:12). Te nanga na dé foe tide dan na „bigi ipi” „tra skapoe” foe na Masra e prisiri densrefi ooktoe ini a fri disi. Ala den 2.501.722 loyaal prékiman foe na kownoekondre ben abi na troetroe fertrow taki Jehovah sa tan go a den fesi èn te doro na a stré foe Armageddon pe wan bosroiti o fadon a sa de a den baka (Openbaring 16:13-16), Foe dat’ede den Kotoigi foe na troe Gado, Jehovah, „prisiri, bari leki wán man wan prisiri babari”! Meki den ’lobi foetoe’ foe joe tjari joe go es’esi na fesi foe préki na boen njoensoe foe wan moro betre sani, bikasi „a Gado foe joe tron kownoe!” — Jesaja 52:7-9.
Fa joe ben sa piki den aksi di e kon now?
◻ Fa Jehovah ben sreka den pipel foe bari leki wán man wan prisiri babari?
◻ Na sortoe positief fasi wi kan sori warderi gi den tijdschrift foe wi?
◻ Sortoe boen gebroiki wi kan meki foe ala studi boekoe di wi no kisi so langa ete?
◻ Fa wi moe teki na rai nanga na dek’ati na ini Jesaja 52:11, 12?