Kon krin èn de nanga faja gi toemsi boen wroko
’Jezus Kristus ben gi ensrefi foe krin gi ensrefi wan pipel di ben sa de spesroetoe en goedoe, faja gi toemsi boen wroko.’ — TITUS 2:13, 14.
1. Foe san-ede meki Kotoigi foe Jehovah moe de krin èn nanga faja?
JEHOVAH de santa, boen èn opregti. En nanga en Manpikin e doe ooktoe nanga foeroe faja toemsi bigi wroko (Lev. 19:2; Ps. 25:8; Joh. 5:17). Foe dat’ede meki ala Kotoigi foe Jehovah moe de krin èn faja gi toemsi boen wroko.
2. (a) Fa na apostel Paulus ben tjari krinfasi kon kroederi nanga faja? (b) Sortoe aksi wi e go loekoe now?
2 Na apostel Paulus ben kari krinfasi èn faja di a ben skrifi dati Jezus nanga jepi foe Gado no-ferdini boenfasi „ben gi ensrefi gi wi foe fri wi foe ibri sortoe foe kroektoedoe èn foe krin gi ensrefi wan pipel di ben sa de spesroetoe en goedoe, faja gi toemsi boen wroko” (Tit. 2:11-14). San den e aksi foe den sma di Jezus krin? Gi sortoe toemsi boen wroko den moesoe de nanga faja? Èn sortoe blesi Kotoigi foe Jehovah di krin èn di abi faja e njan boen foe den?
Jeje krinfasi de toemsi prenspari
3. (a) Sortoe markitiki ini a tori foe krinfasi Jehovah dienstknegti moe hori? (b) Fa krakti ben poti tapoe a fanowdoe foe krinfasi di djoe katiboman ben kon fri foe Babylon?
3 Jehovah dienstknegti moe hori a tapoe na kontren foe krinfasi na skinfasi, na moreelfasi, nanga na jeje fasi wan hé markitiki (Ex. 30:17-21; Deut. 23:12-14; Ef. 5:25-27; 2 Kor. 7:1). Krakti ben poti na tapoe na fundamenti punt disi na ini na di foe siksi jarhondro b.G.T., di djoe katiboman ben kon fri foe Babylon (Ezra 1:1-4). Heri esi den ben sa de a pasi e go na a kondre foe den èn tjari nanga prisiri den santa wrokosani nanga den di kownoe Nebukadnezar ben teki poeroe foe na tempel foe Gado na ini Jeruzalem. Fa a ben de toemsi prenspari dati den wrokosani dati foe na santapresi soso krin anbegiman foe Jehovah ben tjari den! Nanga reti den ben taigi den foe dat’ede: „Komoto gwe, komoto gwe, hari komoto gwe foe drape, no fasi no wan sani di no de krin; hari komoto foe en mindri drape, hori joesrefi krin, oenoe di e tjari den wrokosani foe Jehovah” (Jes. 52:11). Den tjariman dati ben moe de krin foe ala doti di den ben kon doti nanga na kerki èn moreel dotifasi foe Babylon.
4. San 2 Korinte 6:14-17, e aksi foe ala kotoigi foe Jehovah?
4 Na apostel Paulus ben tjari na marki dati ini a tori foe krinfasi kon tapoe salfoe kristen, di komoto libi Babyloh na Bigiwan, na grontapoe makti foe falsi fasi foe anbegi. A ben skrifi: „No kon na ondro wan tjatjari di no de a srefi nanga sma di no e bribi. Bikasi sortoe demakandra regtvaardikifasi abi nanga kroektoedoe? . . .’Hari komoto foe dat’ede na den mindri èn prati joesrefi foe den’, Jehovah e taki, ’èn no fasi moro langa san di no de krin” (2 Kor. 6:14-17; Openb. 18:4, 5; Jer. 51:45). Ija, Jehovah e aksi jeje krinfasi foe den salfoe bakaman foe Jezus nanga den kompe foe den, „na bigi ipi”. — Openb. 7:4-9.
Libi godelowsoefasi èn grontapoe lostoe
5. Leki fa 2 Korinte 4:2 e taki, san moe de troe foe wi diniwroko?
5 Den e aksi foe den di e doe dienst leki jeje krin Kotoigi foe Jehovah, dati den „libi godelowsoefasi nanga grontapoe lostoe” (Tit. 2:11, 12). A wan tra presi Paulus e taki ; „Wi ben broko nanga bakabaka sani di wan sma moesoe sjen foe den foe di wi no e waka nanga triki èn ooktoe no e falsi na Wortoe foe Gado; ma foe di wi e tjari na waarheid kon na krin, wi e pristeri wisrefi na ibri libisma konsensi na fesi na ai foe Gado” (2 Kor. 4:2). Net leki na apostel na so disiten kristensma de sondro fowtoe na ini na diniwroko foe den fri foe ibri geregtvaardigde porinen ofoe triki na ini a waka nanga na libi foe den (2 Kor. 8:20, 21; Ps. 101:1-8). Den no moe meki na koni nanga na gridi sondoe jeje ofoe krakti foe na grontapoe di e poesoe sma tjari den — 1 Kor. 1:21; 2:12; 3:19; Ef. 2:1, 2.
6. San wi kan doe te wi abi wan hebi stré tége den firi foe triki èn fowtoe skinlostoe?
6 Foe doro den marki foe den, dan sma nanga wan grontapoe jeje nofo tron e kanti abra go na trikifasi. Ma efoe wan sma di e taki dati a de wan kristen, e doe disi ’ma no e libi godelowsoefasi’ èn a no e abi no wan fertrow demakandra nanga Jehovah (Odo 3:31, 32). Èn efoe wan sma e meki skin lostoe di no krin basi en, dan ’a no e libi grontapoe lostoe’ (Gal. 5:19-21; 1 Joh. 2:15-17). Ma efoe now wi e feti wan hebi feti nanga no jeje firi, leki triki nanga fowtoe skin lostoe, san dan? A ben sa fiti dan foe begi netleki David: „Meki srefi wan soifri ati ini mi o Gado, èn poti na ini mi wan njoen stanfaste jeje. No trowe mi gwe foe joe fesi èn joe santa jeje, o, no teki dati poeroe foe mi” (Ps. 51:10, 11; Joh. 19:19). Efoe wi e begi na a fasi dati èn e njan boen dorodoro foe na jepi di de via a Wortoe foe Gado, en jeje nanga en organisaatsi, dan wi ben kan poti wi denki kon reti èn kan doe dienst getrow leki Jehovah krin anbegiman.
7. Foe san-ede meki den moe poti sma di doe ogri èn di no abi berow na dorosé foe na gemeenschap?
7 Efoe na mindri wi sma de di e tan waka na baka wan libifasi di doti srefsrefi èn den no abi berow, dan wi e sluit den uit foe na gemeenschap, sodati Jehovah nen no sa kon doti, en organisaatsi e tan krin èn en getrow dienstknegti e kisi kibri èn e kisi boen na ini den prakseri o hebi na doe foe serjoesoe ogri e wegi (Lev. 22:31-33; Deut. 13:6-11). Jari pasa kaba a pipel foe Gado ben ferstan dati den no ben moesoe abi demakandra moro langa nanga wan sma di doe ogri ma di no abi berow. Na so na fosi president foe na Wachttoren Genootscap Charles Taze Russell, na ini, 1904 ben skrifi: „Na Kerki moe hori ensrefi foe no abi demakandra moro fara nanga en èn nanga ala eventueel marki ofoe fasi foe bradafasi” (The New Creation, blz. 290). Ooktoe na ini a ten disi Jehovah pipel e hori densrefi na a rai foe na bijbel foe ’poeroe na godelowsoe soema na den mindri’. — 1 Kor. 5:9-13
8. Fa Lukas 3:8 nanga Galacia 6:1 moe wroko na tapoe na fasi tapoe fa owroeman e handri nanga sma di ben doe wan fowtoe?
8 Na hori krin foe Jehovah organisaatsi de wan afersi di owroeman di den poti foe wroko e teki srefi na ati. A no de foe taki dati den de nanga sar’ati efoe froktoe di e fiti berow de foe si, soleki Jehovah ooktoe e sori sar’ati efoe disi de tapoe en presi (Luk. 3:8; Ps. 86:15; 130:3, 4). Èn efoe wan sma di de na ini na srefi bribi leki doe wan sondoe bifo a ferstan dati, dan den wan di abi jejefasi moe proeberi foe tjari en kon baka „na ini wan jeje foe safri-ati”. — Gal. 6:1.
Fa owroeman kan jepi
9. San na toe foe den fasi tapoe fa owroeman kan jepi tra kristen na jejefasi?
9 Fa opziener kan jepi kristensma foe tan krin na jejefasi? Wan fasi de te den e hori lezing di e bow a bribi. Ete wan fasi de, foe abi takmakandra nanga den èn foe tjari herder fisiti go na den (1 Petr. 5:1-4). Na den okasi dati owroeman e meki gebroiki na wan fasi di fiti foe na bijbel foe leri den wan di de ini a srefi bribi leki den, foe memre den na bepaalde sani, foe fermane den èn srefi „foe pir’ai gi den.
10. (a) Sortoe fasi na ini a tori foe taki na publiki owroeman meo sori? (b) Foe san-ede meki jeje herder moe de faja bijbelstudenti?
10 Na fanowdoe foe gi leri na sma ben kisi krakti di Paulus ben gi tranga na en kompe wrokoman Titus ’foe tan taki den sani di kroederi nanga na gesontoe leri’ (Titus 2:1). Sakafasi kristen owroeman no e soekoe foe kisi barinen, leki publiki takiman, ma den wani handri nanga a bijbel na wan joisti fasi sote foe leri sma (Odo 25:27). A de wan moi sani dati John Quincy Adams, wan fosten president foo den Verenigde Staten foe Amerkankondre ben taki: „Jari langa mi ben abi na gwenti foe lési na heri bijbel.” Ibri kownoe foe Israël ben moe meki wan afschrift foe a wet foe Gado èn „lési na ini ala den dé foe en libi”. Jozua ben waka na baka den sortoe komando disi (Deut. 17:14-20; Joz. 1:7, 8). Fa den sortoe man disi foe na Israël foe owroeten ben kan handri koni ofoe ben kan jepi trawan na jejefasi sondro foe ben kisi sabi? Joe, leki owroeman di den poti, ben lési na heri bijbel alaten baka kande? Sondro degedege disi sa meki na bekwaamheid foe joe kon moro bigi foe gi rai na trawan, èn ooktoe na kristensma di gi densrefi abra èn di nofotron kaba ben lési densrefi den Boekoe. Den wan di e doe wroko leki jeje herder, moesoe de fajafaja studenti foe a Wortoe foe Gado, na fundamenti foe na „gesontoe leri”.
11. (a) Na sortoe punt foe bijbel den ben moe memre den fosi-jarhondro kristen na Kreta? (b) Sortoe bekwaamheid owroeman di den ben poti moe abi ini a tori foe memre sma san a bijbel e taki?
11 Paulus ben taki ooktoe gi Titus: „Tan memre den foe saka densrefi èn gi jesi na tiri nanga makti leki tiriman, klarklari foe doe ibri boen wroko, foe no taki takroe foe no wan sma, foe no abi na fasi foe stré, foe de redelek, e sori ala safri-atifasi gi alasma” (Tit. 3:1, 2). Den fosi jarhondro kristen na tapoe na eilanti Kreta ben kisi na memre foe den spesroetoe punt disi. Na so ooktoe owroeman efoe nownow wan problema sori ensrefi, moe man foe tjari kon na a memre foe kompe bribiman den pisi foe na bijbel di e fiti. Èn meki wi de alaten nanga tangi te fermane di komoto foe Gado e tjari kon na ondro wi prakseri na a fasi foe memre foe wi. — Ps. 119:99, 129.
12. (a) San a wani taki foe fermane? (b) Nanga sortoe jejefasi fermane moe gi?
12 Den ben taigi Titus ooktoe: „Tan fermane den moro jongoeman foe de gesontoe foe ferstan” (Tit. 2:6). Fermane wani taki gi tranga, gi serjoesoe rai ofoe warskow. Foe di Paulus ben abi opregti lobi nanga broko-ede meki a no ben draidrai foe gi den fanowdoe fermane. A ben kan taki srefi gi den owroeman foe Efese: „Tan nanga ai èn hori na ini prakseri taki dri jari langa, neti nanga dé, mi no ben tapoe foe fermane ibriwan foe oenoe nanga watra-ai” (Tori. 20:31). Disiten owroeman di e sori na srefi fasi èn e gi fermane di fiti, de troe wan blesi gi na gemeente.
13. (a) San pir’ai wani taki? (b) Nanga sortoe jejefasi owroeman moe gi rai?
13 Paulus ben taki ooktoe foe gi pir’ai di a ben gi tranga na Titus: „Tan pir’ai gi den tranga, sodati den kan kon de gesontoe na ini bribi èn no poti prakseri na djoe anansitori nanga komando foe sma di drai baka gi na waarheid” (Tit. 1:13, 14). Gi pir’ai wani taki „sori wan sma na tapoe en fowtoe èn foe taigi en fa a moe handri”, nofotron a de nanga wan switi bedoeling ofoe „foe lési na les” gi wan sma foe den wortoe ofoe doe foe en ede (Van Dale Groot Woordenboek der Nederlandse Taal; M.J. Koenen en J.B. Drewes, Verklarend handwoordenboek den Nederlandse taal). Paulus ben taki foo gi pir’ai, ma nanga wan hémarki — „sodati den kan de gesontoe ini bribi”. Na sofasi ooktoe owroeman na ini a ten disi ben tan farawe foe tranga-ati di no de foe wan kristen libi. Kontrari kragiman di fadon komoto foe bribi, troe kristenowroeman e proeberi foe no de den „méstri foe na bribi nanga libi foe tra bribiwan, ma den doe wroko leki beheerders nanga kompe wrokoman foe na prisiri foe den, foe di den e jepi den foe tan faste na ini na bribi foe den.” — 2 Kor. 1:24; 1 Kor. 4:1, 2.
14. San sa jepi wi foe tan krin na jejefasi?
14 Te wi e poti prakseri na tapoe ala sani san na bijbel e leri wi èn e tjari kon na ini wi memre, èn ooktoe poti prakseri tapoe den fermane èn den pir’ai di e gi na ini, dan wi sa kisi jepi foe tan krin na jejefasi. Disi e meki wi de boen gi na santa dienst foe Gado. Ma nanqa sortoe jejefasi wi moe doe a dienst dati?
Abi ’faja gi toemsi boen wroko’
15. (a) San wi kan taki na abi foe faja de? (b) San de a moro boen wroko di wan kristen kan doe?
15 Leki wan orga skin foe kristen di gi densrefi bra, Jehovah Kotoigi de „nanga faja gi toemsi boen wroko”. Faja wani taki faja ini jeje, faja belangstelling gi wan afersi; „gi joesrefi na wan afersi” (Kramers Groot Woordenboek Nederlands). Leki fa na brifi foe Paulus gi Titus taki, dan ala kristen moe abi foeroe foe doe nanga wan bigi difrenti sortoe foe „boen wroko”. Na so jongoe oema moe de krin, moe wroko na oso èn saka densrefi a den man foe den ondro. Titus ben moe sori ensrefi leki „wan eksempre foe toemsi boen wroko” foe di a moe sori taki a de sondro pori fasi na ini en leri, e gebroiki gesontoe wortoe, nanga so moro fara (Tit. 2:1-14). Na moro boen wroko di wan kristen kan doe, de natuurlek dati a e jepi trawan foe leri sabi Gado èn foe dini en. Joe de, efoe joe de wan Kotoigi foe Jehovah troetroe nanga faja na ini a doe foe a ’toemsi boen wroko disi’? Den fosi-jarhondro kristen ben de faja evangelium-prekiman, srefi aladi ferfolgoe ben de. — Tori. 11:19-21.
16. (a) San na wan fundamenti réde ini a de foe na kristen gemeente? (b) San sma taki foe na evengeliumwroko foe Jehovah Kotoigi?
16 Aladi disiten ferfolgoe foe Jehovah Kotogi de, tokoe Gado jeje boewegi den foe doe a wroko foe den foe préki na Kownoekondre — wan fundamenti réde foe a de foe na kristen gemeente (Matt. 24:14; 28:19, 20; Jes. 61:1, 2). Netleki den fosi kristen na so den de nanga faja na ini na toemsi boen wroko, a préki foe na „boen njoensoe” oso foe oso èn tra fasi (Tori. 5:41, 42; 20:20, 21). Na ini na boekoe Evangelism, Inc. G.W. Target e taki foe den prékiwroko methode soleki na „oso foe oso evangelium”, èn e taki dati „son sma abi a firi srefi foe kari en a methode di e gebroiki moro focroe — spesroetoe baka na laatste fisiti foe Jehovah Kotoigi. . . .Tra sma es’esi toe e kisi na overtoigi foe dati, ma Jehovah Kotoigi de na fesi”. Foe na gebroiki foe boekoe di abi bijbeltori na ini Target e piki: „Ooktoe ini a tori disi Jehovah Kotoigi de a fesi. . . . Te joe teki tra richting gersi nanga den . . . dan pikinso richting de troetroe e tjari boekoe kon na doro foe a evangelium.” Ija, den kristen boekoe di nanga jepi foe Gado santa jeje e meki èn di de na Jehovah Kotoigi foe kisi foe wan bijdrage, e jepi den sma di joe kan teki gersi nanga skapoe alape na grontanoe foe leri sabi èn foe doe na wani foe Gado.
17. Sortoe bewijsi de dati Gado ben blesi na prékiwroko foe Jehovah Kotoigi meki a waka boen?
17 Jehovah ben blesi na prékiwroko foe den fosten kristen meki a waka boen. Foe dat’ede meki na ini na wan presi go ini na trawan gemeente ben opo — na ini Rome, Korinte, Efese, Filippi, Kolosse, Thessalonika nanga tra presi. Na so ooktoe Jehovah e blesi na préki-activiteit foe en disiten dienstknegti dati a waka boen, srefi na so wan fasi dati now na ini na heri grontapoe moro leki 46.000 gemeente foe Jehovah Kotoigi de. Na grani foe na ferwondroe gro disi e kon gi Gado. — Jes. 60:22; 1 Kor. 3:6, 7.
Den foeroe blesi foe wi
18-20. San na wantoe foe den blesi di wi e prisiri na ini leki dienstknegti foe Gado?
18 Jehovah pipel na ini a ten disi e prisiri leki wan bakapisi foe na krin nanga faja dienst foe den troetroe na ini foeroe blesi nanga wini (Odo 10:22). Leki Gado krin dienstknegti foe eksempre wi abi ala satisfaksi dati wi e plisi en (1 Petr. 1:13-16). Na Gado waarheid ben meki wi kon fri foe Babylon na Bigiwan, na grontapoe makti foe falsi fasi foe anbegi (Openb. 18:5). Wi no de na ini na anoe foe bijgeloof, frede gi den dedewan (Prek. 9:5, 10; Joh. 8:32). Na ’vréde foe Gado e kibri wi jeje koni’ (Fil. 4:6, 7, 13). Na kon geregeld nanga krin anbegiman makandra e gi wi wan firi foe sekerfasi, soleki ’skapoe na ini wan koi’ e ondrofeni dati (Micha 2:12). Foe di wi abi Gado santajeje, meki wi man foe sori den froktoe foe en, namkoe lobi, prisiri, vréde, langa pasensi, switifasi, boenfasi, bribi, safri-ati fasi nanga dwengi joesrefi (Gal. 5:22, 23). Fa ala disi moe foeroe wi nanga prisiri!
19 Leki faja kownoekondre prékiman wi e dini na universele soeverein — na moro bigi grani di wan sma kan kisi. Wi e doe „na santa wroko foe na boen njoensoe”. Ija, no wan tra moeiti na grontapoe e gi moro prisiri leki na meki na boskopoe foe „na kolokoe Gado bekenti èn foe jepi trawan foe leri sabi en”. — Rom. 15:16; 1 Tim. 1:11.
20 Wan krosbé matifasi nanga Gado de ete wan foe den foeroe blesi foe wi. Wi kan begi na en na ini na fertrow taki a e jepi wi (1 Joh. 5:14, 15). Fa a de wan switi sani foe firi joesrefi so krosbé na Jehovah! Na psalmsingiman ben tjari en kon na a fasi disi na ondro wortoe: „Na kon krosbe foe Jehovah de boen gi mi. Na ini na soeverein Masra Jehovah mi ben soekoe mi kibripresi, foe meki ala joe wroko bekenti.” — Ps. 73:28.
21. Wi moe teki na faste bosroiti leki Jehovah krin èn faja pipel foe doe san?
21 Nanga ini prakseri den foeroe blesi di wi abi leki Gado krin èn faja pipel, meki foe dat’ede wi teki na faste bosroiti foe tan krin na jejefasi èn foe sori wan tranga Gado faja. Dan wi kan de seker dati Jehovah sa hori baka gi wi leki en kotoigi èn tjari wi. Boiti foe dati, tangi foe na no-ferdini boenfasi foe Gado meki na pasi sa opo gi wi nanga wi krinfasi èn wi faja na ini santa dienst foe Gado na ini den laatste dé disi foe te na ini ala tégo fasi sa doe krin nanga faja wroko leki wan prijse gi Jehovah.
San joe ben sa piki?
◻ San na wan marki foe kan de wan pisi foe Jehovah krin pipel?
◻ Fa owroeman di den poti kan jepi trawan foe tan krin na jejefasi?
◻ Na ini sortoe toemsi boen wroko a pipel foe Gado moe abi foeroe foe doe spesroetoe?
◻ San na wantoe blesi di Jehovah krin èn faja kotoigi abi?
[Prenki na tapoe bladzijde 15]
Owroeman moesoe de faja bijbelstudenti èn moesoe gebroiki na bijbel foe memre den na bepaalde sani, feo vermane den èn srefi foe pir’ai gi den