„No meki nowan sma foefoeroe na prijs poeroe foe joe”
„No meki nowan sma di abi prisiri na ini gersi-sakafasi foefoeroe na prijs poeroe foe joe . . . èn di sondro réde opo ensrefi nanga na skin jejefasi foe en.” — KOLOSSE 2:1
1, 2. Fa foeroe sma ben wroko tégen den tégo belang foe tra sma, èn joe kan kari wan toe moro bijbel eksempre foe disi?
NA FOSI libisma di ben doe sondoe, Eva, ben feni dede foe di a ben meki wan jeje meki-sani di hé moro libisma èn di ben abi triki ben kori en. Na di foe toe sondari Adam, meki en oema di ben de soso wan libisma kori en. — 1 Tim. 2:14; Gen. 3:17.
2 Eva ben de a fosi-wan na ini wan langa lo foe sma di den dek’ati di den ben kisi, te joe ben sa poti prakseri na tapoe, ben de kontrari den tégo belang foe den tra libisma a den sé. Arki pikinso na a babari foe den wortoe foe den na ini a heri bijbel! A oema foe Potifar ben taki gi Jozef: „Kon didon na mi” (Gen. 39:7). A oema foe Job: „Floekoe Gado èn dede!” (Job 2:9) Den Israëlsma gi Aäron: „ Opo, meki wan gado gi wi di e go na wi fesi” (Ex. 32:1). Petrus gi Jezus Kristus: „De boen gi joesrefi, Masra; a sani disi noiti sa pasa nanga joe kwetkweti”. — Matt. 16:22.
3. Sortoe warskow Paulus ben gi na ini Kolosse 2:18, èn sortoe aksi disi e meki kon?
3 Ma nofotron den sortoe dek’ati disi ben abi wan takroe bakapisi gi wan foe Jehovah dienstknekti. Ma aladi kristensma „abi wan stré . . . tègen den godolowsoe jejekrakti” tokoe na tapoe-skreki di e kon wantronwantron e kon soboen nofotron foe tra sma (Ef. 6:12). Foe dat’ede na apostel Paulus ben warskow: „No meki nowan sma foefoeroe a prijs poeroe foe joe” (Kol. 2:18). San na a prijs disi? Èn foe san-ede wan toe sma foe Jehovah dienstknegti ben meki den teki dati foe den, foe di den ben broko kindi gi na krakti foe onvolmaakti libisma? Foe feni wan piki tapoe disi, meki wi go ondrosoekoe den omstandigheden ini Kolosse di ben meki Paulus gi na warskow disi.
4, 5. (a)Sortoe krakti na ini a fasi foe bribi ben de na ini Kolosse? (b) San ben de na gnostisisme, èn sortoe gevaarlek krakti dati ben kan abi?
4 Kolosse ben de wan patoe pe den fasi foe bribi smelter kon a wan. Den Phrigiërs di ben de foe a kondre ben de wan pipel di ben meki firi tjari den, di nanga den ati nanga sili den ben gi densrefi na afkodré, èn a dini foe kroektoe gado èn bijgeloof. Dan joe ben abi ini a foto wan pisi foe den sma di ben de djoe, di ben e hori densrefi te now ete na a Judaïsme. A didon foe Kolosse na wan prenspari pasi foe doe bisnis ben abi ooktoe leki bakapisi na kon foe fisitiman alaten. Kande a ben de so, dati den freemde sma di ben feni en wan switi sani foe psa a fri ten foe den nanga a ferteri foe ofoe na arki na njoen sani (Teki gersi nanga Tori foe den Apostel 17:21). Disi ben abi leki bakapisi a panja foe njoen filosofie, na ondro san joe ben abi na kon a libi safrisafri foe Gnostisisme. R. E. O. White; wan sabiman, e taki: „Na Gnostisisme ben de wan denki di ben panja ensrefi net so bigi leki na evolutie theorie na ini a ten disi. A de séker kande dati na ini na fosi jarhondro ofoe moro a fesi kaba a ben kon na fesi èn a ben doro na hémarki foe en na ini na di foe toe jarhondro. A ben de wan moksi watra foe philosofische denki, bijgeloof, afoe towfroe gwenti èn son tron wan fanatiek èn srefi fisti fasi foe anbegi.”
5 Na ini a klimaat disi na fasi foe bribi na ini Kolosse leki fa a gersi ben tron wan sortoe sani di no ben e broko — wan ferbasterd moksi watra foe Judaïsme, Griki philosofie èn heiden mystiek. Na kristendom ben sa kon na ini na srefi moksi watra dati?
’Den foefoeroe a prijs’ — fa?
6. (a) Fa den wortoe foe Paulus ben broko na krakti foe heiden filosofie nanga na Judaïsme boen foeroe? (b) Foe san-ede a ben de fanowdoe gi kristen sma foe loekoe ’boen’?
6 Na krakti brifi di Paulus skrifi gi den Kolossesma, sa ben broko foe wan bigi pisi na krakti foe sma di kande ben sa wani smelter na Judaïsme èn heiden filosofie èn na kristendom kon a wan. Alaten baka a ben poti a prakseri na tapoe Kristus. Paulus ben skrifi: „Ala goedoe foe koni èn foe sabi kibri boen na ini en [na ini Kristus, no na ini Wan ofoe tra Judaïssma ofoe heiden philosoof].” Den ben poti na a ferstan foe den Kolossesma „foe fo doro foe waka na ini wanfasi nanga en [Kristus], abi roetoe èn bow na ini en èn meki kon stanfaste na ini bribi”. Noso den ben kan tjari den go na tapoe wan ferdwaal pasi. Foe dat’ede Paulus ben warskow: „Loekoe boen: kande wan sma wani foefoeroe joe nanga jepi foe na philosofie èn nanga soso bidrigi akroederi den gwenti foe sma, akroederi den elementairi sani foe a grontapoe èn no akroederi Kristus.” — Kol. 2:3, 6-8.
7. (a) San-ede meki den leri foe den heiden filosoof nanga a Judaïsme ben de wan séker moi sani di ben kori son kristensma? (b) Foe san-ede te joe loekoe en boen a leri foe den ben de „wan soso bedrigi sani”?
7 Kande son njoen bakaman foe Jezus Kristus ben misi a ferwondroe sani foe na mystiek ofoe na poesoe foe na philosofie. Bepaalde djoe kristen kande ben e hori densrefi ete na den owroe gwenti foe na Judaïsme. Den leri foe heiden philosoof nanga foe Judaïsme ben sa de foe dat’ede gi den sortoe sma disi wan séker moi sani. Ma o fa den falsi leriman dati ben taki nanga overtoigi èn taki grati, den no ben abi no wan moro betre sani foe gi leki „soso bedrigi”. Na presi foe ferklari na soifri Wortoe foe Gado, den e taki soso foe den „elementairi sani foe na grontapoe” philosofie, order nanga bribi di no abi waarde. Te wan kristen ben sa brasa den fowtoe prakseri disi, dan a ben sa waka takroe gi en. Foe dat’ede Paulus ben taki: ’No meki no wan sma foefoeroe na prijs poeroe foe joe’. — Kol. 2:18.
8. (a) San ben de „na prijs”, èn sortoe tekst e hori baka gi joe piki? (b) Fa den ben kan foefoeroe foe Salfoe kristen „na prijs”?
8 „Na prijs” ben de libi sondro foe dede moro na ini hemel. Den ben teki en gersi nanga na paiman di na; lonman di ben wini ben e kisi baka wan strélon di ben teki ala krakti foe en (1 Korintesma 9:24-27; Filipi 3:14; 2 Timotéus 4:7, 8; Openbaring 2:7). Te foe kaba soso Jehovah Gado ben kan taki nanga jepi f oe Jezus Kristus dati wan sma no boen moro foe waka na strélon foe na libi (Johannes 5:22, 23). Ma ete, efoe wan falsi leriman ben man foe kisi wan kristen na ondro en makti, dan disi ben sa abi leki bakapisi dati na kristen disi ben sa lasi a prijs. Na sma disi di den bedrigi ben kan lasi pasi gwe so fara foe na waarheid, dati a no ben doro na laatste marki!
Na sma di na falsi leriman de
9. Sortoe fo sani ben e marki den falsi leriman a mindri den Kolossesma?
9 Wan fasi ben de dan foe ben kan kon sabi wan sma di ben hari go foe ’foefoeroe na prijs poeroe foe wan kristen’? Ija, bika Paulus ben ferteri foe a sortoe sma di den falsi leriman na Kolosse ben de. So wan sma (1) „abi prisiri na ini gersisakafasi èn wan fasi foe anbegi foe engel”; (2) ’e go na ini den sani di a ben si; (3) „sondro joisti réde opo ensrefi . . . nanga en skin jejefasi”; aladi a (4) „no e hori na a edeman”, Jezus Kristus. — Kolossesma 2:18, 19.
10. Fa den falsi leriman ’ben feni prisiri na ini gersi-sakafasi’?
10 Fa disi de wan koni triki. Na falsi leriman ben poti na kroetoe di Jezus ben kroetoe na hori foe vasten foe ala sma si, a wan sé èn ben e sori na dorosé wan sakafasi di ben e wiki sari (Mattéus 6:16). Ija, na falsi leriman, ’ben feni prisiri’ na ini wan sori foe ori vasten èn tra fasi foe hori ensrefi farawe foe sani foe bribi (Kolosse 2:20-23). Den swa fesi ben bereken soifri foe sori wan santa fasi di no ben de troetroe. Ija, na falsi leriman ’ben doe en regtvaardikifasi na fesi na ai foe den libisma foe den kan si en’ (Mattéus 6:1). Ma disi ben de alamala hoigrifasi, „gersi-sakafasi”. Soleki The Expositor’s Bible e taki en: „Wan sma di sabi dati a de nanga sakafasi, èn de tevréde nanga dati, aladi foe den oekoe foe en ai di de taptapoe a e foefoeroe ai loekoe na ibri spikri pe a kan si ensrefi, no de nanga sakafasi kwetkweti.” — Wi e poti wan strépi na ondro.
11. (a) San ben de na anbegi foe engel? (b) Sortoe bewijsi de dati na anbegi foe engel na ini Kolosse ben tan go doro wan langa pisten ete?
11 Ma ete na hoigrifasi nanga na sakafasi disi ben gi wan sortoe gersi bribi na ini wan gebroiki di no ben boen — na „anbegi foe den engel”. Paulus no e tjari kon na krin fa a ben e go precies nanga na anbegi dati. Ma bewijsi de dati a ben de wan fasi foe falsi anbegi di na ini Kolosse nanga den birti foe en ben tan ete someni hondrohondro jari langa. Wan concilie (kerki komakandra) di ben hori na ini na Laodicéa di ben de ini na birti na ini a di foe fo jarhondro ben feni en fanowdoe foe taki: „Kristensma no moe libi na kerki foe Gado a wan sé èn no moe kari den nen foe den engel. . . . Efoe foe dat’ede kon na krin dati wan sma doe na persoonlek afkodré-dini disi, meki a de wan ferfloektoe wan.” Ma Theodoretus, wan theoloog nanga sabiman na ini a jari féfi jarhondro e piki dati na ini en ten na anbegi foe engel, „na takroedoe disi”, ben de drape te now ete. Te na a dé foe tide na katholiek kerki ben gi „den bribiman dek’ati foe lobi den engel, foe respeki den èn foe kari den” èn „mis tra kerki dienst e hori foe gi grani na den engel waktiman”. — New Catholic Encyclopedia, volume 1, page 515.
12. Fa den falsi leriman ben sa ben kon na a bosroiti dati na anbegi foe engel ben de wan sani di boen?
12 Na falsi leriman ben taki kande aladi ai teki na redenatie di e kroederi nanga di foe den katholiek theoloog: ’Fa den engel abi wan toemsi moi grani! A no de so, dati a wet foe Mozes ben tjari kon abra nanga jepi foe den? Den no de krosbé na Gado ini hemel? Wi moesoe gi séker den maktiwan disi na grani di den moe kisi. Disi no ben sa sori foe oen sé troetroe sakafasi? Te foe kaba a de so dati Gado de boen hé èn wi libisma de so lagi! Foe dat’ede den engel kan dini gi wi leki mindriman foe go na Gado’.
13. (a) Na anbegi foe engel na wan boen sani? (b) San den ben e bedoel taki na falsi leriman „ben go na ini” den sani di a ben si?
13 Ma anbegi foe engel na ini sortoe toe vorm toe de alaten fowtoe (1 Timotéus 2:5; Openbaring 19:10; 22:8, 9). Ma na falsi leriman ben sa proeberi foe skoifi a sani disi poti na wan sé, „e go na ini” den sani di a ben si. Leki fa The Vocabulary of the Greek Testament e taki dan den wortoe disi „e gebroiki na ini den mysterie godsdienst foe sori tapoe a hémarki foe na initiatie (inwijding), a momenti tapoe san na mustês [a sma di den e wije] ’e poti foetoe tapoe’ na dromofo foe go na ini na njoen libi pe a o teki prati now nanga na gado”. Foe di Paulus ben meki gebroiki foe na heiden fasi foe taki, a ben spotoe na fasi fa na falsi leriman e meki bigi foe na aparti inzicht di a abi — kan de srefi ben taki dati a ben kisi visioen foe tapsé.
14. Na ini sortoe fasi den falsi leriman ’ben de nanga hémemre foedi den ben abi wan skin jejefasi’?
14 Aladi na falsi leriman ben taki dati a abi jejefasi, a ben de foetroe sondro joisti réde nanga bigi momre nanga na „na skin jejefasi foe en”. Na sondoe skin ben doti na fasi fa a ben si sani èn den bewégi foe en foe ati. „A opo di a opo ensrefi foe hémemr ede èn ferberde, a ben hori en jeje na tapoe „den wroko di ben de goddelowsoe” (Kolosse 1:21). Èn a moro ogriwan foe ala sani ben de, dati a no ben hori na a edeman, Kristus, bika a ben si den fasi fa grontapoe sma ben si sani moro prenspari leki den leri foe Jezus.
Te now ete wan gevaar
15. (a) Sortoe jejfasi de foe si na ini a ten disi na son kristen? (b) Pe den sortoe fasi disi feni den bigin, èn fa joe kan teki den gersi nanga na rai di a bijbel e gi?
15 Te now ete na prijs foe tégo libi e poti na fesi foe Jehovah dienstknegti — efoe a de now na ini hemel ofoe a de na tapoe wan paradijs grontapoe. Séker den gnostici sma nanga Judaïstsma langa ten no de moro. Tokoe sma de now ooktoe di ben sa kan tapoe wan kristen foe kisi na prijs disi. Kande den no e doe en espresi. Ma foe di den meki ’na filosofie nanga den soso bedrigifasi foe na seti foe sani disi ben abi bigi krakti na tapoe den, den e taki kande so wan sani leki san e kon now:
’Mi e proeberi foe de eerlek, ma dati a wan sani di no de so makriki efoe joe e doe wan bisnis. Ini a grontapoe disi sma e waka tapoe trawan èn son lési joe moe poti gewoon watra ini a win’ (Teki gersi nanga san Odo 11:1 e taki; Hebrewsma 13:18.)
’Joe ben sa wani taki dati joe de te now ete soso oso-oema? Den ten kenki, jere! Teki wan wroko èn meki wan sani foe joe libi!” (Teki gersi nanga Odo 31:10-31)
„Mi dabi wel dati a wroko foe mi e go na ini mi komakandra nanga mi velddienst, ma a libi standaard foe mi e kostoe now boen foeroe moni. Èn sortoe sani de tége en foe abi wan toe moi sani?’ (Poti na rédenering disi abrasé foe Luk. 21:34, 35; 1 Timotéus 6:6-8.)
’Mi kon weri foe jere den owroeman e taki alaten baka foe velddienst! Mi e wroko na heri wiki èn na a kaba foe a wiki joe e ferdini pikinso ontspanning.’ (Teki gersi Lukas 13:24; Markus 12:30)
’A no ala sma a foe pionier. Foe taki leti, efoe joe loekoe na economia toestand foe disi ten, dan joe moe abi wan opleiding foe universiteit efoe joe wani doro wan sani.’ (Poti abrasé foe Mattéus 6:33; 1 Korinte 1:19, 20; 1 Timotéus 6:9-11.)
Wan tak-go-tak-kon di abi leki marki na lobi foe goedoe èn sani foe na skin de sondro foe joe kan prati den foe makandra „den elementairi sani foe na grontapoe” — den gron regel nanga prakseri foe libisma na ini a grontapoe! Foe broko kindi gi dati, kan meki jeje lasi kon di no kan kon boen moro.
16. Fa son sma na ini a ten disi ben kan tron gersi-santa kroetoeman?
16 Sma di e opo densrefi poti leki kroetoeman nanga leriman de agen wan tra gevaar. Netleki den sma di ben waka na den fesi na ini Kolosse na so den e meki wan punt foe kesekese foe soifri persoonlek afersi. Foeroe tron den abi na marki foe „gersi-sakafasi” (Kolosse 2:16-18). Mi moro santa-leki-joe-fasi foe den e sori wan fowtoe bewégi foe ati — na lostoe foe poti densrefi a tapoe trawan. Foeroetron den de moro „regtvaardiki” èn esesi den de drape foe go pikinso moro fara leki san na „getrow srafoe” ben taki ofoe poti na boekoe. Na so kande den sa sa sai trobi foe afersi leki ontspanning, gesontoe, krosi èn a fasi fa wan sma e loekoe a dorosé ofoe a gebroiki foe sopi (Prékiman 7:16; Mattéus 24:45-47). Nanga disi a prakseri e poeroe tapoe jeje afersi èn e poti a tapoe den lostoe foe a skin. — Teki gersi nanga 1 Timotéus 6:3-5.
17, 18. (a) Fa son sma ’ben go na ini’ persoonlekfasi foe loekoe sani èn foe san-ede disi de gevaarlek? (b) San wi sa go taki foe en na ini a tra studi?
17 Na ini a ten disi son sma e go srefi so fara dati den ’e go na ini’ persoonlek fasi foe si sani ini a tori foe den Boekoe, ofoe e taki dati den abi sposroetoe inzicht. Wan oema di ben dopoe pas wan jari, ben taki dati a ben de wan foe den salfoewan èn ben prakseri dati disi ben sa meki na prakseri foe en de moro prenspari. Foe dat’ede a ben sori wan faja lostoe foe kan de na ini wan officieel hoedanigheid „foe leri trawan èn gi den dek’ati” (Ma loekoe 1 Timotéus 2:12). Foe di Jehovah no wani si na ai srefsrefi a opo di wan sma o opo ensrefi hé èn bigimemre” meki kristen moe prakseri bescheiden foe den égi denki foe den (Odo 8:13). Den e komoto na a pasi foe na trapoe ’foe de nanga bigifisi sondro joisti réde nanga na skin jejefasi foe den’ (Kolosse 2:18). Ala sma di e poti en égi denki a fesi èn soso na rai foe na „getrow srafoe” di Kristus poti, no e hori na a edeman. Jehovah loyaal kotoigi foe dat’ede séker moe kibri densrefi gi goddelowsoe krakti di ben sa foefoeroe poeroe foe den na prijs foe libi.
18 Satan e gebroiki te now ete sma foe meki dati tra sma no kisi libi. San na wan tra toe fasi di Satan e gebroiki na koni disi? Èn fa wan kotoigi foe Jehovah nanga horidoro kan tan hori na a prijs?
Joe kan memre disi ete?
◻ Sortoe krakti na ini a fasi foe anbegi ben de wan gevaar gi den kristen na ini na owroe Kolosse?
◻ Na sortoe sani joe ben kan herken den sma di ben wani foe foefoeroe foe kristensma „na prijs”?
◻ Fa son kristen na ini a ten disi e sori dati „den elementairi sani foe na grontnpoe” abi krakti a tapoe den?
◻ Fa falsi leriman ben sa poti kristensma tapoe wan fowtoe pasi?
[Prenki na tapoe bladzijde 3]
Na anbegi foe engel ben de wan gevaar gi na kristen gemeente na Kolosse. Na mindri sokari kristen wan srefi sortoe anbegi foe kroektoe gado de te now ete
[Prenki na tapoe bladzijde 4]
Loekoe boen nanga sma di wani wroko tapoe joe nanga na fasi foe denki foe na grontapoe!