Bow foe abi wan tégo tamara
„Ibri oso abi wan bowman, ma na bowman foe ala sani na Gado.” — HEBREWSMA 3:4, Wymouth.
1, 2. (a) Soema ben gi na ontwerp foe na ark èn o fini den instructie ben de di ben gi? (b) Foe san-ede a de toemsi prenspari dati wi gi jesi net so leki Noach?
SOWAN 4400 jari pasa kaba Jehovah ben gi Noach na komando di ben sa dini foe kibri libi. Ma Gado no ben gi den abra na Noach foe meki somaar wan ofoe tra bowwroko di ben sa kan tan tapoe watra. A ben gi en moro foeroe aparti instructie ini a tori foe sortoe materiaal, ontwerp, a langa, a bradi, a hé, nanga fa winti moesoe kon na inisé èn fa a ben moe tan na inisé èn dorosé. „Ne Noach ben doe akroederi ala sani san Gado ben gi en komando. Joisti so a ben doe.” — Genesis 6:13-16, 22.
2 Fa disi de wan toemsi moi eksempre gi disiten kotoigi foe Jehovah! Netleki fa Noach ben kisi wan wroko, a so wi kisi wan toe foe ferloesoe libi, ma na lési disi a e go foe na ferloesoe foe ’miljoenmiljoen sma di e libi now èn di noiti sa dede’. O prenspari a de dati wi gi jesi net so leki Noach ben doe! O tranga fanowdoe a de dati wi waka baka na model foe na Sma di de moro bigi leki Noach, Jezus Kristus, foe di wi e doe dienst leki ’prékiman foe regtvaardikifasi’! — 2 Petrus 2:5.
Wan jeje bowproject
3. (a) San sa de a bakapisi efoe wan sma bow tapoe den wortoe foe Jezus? (b) Foe san-ede a prékiwroko foe Jezus ben de wan sani di ben e bow sma bribi?
3 A de now 1956 jari psa kaba sensi Jezus ben meki na boiti kontren foe Galiléa ben froewondroe nanga en ferklari: „Abi berow, bika a kownoekondre foe den hemel kon krosbé kaba.” Ibri wan sma di ben sa gi jesi na en wortoe èn ben sa bow na tapoe, den ben sa teki gersi nanga „wan koni man di ben bow en oso a tapoe na stonbergi”. Na bribi foe so wan sma de faste, sondro foe joe kan seki en, èn no e degedege. A no sa fadon na ondro druk. Na prékiwroko foe Jezus ben e bow sma bribi. Na ati foe sma ben seki, bika na difrenti nanga den falsi sortoe foe santa wortoe foe den djoe kerki tiriman ben de toemsi bigi. Den gewoon sma ben foewondroe foe a fasi fa Jezus ben e leri sma. Srefi den sroedati di den ben seni go foe kisi en ben drai gwe baka nanga légi anoe èn ben ferklari: „Noiti wan sma ben taki na a fasi disi.” — Mattéus 4:17; 7:24, 25, 28; Johannes 7:46.
4. (a) Fa Jezus ben bow nanga a ten di e kon na ini prakseri? (b) San ben psa na tapoe na pinksterdé?
4 Jezus ben e bow nanga ai tapoe a ten di ben e kon. A ben tjari kompe-wrokoman kon makandra lontoe en, so leki foe eksempre Petrus di den ben kari ooktoe Céfas di ben wani taki „wan ston”. Gi na discipel disi Jezus ben tai: „Na joe na Petrus, èn na tapoe na stonbergi disi mi sa bow mi gemeente.” Bakaten Petrus ben tron wan foe den foeroe „libi ston” di ben bow a tapoe Jezus leki na „fondamenti oekoe ston” foe na gemeente. A gemeente dati ben opo tapoe a pinksterdé foe 33 G.T., di na Jezus di ben opo komoto foe dede ben kanti foe en positsi na a reti anoesé foe Gado na ini hemel santa jeje na tapoe den discipel di ben e wakti — Mattéus 16:18; 1 Petrus 2:4-6; Tori foe den Apostel 2:24, 32, 33.
5. Na ini sortoe disiten sani di e feni presi na kristen gemeente de na ini srefsrefi?
5 Na ini a ten disi na kristen gemeente abi foeroe foe doe nanga a kontroe foe a prakseri foe Jehovah. A de a ten foe den „apocalyps” ofoe „sani di moe kon na krin” pe ’den sani di moe psa djonsro’ e tjari kon a krin gi den „srafoe” foe Gado na grontapoe (Openbaring 1:1-3, Ingrisi NW-Verwijsbijbel, voetnoot) A de a ten pe den srafoe disi moe préki na boen njoensoe foe a kownoekondre foe Gado na a heri grontapoe, leki wan kotoigi, bifo a tjari na kroetoe kon na tapoe na goddelowsoe seti foe Satan. A de a ten te a kownoe Jezus Kristus, di poti now a tapoe a troon na ini hemel, e prati sma di abi safri-ati èn di gersi skapoe foe den tranga-atisma di gersi bokoboko èn di no wani a kownoekondre dati èn e tjari den „skapoe” disi kon tai densrefi nanga en gemeente foe jeje „brada”, bifo na „bigi benawtoe” broko kon. — Mattéus 24:14, 21; 25:31-40.
6. San de na ini a ten disi „na ark”, èn fa wi kan tan na libi?
6 San na a disiten ark foe tan a libi? A de na jeje situwasi pe Jehovah Kotoigi de now ini sensi 1919, wan jeje paradijs. Netleki den memre foe Noach osofamiri ben moe tan na ini na ark, na so na fikapisi foe salfoe kristen nanga den kompe foe den e tan na ini na jeje paradijs èn e gi jesi èn e wroko nanga ati nanga sili na a kontroe foe na moro bigi jeje project di Jehovah ben poti na en prakseri. A project disi de „foe tjari ala sani konmakandra baka na ini Kristus, den sani di de na ini den hemel [di ben bigin foe sensi 33 G.T. nanga den salfoewan di abi wan hemel howpoe] èn den sani di de na grontapoe [di ben bigin spesroetoe foe sensl 1935, nanga na internationaal „bigi ipi” di de foe kisi tégo libi dja a grontapoe].” — Efese 1:10; Openbaring 7:9, 14.
’Bow èn prani’
7. Sortoe wroko di de ini toe pisi e doe now, èn fa wi kan de net so kolokoe leki Noach nanga Jeremia?
7 Jehovah ben gi den salfoe kristen di tan abra na grontapoe na srefi komando leki na komando di a ben gi na a ten dati na a proféti Jeremia di a ben poti en „tapoe den naatsi èn tapoe den kownoekondre, foe hari poeroe, foe broko poeroe èn foe pori sani èn foe broko sani trowe, foe bow èn foe prani”. Soboen now wan wroko di de ini toe pisi e doe: (1) na meki bekenti foe Jehovah kroetoe tége a goddelowsoe seti foe Satan a grontapoe èn (2) a bow èn a poti foe wan fondamenti foe wan maatschappij di de foe Gado égi pipel di a sa kibri (Jeremia 1:10; 24:6, 7; Jesaja 26:20, 21). A e meki na fikapisi foe salfoewan èn na ipi foe den kompe foe den di e kon moro foeroe de toemsi kolokoe dati makandra den kan abi wan prati na a wroko disi! Na Noach di ben de fajafaja na ini en wroko èn en osofamiri ben moesoe de na ini a ten foe den net so kolokoe.
8. (a) Sortoe gro na ini prékiman na ini den 22 jari di psa de foe si? (b) Efi wi loekoe den bladzijde 11-12, san de dan wan toe kondre di ben prisiri na ini 1985 ini wan aparti gro?
8 Miljoenmiljoen sma sa psa libilibi na dé foe Jehovah atibron? Den froewakti di de foe dati de toemsi boen, sodati e kon a krin foe na tori foe Jehovah Kotoigi foe na dienst-jari 1985. Na gedetailleerd rapport druk na tapoe den bladzijde 11, 12. A de wan boen span tori foe si den moi hémarki na ini na nomroe foe wrokoman na ini a veld. Na nomroe disi kren now doro 3.024.131 Kownoekondreprékiman. Na ini 1963 foe na fositron na hémarki foe 1.000.000 ben doro, ini 1974 2.000.000 èn now na ini 1985 moro leki 3.000.000. Ini den 22 jari wan gro foe 200 procent ben de. Fa wi de Jehovah tangi, di nanga jepi foe en jeje e meki den sani gro! — Zacharia 4:6; 1 Korinte 3:6.
9. (a) Foe san-ede na gro na ini pionier de moro kefarlek? (b) San den e rikomanderi ibriwan sma di kan meki presi gi na pionierwroko, èn foe san-ede?
9 Ete wan aparti sani ini den jari dati ben de na gro foe na nomroe foe Kownoekondreprékiman na ini na foeroeten dienst. Aladi den ekonomia omstandigheid ben kon moro takroe alape na ini grontapoe tokoe na nomroe foe den dek’ati groepoe foe „pioniers” disi ben kron go na loktoe foe wan ala moen gemiddelde foe 38.573 ini 1963 go miti 322.821 na ini 1985 — wan gro foe 737 procent! San disi e sori? Ai sori dati a mindri a pipel foe Gado wan toemsi moi jeje foe offer joesrefi de. Disi de na ini akroederi nanga den wortoe foe Jezus na ini Lukas 9:23. Gewoonlek a e aksi foe meki plan finifini èn foe no-ke foe joesrefi foe meki a pionierwroko waka boen. Ma den paiman de bigi. — Romeini 12:1, 2; Maléachi 3:10.
10. (a) Wi kan prijse den gemeente prékiman foe sortoe sani? (b) Sortoe dri njoen hémarki ini activiteit den e ferteri dja èn san den e sori?
10 Den miljoenmiljoen gemeente prékiman moesoe feti ooktoe tége na druk di Satan nanga a grontapoe foe en e tjari kon tapoe den. Ma ooktoe den e pristeri Gado na „srakti ofrandi foe den foe prijse” (Hebrewsma 13:15; Romeini 10:9, 10). Den joeroe dati, ofoe den de now foeroe ofoe pikinso, di getrow gemeenteprékiman e gi ibri moen tapoe den rapport ben tron wan pisi foe na njoen hémarki foe 590.540.205 joeroe velddienst ini 1985. Disi de wan gro foe 16,8 procent te joe teki en gersi nanga 1984! Njoen hémarki foe 224.725.918 go-baka nanga 2.379.146 osobijbelstudie nanga sma di abi belangstelling e sori taki Kownoekondreprékiman na a heri grontapoe e doe moeiti foe de boen leriman èn faja prékiman. — Mattéus 28:19, 20.
Bow nanga troe vréde èn sékerfasi na joe fesi
11. Fa na troe howpoe tapoe vréde nanga sékerfasi e meki bekenti, èn o fara?
11 Na ini oktober 1985 den Verenigde Naatsi kari 1986 leki na Internationaal jari foe vréde. Den VN ben taki boen foeroe foe vréde nanga sékerfasi na ini a ten di psa. Ma wan moro prenspari boskopoe, di abi na ini en a bijbel howpoe tapoe vréde nanga sékerfasi, ben kon moro tranga na ini krakti na ini 1985 foe di Jehovah Kotoigi na ini na grontapoe veld ben prati 38.805.561 bijbel, boekoe nanga brochure, èn ooktoe 300.545.609 tijdschrift, èn ben sroto 1.719.930 abonnement tapoe Na Wachttoren èn Ontwaakt! Nanga jepi foe den wortoe di taki nanga mofo èn di skrifi a tapoe papira dan te nanga now wan moro bigi kotoigi ben gi foe na Kownoekondre foe na „Vréde-kownoe”. Foetroe, „na a kon moro bigi foe en tirimakti èn na vréde wan kaba no sa kon”. — Jesaja 9:6, 7, King James Version.
12. Na gro ben tjari sortoe bigi fanowdoe kon èn fa Jehovah pipel ben tjari kon na wan foe sorgoe gi na fanowdoe dati?
12 Na kefarlek bigi gro na ini a veld ben meki a de ooktoe fanowdoe dati na organisaatsi di moe fanga na go disi e bradi ensrefi. Ini a jari 1985 na nomroe foe gemeente foe Jehovah Kotoigi na a heri grontapoe ben gro foe 47.869 go miti 49.716. Disi ben meki a de fanowdoe dati hondrohondro njoen komakandra presi ben kon. Fa a de wan kefarlek moi sani dati Jehovah Kotoigi na ini foeroe kondre kisi blesi na ini a feti di den e feti foe bow nanga den moni Kownoekondrezaal! Te a fanowdoe e sori ensrefi, dan aparti sma èn gemeente sondro gridifasi ben horibaka gi bow programma gi makandra so dati ini na grontapoe bradafasi „gelijkheid” ben doe kon. — 2 Korinte 8:14, 15.
13. Fa aparti sma kan doe wan sani na a bow foe Kownoekondrezaal?
13 Ini kondre pe den omstandigheid de moro boen, den bijkantoro foe na Wachttorengenootschap ben gi jepi ooktoe na Kownoekondre-zaalproject. Ini den Verenigde Staten nanga Canada foeroe brada e gi bijdrage na wan spesroetoe Kownoekondrezaalfonsoe, so dati a ben de mogelek foe gi lening foe na bow foe moro Kownoekondrezaal. Trawan ben gi a krakti foe den nanga a koni foe den, so dati a ben de mogelek srefi foe bow soso ini wan weekend wan Kownoekondrezaal akroederi wan es’esi methode. Foe di den wroko na den sortoe project disi nanga den heri ati leki gi Jehovah, meki en Kotoigi ben kan doe sani san sma na ini a grontapoe ben si leki a no kan. — Kolosse 3:23.
14. Fa den ben sorgoe na ini a fanowdoe foe kongreshal?
14 Ini wan nomroe foe kondre na mankeri foe boen presi gi den afoe jari kringkomakandra foe Jehovah Kotoigi meki wan bigi problema ben kon. Ooktoe dja den Kotoigi nanga bigi prisiri ben opo doe wan sani tapoe na tjalansi èn ben teki bow project na ini anoe, nanga na srefi jeje di den dienstknegti foe Gado na ini owroeten ben e sori. Di foe eksempre a ben de fanowdoe foe kisi materiaal foe na bow foe na tabernakel, dan na komakandra foe Israël leki wán man ben arki na komando foe Gado: „Tjari kon makandra foe oen mindri wan bijdrage gi Jehovah. Ibriwan sma nanga wan ati di wani moe tjari leki wan bijdrage foe en gi Jehovah.” Na komakandra dati ben tjari foeroe moro kon makandra leki ben de fanowdoe, èn a wroko ben klari es’esi. — Exodus 5:5-19; 36:7.
15. (a) Sortoe uitbreiding e feni presi na den bijkantoro foe na Wachttorengenootschap? (b) Fa a wroko e kon klari?
15 Foe di na fanowdoe foe bijbel èn boekoe di abi den fondamenti tapoe a bijbel e kon moro bigi, dan foeroe foe den 94 bijkantoro foe na Wachttorengenootschap na a heri grontapoe ben bradi den presi foe den. Na drukkerij foe Brooklyn èn na Watch-Tower Farms de te now ete a moro bigiwan, ma 36 bijkantoro foe na Genootschap e sorgoe foe na druk foe den égi tijdschrift èn 6 bijkantoro de ooktoe srekasreka foe druk èn foe tai boekoe kon na wan. Foe den bijkantoro disi, dan Doisrikondre, Italië èn Japan e meki bijbel ooktoe. Na capaciteit foe na njoen drukkerij ini Selters (Doisrikondre) den e gebroiki dorodoro. Ini Ebina, ini Japan, den e bow na wan uitbreidin foe siksi sodro gi na drukkerij èn wan bijbow foe aiti oso foe libi gi na Betheloso foe kan hori ete 280 wrokoman. Netsoleki a pipel foe Jehovah ben ori baka gi na bow foe a tempel foe Salomo „nanga wan ati di no ben prati” na so a pipel foe Gado now na ini difrenti kondre „ben gi friwani presenti a Jehovah” èn a e poti en ségi a tapoe, so dati a wroko kan kon klari. — 1 Kronieken 22:14, 15; 29:7, 9; loekoe voetnoot Ingrisi NW-Verwijsbijbel.
16. Foe san-ede na ekstra bow nanga orga foe sani de fanowdoe?
16 Ma ala a bow disi nanga orga foe sani de troetroe fanowdoe? Ija séker, efoe na „getrow èn koni srafoe” wani tan gi jeje njanjan „na a reti ten”. Na njanjan dati de toemsi fanowdoe foe „na osofamiri foe Gado” èn gi na grontapoeprékiwroko na ini moro leki 200 tongo (Mattéus 24:45; Efese 2:19; 4:15, 16). A pipel foe Jehovah srefi ben poti a koni foe den foe meki wan foeroe-tongo elektronisch fotozetsystema (MEPS), di now 26 bijkantoro foe na Genootschap abi. Disi ben meki wan wánfasi grontapoe offset-drukprocédé ben kan de mogelek èn ben meki dati na ini foeroe pisi foe a grontapoe na Kownoekondreboskopoe na asrefi ten kan tjari kon a doro tapoe papira. — Teki gersi nanga Jesaja 52:7-9.
17. Sortoe fanowdoe de tapoe na edekantoro ini Brooklyn èn fa den e doe wan sani na ini disi?
17 A gersi leki wan kaba no e kon na a disiten gro foe Jehovah organisaatsi. Na Bethelfamiri tapoe na edekantoro foe na Genootschap ini Brooklyn, New York, na a momenti disi go na so wan fasi dati ala presi di ben de abi sma ofoe sani na ini. Efoe a de a wani foe Jehovah, dan tapoe a gron foe a Genootschap na Columbia Heights dan kande wan torenflat sa bow foe hori ete sowan doesoen Bethelwrokoman. Ma efoe disi no man pasa, dan wi e loekoe na a tiri foe Jehovah moro fara na ini na afersi disi. Den begi nanga na loyaal jepi foe na grontapoe bradafasi na ini. ala na gro disi wi e waarderi séker. — Teki gersi nanga Tori foe den Apostel 21:14; 2 Thessalonika 3:1.
18. Foe san-ede someni bow project de now, aladi Armageddon de krosbé?
18 ’Ma foe san-ede’, wan sma sa aksi, ’so meni project de foe kon moro bigi now di wi tanapoe let’bifo Armageddon?’ Na piki de taki gi Jehovah organisaatsi a kon moro krosbé foe Armageddon no e tjari nanga en foe tapoe „a wroko foe den”. Armageddon wani taki soso gi Satan organisaatsi „wan ten foe tapoe en wroko”. Jehovah organisaatsi e bow nanga wan tamara di de foe tégo. Ofoe den oso di libisma ben meki sa pasa Armageddon ofoe no, wi sabi dati Gado organisaatsi sa de e wroko srefsrefi pasa na „bigi benawtoe” èn dati Jehovah sa gebroiki na organisaatsi nanga den sma di e ori baka gi en foe meki tégo vréde nanga sékerfasi doe kon na ini na glori grontapoe paradijs di Gado ben pramisi. — Openbaring 7:9, 14-17; 21:1, 4, 5.
Bow nanga wan marki na joe fesi
19. Sortoe tjalansi na bericht foe na Memrefesa foe 1985 abi na ini en?
19 Noach ben bow nanga wan marki na en fesi, èn dati wi moe doe ooktoe. Wan pisi foe na tori foe na dienst-jari 1985 e gi oenoe foeroe sani foe go denki. A de a kefarlek moi nomroe foe 7.792.102 sma di ben de ala nanga ala tapoe 4 april 1985 na a ten foe na Memrefesa foe Jezus dede — wan gro foe 375.135 sma te joe teki den gersi nanga ala den sma di ben de na ini 1984. Troetroe wan kefarlek moi nomroe! Ma na nomroe dati e ori na ini en wan tjalansi. Foe di 3.024.131 prékiman di de wi njoen hémarki, ben abi wan prati na a Kownoekondredienst, dan sowan 4.000.000 tra sma de ete di na wan séker marki tai densrefi nanga wi. Den moesoe go bow nanga a ten di de na wi fesi foe di den moe go teki prati na a kristen diniwroko. Fa wi kan jepi den?
20. Sortoe tranga fanowdoe de foe miti na tjalansi disi, èn fa wi kan doe disi na tapoe wan praktisfasi?
20 Moro foeroe foe wi sabi wan ofoe moro foe den sma disi di abi belangstelling persoonlek. A kan de famiriman, sma di wi e ori bijbelstudie nanga den, sma di abonneer na tapoe den tijdschrift foe wi ofoe tra sortoe sma. Sonwan foe den kande ben kisi belangstelling srefi sensi na lasti Memrefesa. Wi kan doe now spesroetoe moeiti foe gi den sma disi njanjan, foe bow den bribi nanga jepi foe wan bijbelstudie so dati den kan soekoe wan kibri-presi na ini Jehovah seti „te leki den rampoe hari psa gwe”? (Psalm 57:1). Na „bigi benawtoe” sa de wan doe foe Jehovah foe regtvaardiki ensrefi, èn disi sa go moro dipi ete èn de moro definitief ete leki na froedoe na ini den dé foe Noach. Wi wani bow a bribi foe den sma disi di abi belangstelling nanga den waarheid di e gi libi so dati den ’kan kari na nen foe Jehovah’ èn no sa figi poeroe (Mattéus 24:21, 22, 39; Zefanja 2:3; 3:8, 9). Meki wi studeri a Wortoe foe Gado nanga den èn meki gebroiki foe na leri boekoe Joe kan libi foe tégo na ini wan paradijs na grontapoe ofoe wan tra boekoe di abi en fondamenti tapoe a bijbel di e bow wan sma bribi.
21. Fa wi kan bow na ini wisrefi èn na ini trawan wan bribi di net so leki di foe Noach?
21 Jehovah Gado de wan Basibowman èn na Moro Bigi Sorgoeman foe na libismafamiri (Psalm 127:1; 145:16; Prékiman 3:10-13). Na en ben de a Sma di ben sori Noach na ontwerp nanga na bow foe na ark. Nanga jepi foe na moro Bigi Noach, Jezus Kristus di de klari foe wroko makandra a ben seti sani foe bai den libisma di e gi jesi kon fri foe sondoe nanga dede. Nanga jepi foe na Manpikin disi a ben bow ooktoe na disiten „ark” na jeje paradijs di e meki bromki èn pe man nanga oema di e gi densrefi na ini a dini foe Gado kan tan na libi, nanga tégo libi a den fesi (Mattéus 20:26-28; Johannes 3:16; 17:3). Meki wi jepi foeroe tra sma foe bow den bribi èn foe smeti wan krosbé banti nanga Jehovah èn en Manpikin. Meki wi jepi den foe lobi regtvaardikifasi èn foe no wani si goddelowsoefasi na ai (Hebrewsma 1:9). Na sofasi wi sa tan bow nanga wan bribi netleki di foe Noach nanga wan tégo tamara na wi fesi. — 1 Timotéus 4:15, 16.
Wantoe aksi foe loekoe san oen ben leri
◻ Fa Jezus ben bow nanga wan tamara na en fesi?
◻ San na wan aparti sani di joe ben feni na ini na bericht foe 1985?
◻ Foe san-ede theokratis bowprogramma de fanowdoe?
◻ Fa wi alamala kan bow nanga wan marki na wi fesi?
[Faki na tapoe bladzijde 10]
Wan gemeente ini wan Afrikan kondre pe den tapoe a wroko foe Jehovah abi 95 prékiman di alamala e teki prati na a die,nst ibri boen. Tapoe den komakandra foe den gemiddeld 130 sma de, ma na den publiki taki foe den 160 sma de. Den abi dri gewoon pionier èn no so langa psa kaba aiti jepi-pionier ben de. Na ini soso siksi moen dan 21 prékiman ben bigin foe a fositron nanga a velddienst.
[Faki/Prenki na tapoe bladzijde 7, 8]
JEHOVAH KOTOIGI E BOW NA A HERI GRONTAPOE LONTOE
322.821 pionier ini a heri grontapoe ben gi ala moen wan bericht (Wan gro foe 24,7 procent)
A nomroe foe prékiman ini a heri grontapoe ben gro go miti 3.024.131 (wan gro foe 6,4 procent)
Go-baka na sma di abi belangstelling: 224.725.918 (wan gro foe 14,8%)
A nomroe foe bijbelstudie di ben ori: 2.379.146 (wan gro foe 16,2 procent)
[Prenki]
Pionier e hari go ini na velddienst na ini Brooklyn (New York)
14-tongokongres, Montreal, Quebec (Canada)
Prékiwroko, Castle, Comb, Wiltshire (Engeland)
Wan groepoe di e studeri na a eilanti Yap, Micronesia
Wantoe oso foe hori baka gi na jeje bowwroko na a heri gronatpoe lontoe
Komoto foe na oso disi na ini Brooklyn foe 93.000 m2 na 360 Furman Street den e seni bijbel lektuur go na difrenti presi
Na Kownoekondrezaal disi (Downpatrick, Noord-Ierland) den beg bow na ini 31 joeroe
Na Kongreshal disi ini Rome de wan foe den tintin foe a srefi sortoe foe hal na ini a heri grontapoe
Na uitbreiding disi foe na Bethel-oso ini Japan den e bow nownow
[Raportoe na tapoe bladzijde 11, 12]
1985 DINIWROKO RAPORTOE FOE JEHOVAH KOTOIGI NA HERI GRONTAPOE
(Loekoe a tijdschrift)
[Faki na tapoe bladzijde 14]
Aiti kondre e ferteri foe wan 7 hémarki foe moro leki 100.000 prékiman ini 1985
Vs (Amerkondre) 723.220
Brazilië 177.904
Mexico 173.037
Italië 127.526
Nigeria 121.729
Duitsland 115.604
Japan 103.117
Groot-Brittannië 103.522