Kownoekondre prékiman e ferteri
Joe de grantangi foe na publiki diniwroko?
NA OSO foe oso diniwroko abi en gron tapoe a bijbel èn na a heri grontapoe sma sabi Jehovah Kotoigi foe na pisi disi foe na publiki dienst foe den (Tori foe den Apostel 20:20, 21). Jezus ben taigi en bakaman: „Oenoe sa kisi krakti te santa jeje kon tapoe oenoe, èn oen sa de kotoigi foe mi na ini Jeruzalem èn na ini heri Judéa èn Samaria èn te na den moro farawe kontren foe na grontapoe” (Tori. 1:8). Tori foe den Apostel 5:42 e sori dati den fosi kristen dati sondro foe stop ben go „oso foe oso”.
Tapoe Haïti wan stré ben kon ini a oso foe oso wroko foe Jehovah Kotoigi. Disi ben psa di wan speciale pionier ben miti wan oema di ben de wan actief memre foe anitrikerki. Na ini a takmakandra a brada e sori a tapoe dati soso Jehovah Kotoigi e préki a tapoe a fasi fa a bijbel e sori, oso foe oso. Na frow ben piki dati memre foe en kerki ben kan go oso foe oso èn ben doe disi ooktoe wawan tron. Na so a ben de, na tra satra na kotoigi ben miti wan groepoe di ondro a tiri foe na oema disi ben go oso foe oso. Na ini a groepoe joe ben abi sowan hondro sma. Na oema, di ede ben bigi foe sowan prestatie, ben kari a brada kon foe de kotoigi foe dati.
Wan wiki a baka a srefi oema ben abi baka na tiri tapoe wan groepoe èn a ben prisiri foe tjari disi kon na ondro na prakseri foe a brada. Ma a ben si dati soso afoe someni sma ben de leki a wiki a fesi. Na a di foe fo satra na groepoe ben kon tron soso 20 twenti sma èn a tapoe a di foe fo satra na oema ben de en wawan. Nanga sakafasi a ben kon na a brada èn a ben piki: „Soso Jehovah Kotoigi abi na waarheid, bika soso den wawan wiki baka wiki kan tan doe a kotoigiwroko.”
Na speciale pionier ben pristeri na oema wan bijbelstudie na ini san a ben sa kon si san e jepi den kotoigi foe kan préki oso foe oso èn foe san-ede tra sma no kan doe disi. A frow ben teki disi. En nanga en man ben bigin foe studeri èn ben go boen a fesi. Ala toe moksi densrefi now na Jehovah Kotoigi èn e préki fajafaja a Kownoekondre ini publiki èn oso foe oso!
Na oso foe oso diniwroko èn tra methode foe publiki diniwroko de wan wondroe èn lobi seti di Jehovah ben seti foe soekoe sma nanga wan opregti ati èn foe jepi den foe leri sabi den marki foe en gi na libi. Dat’meki Jehovah Kotoigi e abi sote wan prati na a diniwroko disi èn na tra pisi foe santa dienst foe Gado. A fasi foe den e akroederi nanga di foe na apostel Paulus di ben taki: „Mi de Kristus Jezus wi Masra di gi mi krakti, grantangi, foe di a ben feni mi getrow foe gi mi wan diniwroko.” — 1 Timotéus 1:12.