San na kristenheid de trutru leki a wan di e meki falsi anbegi go na fesi
„Disi de na natie di den sma no ben gi yesi na a sten fu Yehovah en Gado, èn no ben teki tranga leri.” — YEREMIA 7:28
1, 2. Fa Yeremia ben teki a wroko di a ben kisi fu Gado?
„NA faya fu opregti overtoigi ben leti na ini en; wan dwengi krakti ben de fu taki fri na waarheid, fu sori san no bun èn fu horibaka gi.” Nanga den wortu disi tu specialist ini na Hebrew letterkunde e skrifi fu na rol fu Yeremia. Awinsi na wroko di a ben kisi fu Gado ben de wan kefarlek bigiwan, a ben sabi dati a ben musu du en frantwortu na fesi na natie Yuda. A ben taki fu dati: „Bika na wortu fu Yehovah ben tron gi mi wan sani fu syen èn skenpi na heri dei. Èn mi ben taki: ’Mi no sa taki fu en èn mi no sa taki moro ini en nen.’” Iya, na druk èn na ferfolgu pikin moro ben de tumsi furu gi en. Ma a ben stop? — Yeremia 20:8, 9a.
2 Yeremia ben go morofara: „Èn ini mi ati a ben gersi wan faya di e feti, di tapu na ini mi bonyo; mi ben weri fu hori en na ini èn mi no ben man” (Yeremia 20:9b). Yeremia no ben komoto gi na wroko fu en fu meki Yehovah krutu gi Yuda bekenti. — Yeremia 6:10, 11.
Na disi ten Yeremia
3. Fa Yesus nanga en disipel ben de nanga a wroko fu den?
3 Net leki Yeremia na so Kristus Yesus èn den fosten kristen disipel ben meki sondro frede na impopulair boskopu fu Gado kownukondre bekenti na den dyu èn den natie. Aladi Petrus èn den tra apostel ben go wantron kaba na ini dungru-oso toku den ben piki den kerki kragiman fu den nanga dek’ati: „Wi mu gi yesi na Gado leki tiriman moro leki libisma.” Tapu a komando fu den lerkiman di ben abi makti den ben krawasi den fu na dek’ati fu den. Fa den ben du tapu dati? „Den ben tan sondro fu stop ibri dei ini a tempel èn oso fu oso fu leri èn fu meki na bun nyunsu fu na Kristus bekenti.” — Tori fu den Apostel 5:29, 40-42; Mattéus 23:13-33.
4. Suma ben waka na baka na eksempre fu Yeremia na ini a di fu twenti yarhondro, èn fa den ben du disi?
4 Den fosten salfu kristen ben handri netleki Yeremia. Aladi den ben si densrefi na fesi fu wan kefarlek bigi makti moro den èn na fesi fu tranga-ede kerki gensman. Toku den ben meki den krutu fu Gado bekenti. Èn suma ben waka na ini na di fu twenti yarhondro disi baka na srefi eksemre? Suma ben meki na publiki èn oso-fu-oso den krutu fu Gado tapu na seti fu sani disi èn spesrutu tapu na prenki fu Yerusalem, na kristenheid, bekenti? Wan hipihipi historia bewijs materiaal fu nownow moro leki 68 yari kaba e meki wi si dati na disi ten Yeremia-klasse de na pikin ma dek’ati grupu fu Yehovah salfu kotoigi. Na grupu fu den fu sensi 1935 ben kon moro tranga nanga na „bigi ipi” fu milyunmilyun kompe di ben klari fu wroko èn di e gro dei fu dei èn di ooktu sma sabi leki Yehoah Kotoigi. Nanga wán sten den ben du a rol fu den leki Yeremia fu di den ben puru falsi fasi fu anbegi bere kon a doro leki wan trapu èn wan sani di e puru sani a sma skin. — Openbaring 7:9, 10; 14:1-5.
Na kristenheid — fu san-ede a de a disi ten parallel fu Yerusalem?
5. Na ini sortu fasi na kristenheid gersi na owru Yerusalem?
5 ’Ma’ yu sa aksi, ’na ini san wi e feni wan parallel na mindri na owru Yerusalem èn na kristenheid?’ Ini densrefi sortu fasi èn toestand di de ini a ten disi ini a bigimemre kristenheid. Den bakaman fu en e poti den fertrow ini den ’santa foto’ èn santa presi soleki Rome, Yerusalem, Canterbury, Fatima, Guadalupe èn Zaragoza fu kari soso wantu. Den e gi grani nanga ala prisiri na den kathedraal, basiliek èn kerki fu den èn e meki bigi tapu na owru di den owru èn na bowstijl fu den netleki den oso dati nanga dati ben kisi gi Gado wan spesrutu betekenis. Den e taki srefi dati den kerki oso fu den ben meki fu na glori fu Gado’. Ma omeni fu den oso disi e tyari trutru na nen fu Gado? Na presi fu dati den e poti sma prakseri na tapu den architect di ben ontwerp den, den kunstenaar èn den sma di ben meki den popki èn di ben meki den kon moi èn sma di ben klari fu pai fu den ofu den „santawan” di di den ben gi na oso abra na den. Na fertrow fu na krestenheid ini na owru èn gwenti fu den oso de net so wan bedrigi sani leki na fertrow di Yuda ben poti na ini en santa tempel. — Yeremia 7:4.
6. Fa na krutu fu den dyu kerki fesiman fu na sei fu Yesus kan tyari kon na tapu den kerki fesiman fu na krestenheid?
6 San ini akruderi nanga dati wi kan taki fu den kerki tiriman fu na kristenheid fu na ten disi ini akruderi nanga a puru di Yeremia ben puru a bere fu den dyu priester nanga profeiti kon na doro? Fu taki sani leti fa a de leki Yeremia na so Yesus ben teki fu den dyu kerki fesiman di te na a dei fu tide fiti gi den kerki fesiman fu na kristenheid: „Den no e du san den e preiki . . . san den e du e psa fu hari a prakseri fu sma . . . soleki fu wani abi den fosi presi na wan fesa nyanyan èn den fosi presi ini den dyu kerki.” (Mattéus 23:3-7, The Yerusalem Bible). Ofuru tron wi no e si fa prenspari kerki fesiman èn leriman e gi grani na politiek èn nationalistisch komakandra fudi den de drape — èn e teki prati nanga den politiekman ini den publiciteit di den koranti, radio, televisie nanga so morofara e ferteri fu dati!
7. (a) Fa son leriman e kori na ipi fu sma? (b) Sortu tyalansi kerki fesiman e komoto na pasi fu en?
7 Now ini na televisie ten, wi abi TV-leriman di sabi fa fu gebroiki den sani dati nanga ala sortu komedi-osotriki èn psychologis koni fu du sani fu kori na ipi sma èn leigi den saka fu na ipi. Fa na kragi fu Yeremia fiti srefi now, sowan 2600 a baka! „Bika fu den moro mendriwan a mindri den te srefi a moro bigiwan a mindri den ibriwan e meki onregtvaardiki wini; èn fu na profeiti te srefi na priester ibriwan e handri na wan bedrigifasi.” Na asrefi ten nowan fu den wani teki na tyalansi fu na tru kristen diniwroko, ini direkt kontakt nanga sma oso fu oso. Soso Yehovah Kotoigi — a salfu Yeremia-klasse èn na „bigi ipi” — ben teki na frantwortu dati tapu den. — Yeremia 6:13; Tori fu den Apostel 20:20, 21.
Na kristenheid kisi ferlusu?
8. Fu san-ede na kristenheid a bribi dati Armageddon no e sa kisi den?
8 Densrefi TY-domri disi e meki na publiki kisi wan falsi firi fu seikerfasi nanga na no-soifri gebroiki fu na wortu „kon gebore baka” èn san den e taki fu a „kisi ferlusu wan dei wani taki kisi ferlusu alaten” theologie. Milyunmilyun sma fu pikinmoro ibri sortu fu fasi fu anbegi èn sekte fu na kristenheid den meki bribi dati den „kon de gebore nyun baka èn kon de ferlusu”. Sondro fu syen politiekman e taki dati den abi reti a tapu dati. Iya, den lobi preikiman fu den e ferteri den dati den abi vrede nanga Gado fudi den „kisi ferlusu” — èn dati awinsi den abi kerki, politiek nanga nationalistis pratifasi! Èn na pipel wani a de so sote, net soleki ini Yeremia ten! (Yeremia 5:31; 14:14) Den e denki dati den de dorosei fu a krutu fu Gado ini Armageddon kan kisi den. — Yeremia 6:14; 23:17; 1 Korinte 1:10; Openbaring 16:14, 16.
9. (a) Suma a den sma di trutru kon „gebore baka”? (b) San a bijbel e taki fu a sili? (Fu gi a piki tapu den tu aksi suku moro ondersteuning na ini Tak-go-tak-kon nanga yepi fu den Buku.)
9 Wan soifri studi fu a Wortu fu Gado èn den leri fu Kristus e sori dati soso wan skotu nomru e teki prati na a grani fu kon geore nyun baka, gebore ’fu watra nanga yeye’, sobun dati den kan teki prati na ini hemel tirimakti nanga Kristus (Yohannes 3:1-3; Romeini 3:16, 17; Openbaring 14:1-3). Na „bigi ipi” fu tru kristen ini a ten disi, no afu gebore nyunbaka, fudi a howpu fu den tapu tego libi de wan grontapuwan èn no wan hemel-wan (2 Petrus 3:13; Openbaring 21:3, 4). Boiti fu dati a leri fu na kristenheid abi en fondamenti tapu wan fowtu denki dati libisma abi wan sili di no e dede noiti, di sa kisi ferlusu. Nowan presi ini a bijbel yu sa feni wan tekst di e horibaka gi sowan leri, di te yu luku en bun ben komoto fu na owru Griki filosofie.a
No abi prisiri ini Wortu ofu nen
10. Fa furu kerki fesiman e si a bijbel?
10 Moro punt fu akruderi de a mindri a owru Yerusalem èn a disi ten kristenheid. Yeremia ben ferklari: „Luku! Srefi na wortu fu Yehovah tron leki wan syen gi den, den no kan feni prisiri na ini dati” (Yeremia 6:10). Den kerki fesiman moro furu e gebroiki den wortu fu filosoof nanga koniman leki den e teki wortu komoto fu na Wortu fu Yehovah. Furu e syen gi a bibel; den e meki srefi a buku disi de wan sani fu spotu nanga na „hei kritiek” fu den. Den e taki dati a e go fu mythe nanga anansitori di ben skrifi na ini moi wortu (Yeremia 7:28). Èn fu taki fu na nen fu na skrifiman fu na bijbel, den ben e feragti dati. Sortu bewijsi den abi fu a sani disi di den e taki?
11. Sortu kontrari de a mindri a kristenheid èn Yeremia ini a gebroiki fu a nen fu Gado?
11 Aladi na Hebrew Tetagram (YHWH) ) e kon pikinmoro 7000 tron ini den Hebrew Skrifi, toku na nen „Yehovah” ofu „Yaweh” ben puru ini furu Ingrisi bijbel èn ben kon na presi fu na wortu „MASRA” di no de wan nen. Na nen puru krinkrin fu den disi ten vertaling fu na bijbel ini Afrikantongo. Ooktu ini furu Bakratongo bijbel yu e feni soso Masra. Na spanyorovertaling fu Franquese èn Solé ben gebroiki na nen ini na fosi uitgave fu en. Di na herziene versie ben kon na doro, na nen fu Gado ben komoto, ini a presi fu en ben kon Senor (Heer). Èn srefi efu den vertaling fu a kristenheid abi a nen fu Gado toku den kerki fesiman no e gebroiki en furutron. Ma Yeremia ben gebroiki na nen fu Gado di ben e meki en aparti fu tra Gado 726 tron ini den profeitiboskopu!b
Na „Koningin fu hemel” èn a dini fu kruktu gado
12-14. (a) Nanga sortu activiteit dyu osofamiri e hori densrefi bezig fayafaya? (b) Fa Yehovah ben si na anbegi fu den?
12 Efu wi e ondrosuku na boskopu fu Yeremia gi Yerusalem, dan dati e tyari ete wan parallel kon gi wi. Di Yehovah ben taigi en profeiti fu no begi fu na bun fu na pipel, a ben taki ooktu fu san-ede: „Yu no e si san den e du ini den foto fu Yuda èn tapu den strati fu Yerusalem? Den manpikin e piki pispis udu komakandra èn den papa e meki wan faya èn den uma e masi degi fu blon”. Èn fu sanede na heri osofamiri ben de so fayafaya fu du sani? „Fu meki ofrandi-kuku gi na ’koningin fu hemel’”! — Yeremia 7:16-18; 44:15, 19.
13 Wan dyu komentaar e ferklari: „Na anbegi fu na ’koningin fu hemel’ sma ben e du nanga faya èn na publiki.” Fa a ben kan de ooktu wan sani di no de fu kan bribi, na natie Yuda ben anbegi kruktu gado èn ben gi anbegi na wan heiden umagado, kande na umagado fu Babylon di ben de fu a meki fu pikin, Isytar, a di fu dri gado ini nn hemel driwanfasi fu Babylon. A kan de ooktu dati na „koningin” disi ben e kruderi nanga na umagado Astoreth fu Kanaän. — 1 Kownu 11:5, 33.
14 Na sei na anbegi fu na umagado disi dan den ben gi densrefi abra na ete wan vorm fu anbegi fu kruktugado. Yehovah ben krutu den fu disi nanga den wortu: „Fu san-ede den ben tergi mi nanga den popki fu den di meki nanga nnu, nanga den soso dorosei gado?” Na krutu ben abi moro na ini en ete: ’Den no ben gi yesi na mi sten èn no ben waka akruderi dati, èn den ben tan waka akruderi na tranga-edefasi fu den ati èn baka den popki fu Baäl, di den tata fu den ben leri den’ (Yeremia 8:19; 9:13, 14). Na kristenheid fadon go ini asrefi trapu?
15. (a) Sortu situwasi ini na fu kruktu gado wi e feni now ini na kristenheid? Kari eksempre fu a presi pe yu e libi. (b) Sortu sei tru kristen e teki ini a tori fu Maria? (Luku ooktu Tak-go-tak-kon nanga yepi fu den Buku, blz. 282-289.)
15 Yu kan fisiti praktis ibri kerki ofu kathedraal — anitrisma, katholiek ofu orthodox — èn yu sa feni moropikinso wan prenki fu na kruis. Ma ini den katholiek èn orthodex invloedssfeer yu abi popki fu na „tego wenkefasi fu na Santa Maria, Mama fu na tru Gado” ini wan sondro kaba difrenti omlijsting èn stand.c Ibri hei titel a kisi, nanga den wortu fu „Koningin fu hemel” èn „Koningin fu na universum”!d Na Yeremiaklasse na a tra sei, nanga ala respeki gi Maria na mama fu Yesus èn leki na salfu bribiwan, e waka soifri na baka na rai fu den apostel: „Tan farawe fu kruktu gado” — 1 Yohannes 5:21; Yeremia 10:14.
Na Driwanfasi e kon na ini a presi fu na wan Soeverein Masra Yehovah
16. Sortu leri ben opo na pasi fu gi grani na Maria, èn fa?
16 ’Ma’, yu e aksi kande, ’fa na anbegi èn a gi grani fu Maria disi ben du kon?’ Nanga wan tra seti fu na fosten kerki di fadon komoto na bribi fu teki heiden anbegiman poti na ini. Na anbegi fu dri-gado-ini-wán na heiden grontapu ben teki en na alasei. Den owru Romeinsma ben abi tempel di ben de ini dri pisi, „di ben gi abra spesrutu na dri-wanfasi-gado di ini bribi overtoigi èn anbegi ben de asrefi. Dati ben de a geval nanga a tempel fu Yupiter Optimus Maximus tapu na Capitool di spesrutu ben gi abra na Capitolijnse driwanfasi Yupiter-Yuno-Minerva.”e
17, 18. (a) San den ben onderdruk, sodati na driwanfasileri kan gro moro? (b) Gi wantu moro bewijsi fu na Tak-go-tak-kon nanga yepi fu den Buku.
17 Fu meki na leri fu na „Moro santa Driwanfasi”, di ben bigin na ini na di fu dri èn na di fu fo yarhondro, ben kan kon go na fesi, dan na katholiek kerki ben mu onderdruk na Hebrew leri di ben de so krin ini den wurtu ini a takifu Yeremia: „Na nowan fasi wan sma de leki yu, o Yehovah. Yu de bigi, èn yu nen de bigi èn makti. Ma Yehovah de ini waarheid Gado. En de na libi Gado èn na kownu te ten di no abi marki.” Yesus ben sori taki na fasi disi fu si sani ben de yoisti di a ben teki wan pisi puru fu den taki fu Mozes: „Yere o Israël, Yehovah wi Gado, na wan Yehovah.” — Yeremia 10:6, 10; Markus 12:29; Deuteronomium 6:4.
18 Na dyu bijgeloof fu no kari a na nen „Yahweh” ofu „Yehovah” ben yepi na kristenheid di ben fadon komoto fu na bribi fu libi na gebroiki fu a nen fu Gado. Disi ben meki wan theologis opo presi ben du kon di ben mu furu nanga na ’Santa Drifurufasi’.f
19. (a) San ben de na bakapisi dati na kristenheid ben teki na driwanfasi? (b) Sortu bedrigifasi sma ben gebroiki fu hori san den ben taki fu na bun fu na driwanfasi tanapu?
19 Na so na kristenheid ben teki fu waka baka wan tra gado ’na driwan gado’, di den dyu èn Kristus èn tru kristen no ben sabi kwetkweti. Èn fu ben kan hori na dri-ini-wan-kibritori disi tanapu, meki den vertaalman fu na kristenheid ben ebroiki srefi bedrigifasi ini na King Yames Version fu den.g Boiti u dati wan logis sani di ben kon fu na driwanfasi leri ben de dati wan bigi pisi fu na kristenheid ben fadon go ooktu ini na anbegi ofu gi grani na a „Koningin fu na hemel” fu en. — Yeremia 7:17, 18, NIV.
Den kerki fesiman e gi faya fu ferfolgu sma
20, 21. Sortu libifasi den kerki fesiman fu na kristenheid ben waka na en baka, èn sortu aksi de now fu piki?
20 Ini a leti fu den sani di wi taki dya na fesi dan na aksi fu Yeremia de wan sani di fiti gi den kerki fesiman fu na kristenheid: „Fa un man taki: ’wi koni, èn a wet fu Yehovah de na wi’? Futru, luku na leiskrifitiki fu den sekretarsi ben skrifi noti moro leki lei. . . . Luku! Den ben trowe Yehovah wortu èn sortu koni den sa abi dan?” (Yeremia 8:8, 9) Den ben trowe Yehovah èn ooktu den sma di e teki presi gi en, en kotoigi. Net soleki den priester nanga profeiti ben ferfolgu Yeremia na so den kerki fesiman fu na kristenheid ben de den sma di ben sutufaya fu wan moro bigi pisi fu den ogri-ati ferfolgu di ben kon tapu Yehovah Kotoigi ini a yarhondro disi.
21 Ma fu san-ede den ben e sutu faya fu na ferfolgu disi kon? San den Kotoigi ben du di ben tigri fu kisi atibron èn fu opo du wan sani na wan feantifasi? Na laste artikel ini a lo disi e poti prakseri na a afersi disi èn wantu tra aksi moro.
[Futuwortu]
a Luku fu wan moro finifini luku fu den punt disi den bladzijde 345-349, 418-422, 434 fu Tak-go-tak-kon nanga yepi fu den Buku di Watchtower Bible and Tract Society of New York, Inc. ben tyari kon a doro.
b Luku fu moro bodoi fu na tanpi fu na nen fu Gado na 32 bladzijde brochure Na Gado nen di sa tan fu tego, di na Watchtower Bible and Tract Society of New York, Inc. ben tyari kon na doro.
c The Image of Guadaloupe — Myth or Miracle, fu Jody Brant Smith, blz. 6.
d The Glories of Mary, fu Alphonsius de Liguori blz. 424.
e Las Grandes Religiones Ilustrados, blz. 408.
f Luku fu wan studie fu na dri-wan-fasi-leri Tak-go-tak-kon nanga yepi fu den Buku, blz. 100-121.
g 1 Yohannes 5:7 de wan pisi di poti na a bijbel di no de trutru, èn Mattéus 24:36 pe „ooktu na Manpikin” no de drape, wan bedrigi pisi di libi. Luku The Empathic Diaglott voetn. blz. 803, di na Watchtower Bible and Tract Society of New York Inc. tyari kon na doro èn The Codex Sinaïticus Alexandrinus, blz. 27, di na Trustees of the British Museum tyari kon na doro.
San yu e memre ete?
◻ Fa na disi ten Yeremiaklasse de fu sabi?
◻ San na wantu fu den parallel na mindri na owru Yerusalem nanga na kristenheid?
◻ Fa den kerki fesiman e meki den sma bribi dati den abi vrede nanga Gado?
◻ Sortu verwaarlozing èn a dini fu kruktu gado de wan marki fu a kristenheid?
[Prenki na tapu bladzijde 7]
Na ini 1938 den Kotoigi ben puru na bere fu falsi fasi fu anbegi kon na doro
[Prenki na tapu bladzijde 8]
Na kristenheid e fertrow tapu en owru santapresi soleki den dyu ben fertrow tapu a tempel