Den krutu fu Gado mu meki bekenti

„Yu mu opotanapu taki nanga den ala san misrefi e komanderi yu. No meki nowan skreki teki yu abra fu den ede.” — YEREMIA 1:17.

1. Fa Yehovah Kotoigi ben meki a ’leti fu den skijn’ ini nazi-Doisrikondre?

„NA ferfolgu fu Yehovah Kotoigi ini na Kownukondre fu na holocaust [nazi-Doisrikondre] en presi a mindri tra ten fu tesi ini na historia fu den” (Holocaust Studies Annual Vol II — The Churches’ response to the Holocaust). Na Zuidafrikan Daily News 15 yuli 1939 ben ferklari ooktu fu den Doisri Kotoigi: „Leki wan leti di no e beifi nowan momenti na so a pikin grupu disi fu kristen man nanga uma e tanapu faste ini den bribi, wan maka ini na sei fu na tiriman fu Munchen [Adolf Hitler] èn wan libi kotoigi fu a pori gwe fu en.” Den wortu disi e memre wi na san Yesus ben taki dati en bakaman ben sa de „na leti fu na grontapu” èn sa ben neki na leti fu den skijn, awinsi sortu prijs. — Mattéus 5:11, 12, 14-16.

2, 3. Sortu eksempre fu preiki sondro frede ben feni presi tapu Sri Lanka?

² Wan tra verslag, di komoto fu Sri Lanka di na terrorisme priti en opo e ferteri fu wan yongu Tamil Kotoigi, David Gunaratnam di leki wan trutru Yeremia sondro frede ben preiki gi den srudati edeman. Nanga tra yonguman den hori en fu aksi en sani. A tori e taki: „Den officieri èn srudati ben de srefsrefi ondro na indruk fu na bigi sabi fu sani fu na man èn moro ete fu en krin opregtifasi spesrutu di a ben taki: ’Èn efu mi ben sa miti sokari terrorist mi ben sa preiki gi na srefi boskopu ooktu gi den.”

³ Srefi na neti dati terroristsma ben teki en puru fu en oso tapu na kragi dati a ben wroko makandra nanga a legre. A ben tan taki fu en neutraliteit èn a ben . . . tan taki dati a ben preiki soso a boskopu fu Gado kownukondre, „Mi e du a wroko fu Gado èn mi sa tan du dati. Den terrorist ben sutu na dek’ati Kotoigi disi kiri trowe, èn a ben libi wan yongu uma na baka nanga wan manpikin di ben de wan baby ete. — Teki gersi Tori fu den Apostel 7:51-60.

4. Sortu ferfolgu di kerki fesiman ben feni bun gi Yehovah Kotoigi ben feni presi ini wan Latijns Amerkan kondre?

⁴ Fu wan latijns Amerkan kondre pe ’den Lomsu nanga presbyteriaan fesiman fu kerki e feni a ferfolgu fu Yehovah Kotoigi bun èn di den e luku psa en, a tori disi e kon: „Feifi Yehovah Kotoigi ben de ini na legre afdeling . . . den ben naki den furutron èn sondro nyanyan den ben poti den aparti. Na politiek officieri di ben abi na frantiwortu fu na indoctrinatie ini a wanfasi fu wi, ben strafu den fu di den ben e preiki gi tra srudati. A ben taki dati fu ala kerki dissident den Kotoigi fu Yehovah den de moro kefarlek wan.”

Motivatie èn reactie

5. San nofotron e de na baka a ferfolgu fu Yehovah Kotoigi, net soleki dati ben de a geval nanga Yeremia?

⁵ Iya, net soleki Yeremia ben kisi ferfolgu fu na sei fu den kerki èn politiek tiriman, na so Yehovah Kotoigi na a heri grontapu e kon tanapu na fesi gens fu den sortu elementi disi. San e meki den du den sani disi? Ala di den Kotoigi de na pisi fu ibri gemeenschap di lobi vrede èn e respeki a wet, toku den feanti e feni na Wortu fu Gado kefarlek, bika den e nakifutu na san a buku dati e taki fu Gado kownukondre èn den e trowe na boskopu dati. Nanga na stanfaste preiki èn gronprakseri fu den den Kotoigi e puru na gridifasi èn dobru-atifasi kon na doro fu den politiek, bisnis, nanga kerki elementi fu Satan seti. — Yohannes 15:18, 19; 1 Yohannes 5:19.

6. Fa Yehovah Kotoigi ben du tapu a kon fu ferfolgu?

⁶ Ma awinsi straf’oso, fonfon èn srefi dede toku Yehovah Kotoigi na a heri grontapu ben du soleki Yesaya ben du na owruten. Aladi den e sori lobi èn tact, toku den e tan preiki den impopulair krutu fu Gado gi den natie (2 Timoteus 2:23-26). Den sabi dati den mu gi yesi na Gado leki Tiriman moro leki libisma (Tori fu den Apostel 4:19, 20; 5:29). Den de sabisabi fu a rai fu Paulus gi den Hebrew kristen, dati wani taki fu horidoro ini a du fu a wani fu Gado. Dan den sa si na kon tru fu na pramisi, tego libi. Net soleki Paulus nanga Yeremia wi mu kan taki sobun: „We wi no de fu na sortu fu sma di e draibaka, san e tyari pori kon, fu na sortu fu sma di e abi bribi, san e tyari na tan hori fu a sili na libi.” — Hebrewsma 10:35-39.

Na disi ten Yeremia e puru na bere fu na kristenheid kon na doro

7. Fa Yehovah Kotoigi ini a di fu twenti yarhondro ben waka na baka na eksempre fu Yehovah getrow profeiti di den ben seni go na Israël ini Yuda?

⁷ Net soleki Yehovah ben tan seni en profeiti go na Israël èn Yuda, na so a ben seni en kotoigi nanga faya èn horidoro go fu meki sma yere na boskopu fu en krutu di e kon (Yeremia 2:25, 26; 25:4, 8, 9). Spesrutu sensi na yari 1919 di ben tranga den na yeyefasi dan na salfu fikapis fu kristus brada ben meki sondro frede den krutu fu Gado, krakti boskopu fu rampu, bekenti gi na kristenheid (Teki gersi nanga Yeremia 11:9-13). Ini a yari dati na tijdschrift The Golden Age ben tyari fu na fosi tron kon na doro. Ini den yari di psa èn ondro titel di ben kenki, Consolation (1937) èn Awake! (1946) a tijdschrift disi ben gebroiki fu puru kerki lei èn falsi kristendom fu na kristenheid kon a doro.

8, 9. (a) Fu san-ede den kerki bere ben puru kon na doro ini 1922? (b) Sortu ranpu di ben taki a fesi ben sa kon tapu den?

⁸ Na Golden Age fu 11 oktober 1922 ini en wortu di e kon now den puru falsi fasi fu anbegi kon na doro: „Ala muiti fu den sektaris kerki organisatie, den kerki fesiman fu den, den tiriman fu den èn den stanman fu den, fu hori orde tapu sani ini grontapu èn fu meki den kon bun baka mu misi noodzakelijkerwijs na marki fudi den no de wan pisi fu na kownukondre fu na Messias. Kontrari fu disi, dan den kerki fesiman fu den difrenti kerki gruu disi ben de deloyaal ini a ten fu na [Fosi] Grontapufeti na fesi fu Masra Yesus Kristus ini na fasi disi dati no a wan leti fasi den ben tyari densrefi komakandra nanga na bigi bisnis grontapu èn na politiek fu meki grontapufeti go a fesi.”

⁹ Kragi ben go now: „Morofara den ben poti na Masra èn en kownukondre a wan sei èn den ben sori na deloyaliteit fu den fudi nanga den friwani den ben tai densrefi na Satan organisatie èn sondro syen meki bekenti na a grontapu dati na Volkubontu na a politiek nen fu Gado kownukondre a grontapu.” Te fu kaba na boskopu fu „rampu” ofu krutu ben kon: „Na sani san anga now na tapu na ede fu den natie na a heri grontapu èn di dyonsro sa kon tapu den, de soleki Kristus Yesus ben taki, wan seryusu ten fu benawtu soleki sensi na bigin fu a grontapu no ben kon èn ooktu no sa kon noiti moro’.”

10. Sortu kragi ben poti na ini buku na ini 1926?

¹⁰ Na rol fu Yeremia ben bradi go morofara fudi a ben gebroiki tra publikatie soleki na tijdschrift The Wachtower, brochure nanga buku. Na ini 1926 na buki Deliverance ben abi fu eksempre wan krakti puru kon a doro fu den kori leri fu na kristenheid. Na bladzijde 208 fu na Bakratongo uitgave Bevrijding e taki: „Den ben tyari na wan fri fasi falsi leri kon ini na kristenheid di fadon komoto na bribi èn ini na presi fu na waarheid. A mindri den disi yu abi èn de te now ete den leri fu na driwanfasi, a dede di ala sili no e dede, tego pina fu den goddelowsuwan èn na reti di Gado ben gi a den kerki fesiman èn kownu fu tiri. Bakaten Maria, na mama fu na pikin Yesus ben opo poti leki gado èn den ben aksi fu na pipel fu den anbegi en leki a mama fu Gado.”

Na kristenheid di e prati sani e kisi warskow

11, 12. (a) Fa a no-neutraal standpunt fu den kerki fesiman ben tyari kon a doro? (b) Sortu warskow na Yeremiaklasse ben gi?

¹¹ Na srefi buku e tyari kon a doro na fowtu di den kerki fesiman abi ooktu ini den feti: „Den kerki fesiman fu den difrenti kerki systema disi e blesi den legre di den bisnis nanga politiek afdeling e seni go, èn den ben gi a blesi fu den, sondro fu luku na sei pe den legre disi e feti gi. Den kerki fesiman e meki a gersi dati den alamala e begi na a srefi Gado fu kisi wan blesi gi den legre makti di e feti na alatu sei.” (Teki gersi nanga Yeremia 7:31) Morofara den ben sori na tapu na krutu di de fu kon: „Ala den elementi disi de wan pisi fu na organisatie fu Satan di wi kan si, e tyari kon makandra gi na bigi feti fu Armegeddon.” — Openbaring 16:14-16.

¹² Netleki fa a ben de ini Yeremia ten, di den kerki tiriman ben taki dati den ben de bun èn dati den ben de ini vrede nanga Gado, na „so den kerki tiriman disi e pruberi fu bribi dati den de bun, dati sma a fu kari den nomo nanga na nen fu Kristus, aladi asrefiten den e prei nanga a faya fu Didibri. Den e breni densrefi gi na tru fasi fa sani de, fudi den e stroi santi ini na ai fu den èn ini na ai fu den tra sma” (Bevrijding, blz. 277). Den Bijbelondrosukuman, soleki deni ben sabi Yehovah Kotoigi na a ten dati, ben puru na bedrigifasi disi kon na doro. — Mattéus 7:21-23.

13. Sortu sani ben psa ini 1931 èn fu san-ede dati ben fiti?

¹³ Omoro na ten ben hari psa a so na kon sabi fu den bijbel ondrosukuma dati leki Yeremia ben kon moro tranga, di na ini 1931 ini Columbus (Ohio, VS) ben meki bekenti dati na bijbel nen gi den dek’ati kristen disi ben mu de „Yehovah Kotoigi” (Yesaya 43:10-12). A nen dati ben poti na fesi ini na di fu aiti yarhondro gewoon teri, di Yehovah ben tyari en kon tapu Israël. Di Yeremia sowan 100 yari a baka ben dini leki profeiti, dan a ben de sobun ooktu wan kotoigi fu Yehovah (Yeremia 16:21). Na so ooktu Yesus ben de di a ben kon leki dyu na grontapu wan kotoigi gi en Tata Yehovah (Yohannes 17:25, 26; Openbaring 1:5; 3:14). A ben de fu dat’ede wan sani di fiti dati tapu na faste ten fu Gado te fu kaba den ben sa feni en bun fu kisi èn nen di Gado ben poti — „Yehovah Kotoigi”. — Yohannes 17:6, 11, 12.

A bere fu na kristenheid puru kon na doro

14. Fa na bere fu na kristenheid ben puru kon na doro ini den seibitenti yari di psa?

¹⁴ Ini den seibitenti yari di psa Yehovah Kotoigi makandra nanga na preiki fu na glori howpu fu Yehovah kownukondre di e kon, ben panya na a heri grontapu wan trutru frudu fu krutu boskopu di e lagi sma. Ini hondrohondro milyunmilyun prit’panyi, bijbel publikatie di e hiti sani tranga kon den puru na bere fu na kristenheid kon na doro leki na moro bigi krakti ini na kerki huru-uma „Babylon na Bigiwan”, di Openbaring kapitel 17, 18 e tyari kon a fesi (Luku „Babylon na Bigiwan fadon!” Gado kownukondre e tiri! blz. 142-187, di ben tyari kon na doro ini 1963 fu na anu fu Watchtower Bible and Tract Society of New York Inc.)

15. Fa na bere fu na kristenheid ben puru kon na doro ini 1955?

¹⁵ Ini 1955 Yehovah Kotoigi ben prati milyunmilyun eksemplaar fu a brochure Kristenheid of Kristendom — Sortuwan na a „leti fu a grontapu”? Dusun dusun brochure ben seni go langalanga na den fesiman fu na kristenheid. Èn san a brochure dati ben e ferteri den? Ini no-ferfalsi wortu netleki Yeremia den ben ferklari: „Aladi te yu e luku den winimarki fu en, sodati tapu ekonomia èn yeye èn srudati kontren sani ben go esesi a fesi, toku na kristenheid no ben bewijsi taki a de na ’leti fu a grontapu’. Fu san-ede? . . . A no e preiki èn e du na kristendom [fu a bijbel].” Dan na aksi ben kon na fesi ini a brochure: „A wani taki dati a puru fu a bere fu den falsi fasi fu anbegi na wan ferfolgu fu den bakaman fu den? A no de wan no-kristen firi fu bewundru sani?

16. A ben de wan tranga firi fu bewondru sani fu na sei fu Yehovah Kotoigi dati den ben puru na bere fu na kristenheid? Tyari disi kon na krin.

¹⁶ Na piki ben de: „Nono; noso Yesus Kristus ben de wan sma nanga tranga firi fu de wan ferfolguman fu den dyu, . . . èn ala profeiti fu Yehovah fu owruten [makandra nanga Yeremia] bifo Yesus Kristus, ben de ferfolguman èn sma di ben abi wan tranga firi fu bewondru sani, bika den alamala ben puru a bere fu falsi fasi fu anbegi fu den dyu di ben fadon komoto fu na bribi èn fu den heiden natie kon na doro.” Efu tru kristen mu de „na leti fu na grontapu”, dan yeye „dungru” seiker sa mu puru kon na doro (2 Korinte 6:14-17). Disi no de wan aanval na tapu aparti sma, ma san wi e feti nanga en de na systema di e hori den na katibo. Na so Yehovah ben gi Yeremia na komando: „Yu mu tai yu mindri èn yu mu taki gi den ala san mi e komanderi yu. No meki no wan skreki teki yu abra fu den ede . . . Seiker den sa feti nanga yu, ma den no sa wini yu, bika ’Mi de nanga yu’ na so den wortu fu Yehovah de, ’fu fri yu’. — Yeremia 1:17, 19.

Na Yeremiawroko e doro en kaba

17, 18. (a) Fa Yehovah Kotoigi ben man du doro a Yeremiawroko disi ini den yari di psa no solanga? (b) Sortu rai ben gi na sma di ben de opregti fu ati?

¹⁷ Yehovah Kotoigi ben swaki ini a pisten disi na krutu fu Gado? A de tru dati wi e libi ini wan ten di sma e feni dati feni fowtu tapu wan tra fasi fu anbegi no e fiti. Ma ete den buku fu Yehovah Kotoigi abi na srefi boskopu fu krutu gi na kristenheid leki alaten. Ini den laste fo yari Yehovah Kotoigi fu eksempre ben druk 32 milyun eksemplaar fu na buku Yu kan libi fu tego na ini wan paradijs na grontapu, èn dati ben de na ini 76 tongo. Na buku disi e gi na piki tapu furu aksi di de now ini belangstelling, soleki „San e psa te wan sma dede?” „Fu san-ede Gado ben gi pasi dati ogri de?” nanga „Kon sabi na trufasi fu anbegi”. Ma a e gi ooktu wan krin warskow ini a tori fu na grontapumakti fu falsi anbegi.

¹⁸ Ini kapitel 25 di nen „Wi e ’libi gi na grontapu fu Satan noso gi na nyun seti fu Gado?” den e taki: „Na ini a bibel den e agersi na falsi fasi fu anbegi leki wan ’bigi huru’, ofu motyo, di e tyari na nen ’Babylon na Bigiwan’. . . . A de wan sani di ala sma sabi dati fasi fu anbegi na ini a heri historia fu libisma ben moksi ensrefi go ini na politiek èn ben taigi den tiri fu kondre nofotron san den ben musu du.” Sortu fasi fu waka nanga libi a buku e rikomanderi fu dat’ede? Den e poti na aksi: „Yu wani de wan pisi fu na grontapu fu Satan? Noso yu de gi na nyun seti fu Gado? Efu yu de gi na nyun seti fu Gado dan yu sa hori yusrefi aparti fu na grontapu èn ooktu fu en falsi fasi fu anbegi. Yu sa poti prakseri na tapu na komando: „Komoto fu en [Babylon a Bigiwan], mi pipel’ (Openbaring 18:4).”

19. Fa yu kan meki sma si dati na sten fu na disi ten Yeremia tapu na lati ten disi no kon moro safri?

¹⁹ A krakti boskopu disi fu poti yusrefi aparti èn krutu e kon tranga a fesi ini a buku Seikerfasi na a heri grontapu na ondro na Kownu fu vrede”, di ben kon a doro ini 1985 (siksi milyun eksemplaar ini 25 tongo). Den kerki fesiman fu na kristenheid bere e puru kon na doro na ini fudi den ’ben preiki den yonguman go na den fetigron fu na Fosi Grontapufeti’. Na buku e go morofara: „Na sofasi na kristenheid e tan go doro na a ten disi leki wan féanti fu na moro hei Gado. Seiker a no abi na kibri fu Gado èn fu na tumsi prenspari reide disi na tan a libi fu den e de srefi wan onseiker sani” (Luku den bladzijde 30-32.) Na sten fu na disi ten Yeremia no ben kon moro safri! Aladi den kerki fesiman nanga den politiekman e du muiti fu tapu a mofo fu a preiki fu den fu a krutu fu Gado, dan toku en getrow kotoigi e go door, nanga na faste bosroiti fu klari na warskowwroko. — Yeremia 18:18.

20. Fu san-ede Yehovah Kotoigi sa go doro fu meki Yehovah trutru bekenti gi den natie?

²⁰ Èn fu san-ede na warskowwroko disi mu klari? Fudi Yehovah, na libi Soeverein Masra fu na universum, e go aksi frantwortu fu den natie èn den fasi fu bribi fu den. Net soleki Yehovah, ben poti na aksi dati gi na bedrigi Yuda nanga Yerusalem, na so a kan poti nanga net sofuru reti na aksi dati gi na disi ten kristenheid: ’Mi no ben sa mu aksi frantwortu fu den sani disi?’ na so den wortu fu Yehovah de. ’Ofu na sili fu mi no sa teki refensi na sowan natie leki disi?’” Ma fu dat’ede meki Yehovah Kotoigi sa tan fisiti den sma fu den natie nanga wan boskopu di e sutu na moro bigi pisi fu den leki wan impopulair krutu ma leki wan bun nyunsu di e meki sma firi koloku gi wan pikin grupu sma — na bun nyunsu fu na kownukondre. — Yeremia 5:9, 29; 9:9; Tori fu den Apostel 8:4, 12.

21. Sortu gran howpu de gi den sma di e poti prakseri tapu na Yeremiawroko, aladi rampu ben taki a fesi fu kon? (Ps. 37:9, 11, 18, 28, 29).

²¹ Aladi nofotron den e kari Yeremia wan profeiti di e preiki taki rampu mu kon, toku a de ooktu wan tru sani dati en boskopu ben gi den dyu wan pikinso howpu (Yeremia 23:5, 6; 31:16, 17). Tapu wan srefi fasi Yehovah Kotoigi e preiki aladi den e meki bekenti na „bigi benawtu” fu na krutu fu Gado fu Armageddon di de fu kon, ooktu den blesi fu den „nyun hemel èn wan nyun grontapu” di sa meki dati geregtigheid èn wan paradijs drai kon baka tapu a planeet disi mkandra nanga tego libi (Mattéus 24:21, 22; Openbaring 16:16; 21:1-4). A de now fu dat’ede na ten fu poti prakseri na tapu a krutu boskopu fu Gado èn gi yepi na a klari fu a bigi Yeremiawroko. — Teki gersi Yeremia 38:7-13.

Yu kan memre disi ete?

◻ Fa Yehovah Kotoigi e kisi ferfolgu netleki Yeremia?

◻ Fu san-ede den Kotoigi e tan preiki?

◻ Fa na Yeremiawroko ben kon moro bigi?

◻ Sortu eksempre no solanga psa kba e meki wi si dati na kragi no kenki?

◻ Sortu howpu e meki ooktu bekenti awinsi a boskopu fu rampu e tan?

[Prenki na tapu bladzijde 11]

Baka wan pisten den ben dini Maria leki wan gado èn den aksi fu sma fu gi en grani leki a „Mama fu Gado”

[Prenki na tapu bladzijde 13]

Na ini 1931 den bijbelondrosukuman ben teki tapu na kongres fu den den na ini Columbus (ohio) na nen „Yehovah Kotoigi”

[Prenki na tapu bladzijde 14]

Na a heri grontapu Yehovah Kotoigi e waka baka na eksempre . . .