Owruman — Handri na ipi fu Gado nanga safufasi!

„Wi kon de nanga switifasi na unu mindri, leki te wan mma di e gi pikin bobi e dodoy en eygi pikin.” — 1 TESALONIKA SMA 2:7.

1. Fu san-ede ibri loyaal kotoygi fu Yehovah kan firi ensrefi seyker?

YEHOVAH na a Bigi Hèrder. A e gi en futuboy di yu kan teki gersi nanga skapu san den abi fanowdu psa marki èn e tyari den go „na ini den pasi fu regtfardikifasi” fu en santa nen ede. Den sma di e du en wani, fu dati-ede no abi fu frede no wan ogri èn kan luku go na a Gado fu den di abi sari-ati fu kisi trowstu. Iya, ibri loyaal kotoygi fu Yehovah abi bun reyde fu firi en srefi seyker na ini na lobi sorgu fu Gado. — Psalm 23:1-4.

2. Sortu eygifasi Yeyses e sori leki na spigri fu Yehovah glori?

² Yeyses Krestes „de na spigri fu na glori fu Gado èn na soyfri prenki „fu en persoon” (Hebrew sma 1:1-4). Fu dati-ede Yeyses, na Tumusi Bun Hèrder e sori lobi nanga sari-ati tu (Yohanes 10:14, 15). Na so a ben si na wan bepaalde okasi „wan bigi ipi sma, ma sari-ati ben buweygi en, fu di den ben de leki skapu sondro hèrder.Èn a ben bigin leri den furu sani.” — Markus 6:34.

3. (a) Sortu yeye fasi kresten ondrohèrder musu sori fu di den e waka na baka Yehovah Gado nanga Yeyses Krestes? (b) Sortu ray nanga warskow na apostru Paulus ben gi opziener?

³ Ala kresten sma musu de ’sma di e waka baka Gado èn e tan waka na ini lobi so leki Krestes tu ben lobi den’ (Efeysiya sma 5:1, 2). Den musu de so bun nanga lobi èn nanga sari-ati. Disi spesrutu de so na ondrohèrder fu a ipi fu Gado. Na apostru Paulus ben taki: „Poti prakseri na yu srefi èn na a heri ipi, di santa yeye ben potl yu leki opziener fu wroko a den mindri, fu wey na gemeente fu Gado, di a ben bay nanga a brudu fu en eygi Manpikin. Mi sabi taki baka te mi gowe wolfu di e kwinsi sma sa boro kon na unu mindri èn no sa handri na ipi nanga safufasi èn fu yu eygi mindri man sa opo tanapu di sa taki verdraai sani fu hari den disipri kon na den baka”. — Tori fu den apostru 20:28-30.

4. (a) San ben psa di a ten ben doro na ini akruderi nanga Paulus warskow na ini Tori fu den apostru 20:29, 30? (b) Sortu aksi e aksi na prakseri fu wi?

⁴ Di na ten ben doro dan den „wolfu di ben kwinsi sma” èn di ben fadon komoto na bribi ben sori den srefi èn den „no handri na ipi nanga safufasi”. O koloku wi de fu dati-ede taki owruman a mindri Yehovah Kotoygi no e wroko na so wan ogri-atifasi! Ma toku ete, sortu behandeling konpe bribiman mag fruwakti fu kisi fu den opziener disi di santa yeye ben poti na wroko? Èn fa den brada disi di den ben poti na wroko kan sori na safu sorgu disi gi Yehovah skapu?

No basi na ipi

5. (a) Fa grontapu tiriman e handri nofotron nanga den sma na den ondro? (b) Fa Yeyses ben sori taki ogri-atifasi no mag de a mindri en bakaman?

⁵ Nanga leti wi kan fruwakti taki kresten onruman sa handri nanga wi na wan sari-atifasi. Den no de leki grontapu tiriman di nofotron e basi den sma ondro den. Fu eksenpre fu na Frankis kownu Karel na Bigiwan (di ben tiri fu 768-814 G.T.) den e taki taki nanga a strafu fu dede a den fesi a „ben dwergi den Saksen fu teki dopu, ben leysi strafu di ben hebi srefi srefi gi den sma di ben broko na Bigi Faste èn na alape ben poti krakti fu overtoygi na ini na presi fu dati” (The History of the Christian Church, fu na anu fu William Jones). Ogri-atifasi no abi wan presi a mindri Yeyses bakaman, bika a ben taki: „Unu sabi taki den tiriman fu den hèyden e basi den èn bigiman fu den e tergi den. A no musu de so a mindri unu, ma a sma di wani de bigi a mindri unu musu de unu dinari èn a sma a mindri unu di wani de na a fosi presi, musu de unu srafu neleki na Manpikin fu libisma no kon fu sma dini en, ma fu dini tra sma èn fu gi en libi fu bay furu tra sma kon fri.” — Mateyus 20:25-28, An American Translation.

6. (a) Sortu prenspari elementi e kon a fesi te a e go fu owruman? (b) San na gemeente mag fruwakti fu owruman, èn fa den man disi musu si den srefi?

⁶ Wan kresten man di ’e feti a baka fu kisi wan wroko fu opziener, e angri wan tumusi bun wroko’ (1 Timoteyus 3:1). Te wi hori a sani disi na prakseri nanga a ray fu Yeyses di wi ben teki poti dyaso dyonsrode, dan den prenspari sani disi e kon na fesi: (1) Kresten owruman no musu tergi tra sma; (2) den wan di e tyari frantiwortu a mindri Yeyses bakaman, musu de den srafu fu den èn no den meystri fu den; èn (3) man di e feti a baka fu kisi wan opzienerwroko musu si en leki „wan tumusi bun wroko” èn no leki wan hey posisi (Odo 25:27; 1 Korente sma 1:31). Na wortu „owruman” no de kwetikweti wan sani di e poti wan man tapu tra anbegiman fu Yehovah. Na presi fu dati, na gemeente abi reyde fu fruwakti fu ala owruman taki den de lepi man di abi yeyefasi nanga ondrofeni nanga sakafasi èn di e teki fesi ini santa dienst. Iya, owruman musu si den srefi leki saka-fasi srafu fu Yehovah Gado, Yeyses Krestes konpe kresten sma. — Romen 12:11; Galasiya sma 5:13; Kolose sma 3:24.

7. (a) Fa owruman musu kobroyki 2 Korente sma 1:24 te deni abi fu du nanga tra sma? (b) San owruman musu du nanga instruktie di den e kisi fu na Tiri Skin?

⁷ Fu dini na wan sakafasi fu na bun fu trawan tapu wan owruman fu pruberi fu basi „den”. Èn o bun a de taki den opziener fu wi e sori netso wan yeyefasi leki Paulus! A ben taygi kresten sma a na ini Korente: „Wi no de den meystri tapu a bribi fu unu, ma wi de konpe wrokoman fu a prisiri fu unu” (2 Korente sma 1:24). Ini akruderi nanga dati meki den sma di na wan lobi fasi e hori ay tapu sani, no sa poti hebi tapu konpe bribiman ini na vorm fu ala sortu libisma weti di no de fanowdu. Na presi fu dati dan opziener a mindri Yehovah Kotoygi e meki gronprakseri fu na beybri tyari den èn e yepi na gemeente tapu wan switi fasi. Den e sori so srefi tu dipi broko-ede gi na ipi fu Gado fu di den e poti instruktie di den kisi fu na Tiri Skin fu Yehovah Kotoygi esi-esi ini na libi fu den. — Tori fu den apostru kapitri 15.

8. Sortu fasi Paulus ben abi gi konpe bribiman, èn fa disi musu abi krakti tapu owruman na inl na di fu twenti yarihondro disi?

⁸ Fu di Paulus ben abi safufasi èn broko-ede gi na ipi fu Gado, meki a ben kan taygi den kresten na ini Tesalonika: „wi kon de na unu mindri nanga switifasi, so leki te wan mma di e gi pikin bobi e dodoy en eygi pikin. Fu di so bun wi abi safu lobifasi gi unu meki nanga ala prisiri wi no ben prati wwan na bun nyunsu fu Gado nanga unu, ma so srefi tu wi eygi sili, bika unu kon de wan sani di wi lobi” (1 Tesalonika sma 2:7, 8). Paulus ben handri leki wan mma di e gi pikin bobi, di lobi en pikin so tranga taki a e poti den belang fu den na fesi di fu en srefi èn di abi wan safufasi èn broko-ede gi den. Disi musu buweygi owruman fu na di fu twenti yarihondro fu handri nanga na ipi fu Gado nanga wan safufasi!

Fonten fu yepi nanga kowru-ati

9. Sortu omstandigheid fu Yehovah disiten pipri ben taki na fesi na ini Yesaya 32:1, 2?

⁹ Te na profeyti Yesaya e sori go na a dey disi fu kownukondremakti fu Yeyses Krestes, a e taki a fesi taki wan Kownu ben sa „tiri gi soso regtfardikifasi” èn taki „granman” ben sa tiri „gi soso geregtegheid”. Owruman na ini na disiten teyokrasiya organisâsi so bun e du den belang fu na heymel kownukondre di opo — trutru wan wroko leki granman! Tapu den man di tyari so wan frantiwortu, den tra profeyti wortu fu Yesaya de gi den: „Ibriwan musu sori taki a de leki wan kibripresi gi na winti èn wan kibripresi gi na bigi alen, leki kriki ini wan kondre sondro watra, leki na kowru fu wan hebi leti-opo stonbergi ini wan kondre di drey.” — Yesaya 32:1, 2.

10. Fu san ibri owruman a mindri Yehovah Kotoygi musu de wan fonten?

¹⁰ Tra fasi leki den kerki fesiman fu na krestenhèyt di e kwinsi sma, dan den owruman a mindri Yehovah Kotoygi de fonten fu yepi nanga kowru-ati. Leki skin fu owruman den e meki vrede, rostu nanga seykerfasi a mindri Yehovah pipri go a fesi. Leki aparti sma dan ibri owuman kan yepi fu meki na tumusi bun toestand disi du kon fu di a e handri na ipi fu Gado nanga safufasi.

Nanga geregteghèyt èn regtfardikifasi

11. (a) Sortu algemene toestand di de a mindri den fosi yarihondro kresten, de tu na ini moro furu gemeente fu Yehovah Kotoygi na ini a ten disi? (b) Sortu frantiwortu owruman abi na fesi na gemeente èn fu san-ede?

¹¹ Aladi na ini son fosi yarihondro kresten gemeente problema ben opo ede kon, toku na algemene toestand fu den ben de wan fu vrede, wanfasi nanga prisiri (1 Korente sma 1:10-12, 3:5-9; Efeysiya sma 1:2; Yakobus 2:1-9; 3:2-12; 4:11, 12; 1 Yohanes 1:3, 4). Wan tumusi moy toestand de so srefi tu ini na ten disi a mindri moro furu fu den gemeente fu Yehovah Kotoygi fu na blesi fu Gado ede, èn fu na tiri fu Krestes nanga na wroko fu kotrow owruman di poti a wroko. Fu sorgu taki vrede, wanfasi nanga prisiri na ini na gemeente meki den owruman disi e suku na yepi fu Gado èn e feti fayafaya a baka fu hori na organisâsi fu Gado krin na moreel èn na yeye fasi (Yesaya 52:11). Wan organisâsi di no krin noyti kan de nanga vrede èn prisiri èn seyker no sa abi na bun-ati nanga blesi fu Gado. En de „tumusi soyfri fu ay fu si san takru”, fu frudrage ogridu (Habakuk 1:13). Wan fu den sani dan di den e fruwakti fu owruman na fu hori krutu afersi tapu wan opregti èn beybri fasi. Ma san na wan tu sani fu memre te den e behandel den sortu afersi disi?

12. San musu du nanga Galasiya sma 6:1 na ini prakseri, sondro taki owruman abi fu go ondrosuku persoonlijk afersi di no de kontrari den beybri weti ofu gronprakseri?

¹² Wán penti de taki ini afersi fu wan kesekese, a mindri aparti sma kande a kan taki den srefi kan lusu na afersi (Mateyus 18:15-17). Fu di owrumari no „de masra tapu wi bribi”, meki den no e fruwakti fu den taki den o ondrosuku afersi di abi soyfri fu du nanga wan sma èn pe seryusu psa fu beybri weti ofu gronprakseri no de ini na tori. Efu buweysi de taki wan sma ’du wan fowtu bifo a kisi en srefi’, dan den sma di abi yeye eygifasi sa wani fu pruberi tyari so wan sma kon baka na ini wan yeye fu safri-atifasi”. — Galasiya sma 6:1.

13. Fa beybri e sori taki owruman musu handri soso tapu a gron fu buweysi fu ogridu, èn no tapu a gron fu ’yere taki’?

¹³ Owruman musu dini gi „soso geregteghèyt”, so bun de alaten sondro partèyfasi. Den musu handri so bun tapu a gron fu buweysi fu a du fu ogri èn no tapu a gron fu soso yere taki. Paulus ben gi na ray: „No teki no wan fowtu di gi na wan owruman, leki soso tapu na gron fu na fruklari fu tu ofu dri kotoygi” (1 Timoteyus 5:19). Akruderi Yehovah markitiki dan wan sma di den feni taki a fowtu ini wan bigi sondu pe dedestrafu ben de na tapu, den ben musu kiri en tapu na fruklari fu tu ofu dri kotoygi, no soso tapu wan. Boyti fu dati, na sma di den ben fowtu ben musu tyari kon na fesi den sma di ben fowtu en, èn efu a buweysi materiaal no ben nofo ’dan na anu fu den kotoygi ben musu kiri en fosi’. — Deuteronomium 17:6, 7.

14. (a) San Diyotreyfes no nanga reti ben pruberi fu du? (b) San Gado e fruwakti fu owruman te den e behandel krutu afersi?

¹⁴ Wan bun beybri gron musu de fu kan bigin nanga wan krutu afersi. Fa wi breyti taki gemeente opziener no de leki na bigimemre Diyotrefes na ini na fosi yaribondro G.T.! No nanga reti a ben pruberi fu „puru sma na ini na gemeente”, di ben wani teki brada na den oso di ben e waka lontu liku gemeente. Na apostru Yohanes no ben luku na fowtu waka nanga libi disi nanga trawan na wan lekti fasi èn ben warskow: „Te mi kon, mi sa tyari en wroko kon na ini prakseri” (3 Yohanes 9, 10). Wan krutu komte na ini na ten disi musu de so srefi tu seyker taki beybri gron de te den go abra fu sluit wan sma uit.a A no de fu taki, taki Gado e fruwakti fu kresten owruman taki den de regtfardiki na ini a fasi fa den e behandel tra sma. Iya, den sma di e tiri den afersi fu Yehovah grontapu organisâsi musu de „bekwaam man”, man „di e frede Gado, man di e hori wortu”. — Exodus 18:21.

15. Sortu ròl begi musu prey na a hori fu krutu?

¹⁵ Ibri kresten krutu komte musu suku Yehovah yepi na ini opregti begi. Wan konmakandra nanga wan brada ofu wan sisa di den ben fowtu en fu seryusu ogri, musu bigin nanga begi. A ben sa de srefi wan sani di fiti fu begi na ini na ten fu na takimakandra tapu sortu momenti tu te wan spesrutu fanowdu de fu kisi na yepi fu Gado. — Yakobus 5:13-18.

16. Na sortu fasi owruman musu meki krutu waka èn fu san-ede?

¹⁶ Owruman sabi taki wan konpe bribiman di den e fowtu fu a du fu ogri, de wan „skapu” ini na ipi fu Gado èn musu behandel nanga safri fasi. (Teki gersi nanga Eseykièl 34:7-14.) Trutru skapu abi safu sorgu fanowdu bika den de meti di fredefrede èn di e anga fu na hèrder fu den fu kisi kibri. So bun fa a de nanga agersi skapu na ini na gemeente fu na presi pe yu de? A no de fu taki taki den e firi den srefi seyker na ini na sorgu fu na Gran Hèrder, Yehovah Gado nanga na Tumusi Bun Hèrder, Yeyses Krestes. Na ondrohèrder fu na ipi musu handri so, taki den e yepi taki na inisey vrede nanga firi fu seykerfasi fu den futuboy fu Yehovah di yu kan teki gersi nanga skapu kon. Efu yu de wan kresten ondrohèrder, yu brada nanga sisa e firi en srefi dan seyker èn korostu na ini a sorgu fu yu? A de tru, taki owruman musu hori beybri weti nanga gronprakseri hey na krakti fasi. Ma na Beybri poti na frupleki tapu den fu handri nanga den skapu na wan lobi fasi èn fu hori den takimakandra fu wan krutu komte na wan tiri èn orde èn switi fasi di e sori taki den e hori na sma na ini prakseri.

17. Sortu punt fu beybri owruman musu bori na prakseri, spesrutu na a ten fu krutu di e hori?

¹⁷ 1 Fu di wi de onvolmaakti, meki „wi alamala e naki futu furutron” na ini san wi e taki (Yakobus 3:2). Ibriwan fu wi abi na sari-atifasi fu Gado èn Krestes ’sun-ofrandi’ fanowdu (1 Yohanes 1:8—2:2; Psalm 130:3). Wan kresten ondrohèrder so bun musu abi wan sakafasi luku tapu en srefi. A musu hori Yeyses wortu tu ini prakseri: „So leki yu wani taki den sma du yu, yu musu du den na a srefi fasi tu” (Lukas 6:31). Na ray disi musu kobroyki spesrutu na a ten fu takimakandra na ini wan krutu afersi. Bekwaam man di abi yeyefasi musu pruberi fu tyari wan kresten di lasi pasi kon baka ’ini wan yeye fu safri-atifasi, aladi ibriwan fu den e hori ay tapu den srefi, so taki den tu no kisi tesi’. — Galasiya sma 6:1; 1 Korente sma 10:12.

18. (a) San ben sa kan de na bakapisi efu owruman e handri nanga tranga-ati na a ten fu krutu? (b) Te wi luku Markus 9:42 dan owruman nanga tra kresten musu luku bun nanga san?

¹⁸ Efu owruman na a ten fu den takimakandra fu wan krutu komte e handri nanga wan tranga-atifasi nanga tra sma, dan disi ben sa kan sori taki a e du ogri na den sortu sma disi. Ma srefi efu no wan ogri no kon na firi ofu skin, dan toku a de so, taki seryusu ogri ben kan kon na yeyefasi, èn den ben kan tweyfri tu na a kwaliteit fu den eygifasi fu den opziener (Teki gersi nanga Yakobus 2:13.) Fu dati-ede meki na a ten fu den takimakandra fu krutu komte èn na ala okasi owruman musu de nanga switifasi èn musu luku bun fu no meki tra sma naki futu fadon. A no de fu taki, taki ala kresten ini disi musu luku bun, bika Yeyses ben taki: „Ala sma di meki wan fu den pikin-wan disi di e bribi naki futu fadon, a ben sa moro betre gi en taki wan miriston so leki di wan buriki e dray lontu ben anga na en neki èn den ben trowe en trutru go na ini se” (Markus 9:42). Na tapusey pisi fu wan miriston (di ben de ini tu pisi) ben kan de so bigi taki na krakti fu wan meti ben de fanowdu fu meki na ston dray lontu èn no wan sma ben sa tan na libi di ben iti nanga so wan hebi lontu en neki go na ini se. Wan owruman seyker ben sa sorgu fu dati-ede fu no de gi sma wan nakifutu, di ben kan abi leki bakapisi taki ogri di kan tan ben sa kan du na yeyefasi na en srefi èn ibri sma di ben naki futu fadon na a fasi disi. — Filipi 1:9-11.

Tan sori safu sorgu

19. Sortu ray Petrus ben gi konpe owruman èn fa na poti fu na ray dati ini den libi abi fu du nanga den fruwakti fu den?

¹⁹ Na apostru Petrus ben sori fa konpe opziener ben musu wey na gemeente di a ben skrifi: „ Wey na ipi fu Gado di de na yu sorgu, no ondro dwengi, ma klariklari; no nanga lobi gi oneerlijk wini, ma nanga faya; no leki sma di e basi den di de na gudu fu Gado, ma fu di yu e sori taki yu de eksenpre gi na ipi. Èn te na Gran Hèrder sa sori en srefi, yu sa kisi na kownu-ati fu glori di no e flaw” (1 Petrus 5:2-4). Soso te salfu opziener poti den sortu ray disi na ini den libi èn sori safu sorgu gi na ipi fu Gado den kan kisi a heymel payman fu den leki yeye mekisani di no sa dede moro èn den owruman di abi wan grontapu howpu kan kisi têgo libi na ini wan paradeysi di e kon na a heri grontapu.

20. (a) Fa kresten ondrohèrder musu handri nanga konpe bribiman? (b) San na yu prakseri fu na diniwroko di de leki wan eksenpre èn na safu sorgu fu lobi owruman?

²⁰ Yehovah Gado nanga Yeyses Krestes ala tu de hèrder di abi lobi nanga sari-atifasi. Aladi kresten ondroherder na a wan sey tapu wan krakti fasi e hori anu na den markitiki fu Gado toku na a tra sey den musu sori lobi nanga sari-atifasi te den e handri nanga konpe bribiman di yu kan teki gersi nanga skapu. Ala loyaal kotoygi fu Yehovah seyker abi dipi warderi gi na diniwroko di de wan eksenpre fu den sortu owruman disi di e òfer den srefi èn di e kibri na panti di den kisi leki frantiwortu èn di e handri na panti di den kisi leki frantiwortu èn di e handri na ipi nanga safufasi. Na warderi dati, makandra nanga na respeki di fiti, kan sori fu di wi e gi yesi na den di e teki fesi na mindri wi.

[Futuwortu]

Fa yu e denki fu disi?

◻ Fa Yeyses ben sori taki ogri-atifasi no musu de a mindri en bakaman?

◻ San owruman musu du te den e kisi instruktie fu na Tiri Skin?

◻ Leki fa Yesaya 32:1, 2 e taki, dan owruman musu de wan fonten fu san?

◻ Fa Beybri e meki wi si taki owruman no musu handri tapu gron fu soso ’yere taki’?

◻ Fa kresten owruman musu handri nanga na ipi?

[Prenki na tapu bladzijde 26]

Opregti begi de tumusi prenspari te wan krutu komte kon makandra nanga wan konpe bribiman