Joe e memre disi ete?
Joe ben warderi en foe leisi den uitgave foe A Waktitoren foe den moen di pasa? We, loekoe efoe joe kan gi piki tapoe den aksi di e kon now:
▫ A bijbel tori foe a swari di wan bigi fisi ben swari Jona, de wan sani di wi no kan bribi?
Nôno, wan potfisi noso wan bigi weti sarki noso wan walvis sarki kan swari wan libisma. Moro fara, Jesus srefi ben taki dati a tori foe Jona de troe. (Mateus 12:39, 40) — 1/8, bladzijde 32.
▫ Sortoe rampoe bakapisi a gebroiki foe sani di abi foe doe nanga obiawroko kan abi?
A gebroiki foe den troetroe e meki sma lasi-ati foe loesoe den problema foe den nanga den froestan èn e gi den deki-ati foe si kolokoe leki wan sani di e loesoe ala problema. Den e gi a sma di e gebroiki den sani disi, wan falsi firi foe seikerfasi toe. Moro prenspari, wan sma di e poti en bribi ini a krakti foe obia tapoe nanga tapoe di moesoe tjari kolokoe, e gi a tiri di a man tiri en libi, abra na ogri jeje makti di sma no man si. — 1/9, bladzijde 4.
▫ San na fo sani di kan jepi foe meki wan trowlibi e tan?
Disi na a wani di den wani foe arki, a man di den man taki den no ben abi leti, a man di den man gi boen jepi na emotioneel sei èn na angri foe fasi makandra na wan lobifasi. (1 Korentesma 13:4-8; Efeisesma 5:33; Jakobus 1:19) — 1/9, bladzijde 17.
▫ San na wan fasi fa Jehovah e gi horidoro na den wan di de ondro tesi?
Jehovah e doe disi nanga jepi foe den eksempre foe horidoro di skrifi na ini en Wortoe, bijbel (Romesma 15:4). Te wi e prakseri dipi foe den eksempre disi, dan no wawan wi e kisi a deki-ati foe horidoro, ma wi e leri foeroe toe foe a fasi fa wi moesoe horidoro. — 1/9, bladzijde 25.
▫ San na a gi di wan sma e gi ensrefi na a dini foe Gado?
A gi di wan sma e gi ensrefi na a dini foe Gado wani taki, a gi di wan sma e gi ensrefi na a dini foe Jehovah di e meki wi doe sani di e plisi en, srefi ala di wi e tanapoe na fesi moeilek tesi, bika wi abi wan troetroe dipi lobi gi Gado. — 1/9, bladzijde 29.
▫ Fa wi moesoe si a sari-ati foe Gado?
Wi noiti moesoe teki a sari-ati foe Gado leki wan pikin sani. Wi moesoe de leki Paulus èn sori wi warderi foe di wi e feti nanga wi eigi onvolmaaktifasi (1 Korentesma 9:27). Na a fasi disi wi sa sori, srefi efoe wi e tanapoe na fesi problema, dati wi troetroe wani foe doe san boen. — 1/10, bladzijde 30.
▫ Foe san ede a fiti taki Paulus ben kari langa pasensi leki a fosi sani foe lobi?
Den ben taki dati wan sani leki kresten matifasi no kan de sondro langa pasensi, noso sondro foe froedrage makandra nanga pasensi. Dati de so, bika wi alamala de onvolmaakti èn den onvolmaaktifasi èn fowtoe foe wi de wan tesi gi tra sma. Foe dati ede, efoe wi wani taki lobi moesoe de na mindri brada, dan a de fanowdoe taki langa pasensi de. — 1/10, bladzijde 27.