Tjari sma di abi belangstelling go na a organisatie — Pisi II
7 A de a faja winsi foe kristen leriman foe jepi den bijbelstudie foe den foe poti wan boen jeje fundamenti. Disi joe o man doro te joe e studeri a wortoe foe Gado nanga den tapoe wan progressiefasi èn foe meki den waarheid di de drape spikri go ini den jeje èn ati (Matt. 7:24-27). Moro de fanowdoe leki soso leerstellig leri. Wi moe bow ini den studenti foe wi warderi gi Jehovah organisatie, sodati de sa go handri akroederi san den ben leri èn tron wan produktief pisi foe na kristen gemeente (Jak. 2:26). Ten na ten na Genootschap e kisi brifi foe prékiman ini san den e aksi rai èn e aksi boekoe nanga san den kan jepi den bijbelstudie foe den. Soleki wi ben taki kaba na ini na pragraaf a fesi, dan na brochure foe Jehovah Kotoigi — Tjari kon makandra na a heri grontapoe ini a doe foe a wani foe Gado de wan toemsi boen jepi ini a tori disi. Na brochure disi efoe a no de moro ini a gemeente, bestel na a bijkantoro. Ibri brochure di prati de foe 60 cent èn wi moe skrifi en tapoe rapport leki brochure. Na rai foe wi de foe prakseri foe gebroiki na brochure disi, foe di a de wan maksin foe bodoi di kan gebroiki na njoen studenti èn studenti di de moro fara.
8 Na 32 bladzijde brochure disi, di ben gi fri na ini na kongres di psa, abi leki marki foe meki sma kon sabi na organisatie èn na wroko foe Jehovah Kotoigi. Na brochure disi e sorgoe foe wan toemsi moi kotoigi. Ma joe moe man foe teki fesi foe di joe o prati eksemplaar na joe osobijbelstudie, efoe joe no e doe dati kaba. Den tekst, den prenki èn na stof srefi alamala sa de kande wan bigi jepi foe doro na ati foe opregti sma.
APARTI PUNT FOE GEBROIKI
9 Meki oen tan pikinso na a stof di de toemsi boen gi wan jongoe sma. Gemeente komakandra e pré wan prenspari rol ini na libi foe Jehovah pipel èn foe dati’ede wi wani sote dati den studenti foe wi so esi leki a kan fisiti nanga wi den komakandra. Na tori disi den e taki foe en tapoe bladzijde 12 tot 15 foe a brochure. Den e taki sjatoe foe ibri wan foe den féfi ala wiki komakandra, èn den e sori na bijbel gron foe a fisiti foe komakandra. Kande joe e feni en wan boen sani foe lési nanga na studenti den toe paragraaf di de na ondrosé foe bladzijde 15. Poti krakti tapoe den richtlijn di e gi na ini Hebrewsma 10:24, 25 ini a tori foe a fisiti foe komakandra. Meki na studenti si tapoe den prenki tapoe bladzijde 15 fa wa doorsnee-kownoekondrezaal tan. Teki disi gersi nanga moro foeroe kerki foe na kristenheid. Te joe e taki foe na materiaal disi sori dan spesroetoe na joe kownoekondrezaal ini a birti. Gi na studenti foe joe na adres foe na zaal èn ooktoe den ten foe komakandra foe den difrenti komakandra di e hori. Bakadati joe kan taki ini bradi foe den féfi ala wiki komakandra ini den wiki di e kon baka dati èn meki kon a krin san de a doel, fa den e hori den, sortoe boek e gebroiki èn so moro fara. Kande joe e feni en wan switi sani foe go taki ibri wiki finifini foe wán komakandra, sodati joe sa abi ten nanga stof foe kan taki foe ala punt ini wan pisten foe féfi wiki.
10 Tapoe wan ten di fiti kande joe kan taki foe na afersi foe na gi foe bijdrage. Joe kan ferteri na studenti foe joe dati Jehovah Kotoigi e gebroiki den ten èn moni sani foe den sote foe hori osobijbelstudie foe soso. Ma na hori baka èn ondrow na organisatie foe den, soleki na kownoekondrezaal foe a presi pe joe de e kostoe moni. Ma Jehovah Kotoigi no e hori tapoe den komakandra foe den no wan kollekte soleki e psa ini den kerki foe na kristenheid. Ini na kownoekondrezaal wan bijdrage bus tanapoe èn den sma di de drape kan poti wan sani na ini efoe den wani dati. Disi e psa tapoe wan friwani basis. Bladzijde 28 foe na brochure kan gebroiki leki fundamenti foe na takimakandra disi.
11 Joe kan tjari kon a krin dati aladi kristen sma no de ferplekti foe pai tienden tokoe den abi boen foeroe okasi foe gi Jehovah grani nanga den „warti sani foe den” (Odo 3:9, 10). Loekoe nanga na studenti den gronprakseri di skrifi na ini 2 Korinte 9:7 nanga Lukas 21:1-4, pe e kon a krin dati kristen lobi e poesoe wi foe si sani èn dati a no e go foe omeni wan sma e gi, ma ini sortoe geest wan sma e doe disi. Bijbelstudie di go a fesi kaba sa feni en wan moi sani foe sabi den sani disi.
12 Wi e doe leki leriman ala san wi kan foe jepi den studenti foe wi foe kisi warderi gi Jehovah organisatie? Wi ben sa kan doe moro? Wi e gi joe dekati foe gebroiki den rai disi èn foe begi Jehovah en tiri èn blesi doronomo.