Tjari sma di abi belangstelling go na a organisatie — Pisi I
1 Foe meki sma di abi belangstelling sa tan gro na jejefasi, dan den moe kisi jepi foe meki lobi gi na bijbel waarheid èn dipi warderi gi Jehovah organisatie èn den seti foe en gro ini den ati (Psalm 33:12; 119:97). Na progressief èn geregeld studie foe wi nanga njoen sma abi foe dat’ede leki marki foe gi grani na Jehovah nanga en orde seti foe anbegi. Efoe wi poti getrow na prakseri tapoe na rol di na organisatie e pré na ini wi libi, dan wi sa de boen leriman foe na kownoekondre tapoe bijbelstudie èn meki dati na studenti gro.
2 Efoe na leri foe wi wani de so boen dati troe discipel foe Kristus e doe kon, dan nanga joe heri konsensi wi moe de bezig foe jepi sma di abi belangstelling foe erken èn foe warderi Jehovah organisatie. Foeroe kownoekondre prékiman ben si boen bakapisi di e gi dekati foedi sistematis den ben poti a prakseri foe a sma na tapoe na organisatie. Sortoe methode joe kan gebroiki foe wiki belangstelling gi gemeente komakandra? Fa den bijbelstudie foe oenoe safrisafri kan kon sabi moro betre na organisatie foe Jehovah? Sortoe boen idee joe kan gebroiki foe poeroe na frede di kande sa de di den njoen sma kande abi bifo den go foe na fosi tron ini na kownoekondrezaal?
PRAKTIS RAI
3 Meki a de foe sensi na fosi studie na gwenti foe taki ibri wiki foe na organisatie. Na studenti moe si na heri de di wi de na a waarheid, na lobi foe joe gi den brada nanga sisa èn na respeki foe joe gi Jehovah seti. Kari den brada nanga sisa foe soema joe e taki foe den na den nen èn teki tra faja prékiman go nanga joe na a studie. Disi kan meki dati ibri wiki joe abi wan progressief takmakandra di de na libi. A kan psa heri boen dati na studenti kande te a ten doro foe dati o sori na égi wardering nanga enthousiasme foe joe gi na kristen gemeente.
4 San joe kan doe foe kan poeroe frede di njoen sma kan abi foe go foe a fosi tron na wan komakandra? Son prékiman di abi ondrofeni ben feni en boen foe tjari kon na marki èn na wroko foe den na ini na kownoekondre kon a krin. Baka di wan osofamiri di ben abi belangstelling ben poti foeroe kari foe go a den gemeente komakandra a wan sé, dan a brada di ben e hori na studie feni en toemsi boen foe teki na osofamiri disi go na a kownoekondrezaal tapoe wan pisten dati komakandra no ben de. A ben tjari den lontoe èn foe sensi a ten dati den ben bigin go fisiti den komakandra. Na koni foe si sani èn a teki di a teki fesi ben poeroe gi den njoen sma disi na ston a pasi di ben tapoe den foe fisiti den komakandra.
5 Na pisi disi foe wi osobijbelstudiewroko no de moeilek foe doe, ma ai aksi foe go denki èn meki plan pikinso. Ma a no a foe teki foeroe ten. Teki na ini prakseri na sma di na studenti de, èn ooktoe fa a e doe te so fara nanga bijbel waarheid. Nanga den sani disi na ini prakseri dan kande joe wani hori wan bijbel-takmakandra foe 5 te leki 10 minuut foe na organisatie. Foe san-ede joe no ben sa teki fesi foe aksi praktis idee nanga rai foe prékiman di abi ondrofeni èn di joe sabi èn di nanga foeroe winimarki ben jepi bijbelstudie foe fisiti komakandra? Baka wan pisten joe sa abi wan goedoe foe materiaal di joe sa kan gebroiki na a hori foe joe studie tapoe wan boen fasi.
FOE SAN-EDE A DE BOEN
6 Efoe wi no man poti na prakseri foe na studenti tapoe na organisatie dan wi e tapoe na gro foe en ini na troe discipelschap. A moe sabi dati den leerstellige waarheid di ai leri, no komopo foe wi, ma foe na seti na a heri grontapoe foe anbegi di Jehovah e gebroiki now èn di ai si. Jepi den studenti foe joe foe kisi wan inisé overtoigi. Disi sa boewégi en foe moksi ensrefi nanga wi (Zach. 8:20-23; 1 Kor. 14:24, 25). Waka baka Jezus èn tjari sma nanga wan eerlijk ati tapoe wan enthousiast fasi go na Jehovah organisatie di a e si. Na brochure Jehovah Kotoigi — Tjari kon makandra na heri grontapoe ini a doe foe a wani foe Gado, di wi ben kisi na a kongres di psa, abi moi materiaal di wi kan gebroiki foe a marki dati. Kon sabi foe dat’ede na inbere foe na brochure, sodati joe kan gebroiki en na tapoe na joisti momenti, pe joe kan sori precies den punt dati di joe abi na tapoe a momenti disi fanowdoe.