Wi de klari?
1 Nanga foeroe lostoe wi e loekoe foe presteri na sma ini februari nanga maart na njoen boekoe Joe kan libi foe tégo ini wan paradijs na grontapoe. Joe de srekasreka foe teki prati krin krin na a oso na oso wroko ini den moen disi? Ala gemeente sa wani wroko a moro bigi pisi foe a gebied foe den nanga na toemsi moi bijbelstudie-wrokosani disi.
2 Foe wi kan gi na boekoe disi nanga prisiri, dan wisrefi fosi moe si na waarde foe en. Efoe wi no ben lési a boekoe disi ete foe dat-ede, doe disi dan so esi leki joe kan. Boiti dati poti na prakseri foe de tapoe ibriwan foe den féfi publiki lezing di tanapoe tapoe na programma foe februari nanga bigin maart. Teki joe égi boekoe nanga joe èn meki aantekening foe punt di joe kan gebroiki ini a velddienst.
3 Teki na faste besroiti foe abi wan prati na a presteri foe na Tégo-libi-boekoe èn sorgoe dati joe abi nofo boekoe foe prati. Wi abi na overtoigi dati te wi sa meki den sma si na boekoe disi troetroe èn wi srefi de nanga prisiri foe en, den moen januari nanga februari sa de wan boen fundamenti foe gro. Efoe na gemeente no abi boekoe moro dan nanga ala prisiri wi sa teki den bestelling foe oenoe te joe naki konkroeteté kon èn wi sa doe moeiti foe jepi oenoe so esi leki a kan.