Gebroiki na njoen boekoe ini na barwroko foe na kownoekondrewaarheid
1 Fa wi ben firi di foe na fositron wi ben bigin foe teki soifri sabi foe na waarheid ini wi? A ben de wan switi ondrofeni — wan no-ferdini-boenfasi foe Jehovah sé. Wi ben firi wisrefi netleki den toe discipel di Jezus ben sori ensrefi na den tapoe wan wondroefasi tapoe na pasi di e go na Emmaüs. Leki fa Lukas 24:32 taki, den ben taki nanga makandra: „Wi ati no ben firi waran di a ben taki nanga wi na pasi, di a ben tjari den boekoe kon na krin gi wi dorodoro?” Ija, wi ati toe ben foeroe nanga warderi di ben kon na krin gi wi san den boekoe wani taki.
2 Ma wi no ben kisi na waarheid soso foe na boen foe wi. ’Fa den sa jere sondro dati wan sma préki?’ na apostel Paulus e aksi (Rom. 10:14). Moro leki 2 miljoen dienstknegti foe Jehovah di wani de leki Jesaja e gi na prisiri piki di e kon now: „Dja mi de! Seni mi” (Jes. 6:8). Now de na ten foe barwroko gi na Kownoekondre waarheid na ala sé. Wi moe firi wisrefi frantwortoe foe doe dati ini na gebied di wi gemeente ben kisi.
FA WI MOESOE PRESTERI EN INI NA OSO NA OSO DINIWROKO
3 Fa ini april wi ben sa man foe presteri na njoen Tégo libi-boekoe na wan boen fasi foe oso na oso. Ini na artikel „Presteri na boen njoensoe” na blz. 3 wan toe moi rai e gi. Boiti dati, wi kan hori na ini prakseri dati a boekoe nofotron e prati ensrefi. Sma e si den moi titel èn den wani abi en. Ma efoe den e degedege ete dan wan esesi loekoe foe den titel foe den kapiter èn den toemsi moi prenki sa jepi den foe teki wan besroiti.
4 Foe san-ede joe no ben sa proberi foe prati na boekoe na ibri okasi? Foeroe sma de di ben sori belangstelling kaba gi na bijbel èn di kande ben teki srefi boekoe. Meki den si na boekoe. Presteri en na sma di joe e miti ini joe aladé activiteit, na sma di e lever sani èn birtisma foe eksempre. Poti wan foe den boekoe na wan presi pe ala sma kan si en èn presteri en efoe na okasi fiti. No frigiti joe famiriman di no de kotoigi ete.
WAN TOEMSI MOI STUDIEBOEKOE
5 Foe san-ede wi kan de séker taki na Tégo libi-boekoe de wan toemsi moi wrokosani foe bijbelstudie, di sa pré wan bigi rol ini na tjari komakandra wroko ini a ten na wi fesi? Foe di na a meki foe na boekoe disi wi ben meki gebroiki foe wi ondrofeni nanga na bijbelstudie-jepi „Gado moe de troe” nanga Na Waarheid di e tjari joe na a tégo libi. A boekoe abi foe dat’ede leki fundamenti den srefi tekst foe na bijbel leki den toemsi moi leritechniek di wi e feni ini den moro owroe boekoe disi.
6 Wi wegi go wegi kon na wan soifri fasi fa den difrenti bijbelleri kan tjari kon na krin na wan moro boen èn direkt fasi. Ten teki foe meki den prenki, ini a boekoe èn ini den wortoe, kon moro boen èn den aksi de so foe taki moro tanga den sma. Wan sani ben de alaten na wi fesi: foe doro na ati foe na sma di e kisi leri. Wan prékiman e skrifi taki: „Sondro foe loekoe na moi fasi fa a boekoe seti èn den prenki di psa marki, dan mi e law foe na krakti fasi fa den tekst e gebroiki èn den aksi e aksi. Sosrefi toe na persoonlek benadering de heri boen. Nanga ala den sani disi na sma di e kisi leri e kisi na jepi foe si fa ala sani abi foe doe nanga en matifasi nanga Jehovah. Den sani di poti srapoe kontrari foe makandra moesoe jepi den sma foe si na fanowdoe foe teki besroiti, ija, tjari kenki kon ini den overtoigi libifasi, fasi èn bribi.”
DIFRENTI MORO FOEROE TORI
7 No wawan taki bijbel waarheid e tjari kon na fesi na wan moro betre èn boen fasi, ma na njoen boekoe e behandel sosrefi toe difrenti moro foeroe tori leki wi studie-jepi di wi ben abi na fesi. Sosrefi toe bodoi teki poti ini na boekoe foe na boen foe na sma di e kisi leri èn di de toemsi prenspari gi njoen sma. So foe eksempre ini den laatste ten na afersi foe moreel libifasi ben de wan bigi naki-foetoe di ben tapoe foeroe njoen sma foe go na fesi ini na waarheid. Na afersi dati soboen e behandel finifini. No wawan rai e gi direkt foe den fowtoe sani di wan sma moe tan farawe foe den èn fa wan sma kan tan farawe foe den, ma sosrefi toe tranga e gi foe doe san boen.
8 Wi e gi na rai dati ibri prékiman — na a oso na oso diniwroko, na a tjari foe go-baka — foe abi wàn ofoe moro foe na Tégo libi-boekoe na en. No go ini na velddienst sondro boekoe! Na positief fasi foe joe na a presteri foe a boekoe, na ferteri foe san de ini na boekoe èn na prati foe en, sa opo na pasi, foe opo foeroe njoen oso-bijbelstudie.
9 Meki ini na moen april wi presteri fajafaja na Tégo libi-boekoe, aladi wi e gebroiki na grani di Jehovah e gi wi ini den laatste dé disi foe tan barwroko gi na Kownoekondre-waarheid.