Kon èn loekoe kownoekondre wanfasi ini wroko!
„Loekoe! O boen èn o switi a de . . .”
1 Ini wan grontapoe di de so prati, a no de wan prisiri foe si na vréde nanga wanfasi foe brada di e kon makandra tapoe wan congres ini bigi nomroe? (Ps. 133:1; Ef. 4:3). Na a heri grontapoe lontoe nownow kaba bigi plan e meki foe konmakandra nanga bigi nomroe. Soleki wi sabi dan ini Nederland wan nationaal congres sa hori ma ini den Verenigde Staten foe Amerkankondre foe eksempre sani e sreka foe 100 „Kownoekondre wanfasi”-districtscongres èn na tra presi gi someni tintron congres moro ete. Joe sa de drape?
2 A jari di psa 2541 sma ben kon ini wanfasi makandra ini wi kondre tapoe 3 congres èn 32 sma ben gi densrefi abra na Jehovah èn teki dopoe. Tapoe na congres wawan, wi kan taki dati wan pikin gemeente foe Jehovah Kotoigi ben kon moro. Ini den Verenigde Staten foe Amerika na nomroe sma di ben go tapoe den 104 districtscongres ben de 1.108.022 èn 12.202 ben gi densrefi abra na Jehovah èn sori dati den teki dopoe ini watra. A de wan bigi ipi sma di e prijse Jehovah jari di ben konmakandra! San a jari disi sa tjari kon?
3 Te wi e prakseri na thema foe na congres foe na jari disi, dan a de wan sani di de wan spesroetoe sani foe a ten disi, now di na no wan presi wi kan taki dati wanfasi de. Kerki organisaatsi de ini pratifasi, politik partij e feti nanga makandra, na grontapoe foe handel de ini broeja, na tranga osofamiri wanfasi foe ibri oekoe sani e fadon kon na en tapoe èn e seki tapoe na fundamenti foe en, papa, mama nanga pikin prati foe makandra nanga wan agersi generatie olo di den no man abra go miti makandra. Ma ini wan bigi kontrari nanga ala den sani disi joe abi Jehovah organisaatsi leki wan blok foe 2.400.000 man, ala di den panja ini 205 kondre. Ala skotoe ofoe sani di ben tanapoe ini a pasi foe wanfasi wai poeroe na pasi. Èn nanga jepi foe sortoe sani ala den sani disi ben feni presi? Nanga jepi foe na soifri anbegi foe Jehovah. Joe no bréti dati joe de wan memre foe Jehovah osofamiri? — Zef. 3:9.
4 Soema ben wani misi na ondrofeni foe ala congres di wi ben abi ini a ten di psa? Go taki pikinso nanga den owroewan na wi mindri. Den congres ben de wan hémarki foe den libi leki wan kristen èn na misi foe wan congres de wan sani di noiti kan pasa ini den libi. Efoe disi ben psa foedi wan ongolokoe ofoe wan tra omstandigheid ben kon, dan den e me disi leki wan sari ondrofeni. Go taki pikinso nanga den sma di a jari di psa ben de a fosi tron na wan congres. Den no ben sa wani foe misi disi foe no wan pisi gowtoe ede. Go taki pikinso nanga den sma di ben de na a congres ini Munchen, Neurenberg, Yankee Stadion nanga Rotterdam ini 1978. Den ati ben lon abra foe tangi nanga warderi.
5 Foe dat’ede meki joe no mag misi na congres disi foe 1983. A tron disi a de dri congres ini 3 tongo. Disi wani taki wan krakti nanga positief seti foe sani èn wan bigi jepi gi foeroe na mindri wi foe abi gewoon moeiti foe de 4 dé drape. Foe na momenti disi wi kan taki dati na congres nanga den seti foe na congres foe de ala dé drape no moe komoto na wi prakseri èn wi e gi oenoe dek’ati foe no meki ten lasi foe taki foe na go na a congres ini a osofamiri foe oenoe èn meki den sma di abi belangstelling kon waran gi na toemsi bigi sori disi foe wanfasi. A no de wan makriki sani foe hori wanfasi. Na Didibri de a sma di e pori wanfasi. „Prati sani èn tiri” de en taktiek èn boiti dati tapoe na momenti disi a abi atibron (Openb. 12:9, 12). Na front foe wi foe wanfasi, di de tegen den ros foe en, de wan lasi gi en èn foe dat’ede wi moesoe de tapoe na congres. A jeje njanjan di wi sa kisi a jari disi, sa seki wi ini a dipi foe wi égifasi sodati ibri skotoe ini wi inisé di no e tai wi tranga nanga wi brada, moe wai poeroe na wan sé. A sa de gi na ten disi na congres di fiti moro, di wi ben de oiti na tapoe. Ma ete wan tron wi e aksi: Joe sa de na tapoe? Joe osofamiri sa de a tapoe? Den sma foe joe di abi belangstelling sa de a tapoe? Ala sma di ini de laatste jari ben gwe libi na gemeente sa de na tapoe? Na piki didon na wi nanga den positief sani di wi e seti ini na gemeente èn meki wi begi Jehovah foe en blesi tapoe wi moeiti.
6 Na a kaba foe na artikel disi wi e poti foe na boen orde den joisti datum ete èn den presi foe den congres. Foe jepi joe foe seti den fanowdoe sani foe kan de èn ook toe foe jepi trawan ini disi, dan den bodoi di e kon now sa sori taki den de toemsi boen. — Tori. 20:35.
SANI DI SETI FOE SRIBIPRESI
7 Den sma di wani abi sribipresi ini na congresfoto kan gi den nen na a congres coördinator, di sa bestel na a congresbureau someni formulier foe aksi foe sribikamra leki de fanowdoe ini na gemeente. Na formulier disi moesoe vul netjes nanga soifri in èn moe gi baka na a congrescoördinator. A congrescoördinator sa kontroleer en finfini èn poti en nen na ondro èn seni en go na a congresbureau.
8 Wawantron wi ben jere taki wan lo brada nanga sisa de di ben soekoe gi densrefi kaba wan sribipresi, ma wi wani taki disi ete dati na congresbureau sa doe ala moeiti tapoe na kontren foe sribipresi foe doe someni leki den kan sodati wi howpoe dati na congresbureau sa man jepi ala sma di aksi foe wan presi. Sosrefi toe tapoe tra kontren na congresorganisaatsi de bezig foe seti sani foe wan boen organisaatsi èn wi howpoe taki ala sani sa waka boen. So esi leki wi sabi moro, dan wi sa seni bericht gi den gemeente. Es’esi, wi howpoe foe seni piki oenoe san den programma ten sa de, ma wi no e bribi taki oenoe abi foe wakti te leki na tori disi ferteri na oenoe. A e pai ibri moeiti foe seti sani leki wan persoon ofoe leki wan gemeente foe fisiti wan congre foe den fo dé.
9 SPESROETOE FANOWDOE: Ini den gemeente sani moe seti kande foe den sma di abi spesroetoe sani fanowdoe, soleki foeroeten bedinari nanga owroe, malengri, dofoe ofoe gransma di abi fanowdoe foe sani. Owroeman nanga trawan di sabi den sortoe omstandigheden disi, kan jepi tapoe wan lobifasi. Den owroeman kan kisi jepi kande ini na jepi foe bepaalde afersi, aladi wan toe sma, efoe a kan èn pe dati man, kan kisi jepi kande na monisé (Jak. 2:15-17; 1 Joh. 3:17, 18). Wi e fertrow a tapoe dati gi ala den sma di abi fanowdoe foe sani wan lobi broko-ede kan sori gi den. — 2 Kor. 6:11-13; Joh. 13:35; Gal. 6:10.
GI NA SKIN FOE OWROEMAN
10 Na owroeman di e doe wroko leki congrescoördinator, moe hori na diniwroko-komakandra-onderdeel di e taki ini na inlegvel disi èn a moesoe handel sosrefi toe tra congres materiaal nanga sani tapoe na komakandra. Nanga disi a gemeente sa kon sabi moro boen na congrescoördinator foe den. Te na inlegvel disi e behandel, dan prenspari paragraaf moe lési. Ala owroeman sa wani wroko makandra èn gi rai foe djaranti wan boen, faja èn moi behandeling foe na materiaal di abi foe doe nanga na congres.