1984 „Kownoekondre gro”-districtkomakandra
„Na pikin wan srefi sa kon tron doesoen.”
1 Den wortoe disi foe na profeet Jesaja no e gi wi tranga nanga faja? Séker den e doe dati! Jehovah proféti ben taki moro fara dati „na mendri wan sa kon tron wan makti naatsi. Ensrefi, Jehovah sa meki a psa es’esi na en ten.” (Jes. 60:22). A de wan span ten now di wi e si na gro na ini Jehovah organisaatsi so krin. Foe dat’ede meki na thema „Kownoekondre-gro” de so wan sani di fiti èn di e meki na winsi na ini wi kon moro bigi foe fisiti na district komakandra foe 1984. A jari di pasa na ini ala Staten foe Amerkan den ben doro wan hémarki foe sma di ben go fisiti foe so wan 1.124.070. Omeni prékiman ben de sowan dritenti jari ofoe fotenti jari psa kaba? Na ini 1945 joe ben abi soso tin prékiman èn bifo na Grontapoe feti di meki toe ben bigin joe ben abi na ini wi kondre soso pikinso bericht dati prékiwroko ben doe. Na wroko pas na ini 1946 ten orga boen na ini Sranan èn den 10 prékiman safrisafri ben gro kon tron wantoe tintin. Na Jariboekoe foe 1950 e meki wi si wan bericht foe 74 prékiman èn toe gemeente èn ini 1954 joe ben abi 107 prékiman èn 3 gemeente. Na a ten dati joe ben abi 10 pionier, èn den zendeling ben de na ini toe. Disi ben de kaba wan toemsi moi gro. Now baka wan pikin 30 jari joe abi moro leki 900 kotoigi na ini wi kondre na mindri den sowan 70 pionier. Jehovah soboen ben gi ooktoe dja en pipel glori. Prakseri pikinso foe a grani foe kan de wan pisi foe na nomroe foe sma di e kon moro bigi èn di wi e froewakti na tapoe den „Kownoekondre-gro” distriktkomakandra di orga ini na jari disi èn pe wi sa sabi fa Jehovah e meki na kownoekondrewroko kon doe moro esi èn fa wi sa abi wan prati na ini bifo a kaba kon.
2 Foe boen orga dan na a kaba foe na artikel disi ete wan tron wi e feni den datum nanga presi foe den congres. Wi sa moesoe meki boen sreka foe fisiti na congres èn gi foeroe sma a sa wani taki dati sani moe seti foe man foe reis go na a congres èn soboen foe poti moni na wan sé ofoe foe spaar foe kan doe disi. Ooktoe kande now kaba sani moe seti foe kisi den dé dati fri. Son sma kande now kaba moe seti sani a den grontapoe wroko ofoe kande den abi meti foe sorgoe èn den moe soekoe wan sma di kan doe disi gi den na a ten foe den dé foe a congres. A de wan boen sani foe poti na ini begi na fesi foe Jehovah problema di kan kon èn dan foe teki wan ferstandiki bosroiti. A programma wi wani de a tapoe efoe a de mogelek helemaal èn dati a wan sani di de foe taki èn na Genootschap doe ala sani foe poti den ten soboen leki a kan foe joe kan de drape. Na programma sa bigin 9 joeroe mamanten èn den ten oten a o kaba èn den pauze wi sa ferteri bakaten na ini akroederi nanga den algemene fanowdoe foe den brada nanga sisa di den taki den moe de na wan bepaalde congres. Den sma di wani dati na congresbureau seti sribipresi gi den moesoe ferteri disi biten na a congrescoördinator èn gi den bodoi di de fanowdoe. Gi na sani disi formulier kan seni go di joe kan vul in. Na afdeling Sribipresi sa sorgoe foe den tra sani èn oenoe sa kisi efoe a kan bericht foe oenoe sribipresi. Efoe oenoesrefi wani seti sani foe sribi-okasi dan a no de foe taki dati a boen toe èn dan oenoe no abi foe meki kontakti nanga a afdeling Sribipresi. Na afdeling Sribipresi e sorgoe soso gi sribipresi na ini a ten foe na congres no na fesi ofoe na baka a congres.
3 SPESROETOE FANOWDOE: Sani moesoe seti gi speciale sma di abi jepi fanowdoe èn na gemeente pe den sma disi de moe sorgoe foe dati. Owroeman nanga trawan di sabi den sortoe omstandigheden disi kan gi lobi jepi. A wani taki foeroetron dati den moe teki tra sma na ini den égi pikin groepoe, foe eksempre den sma di de na ini na foeroetendienst, den owroe, den swakiwan, den wan di no man jere so boen èn trawan di abi jepi fanowdoe. Den kan sori ooktoe na tapoe tra fasi gi na groepoe disi (Tori. 20:35; Jak. 5:15-17; 1 Joh. 3:17, 18). Wi e fertrow a tapoe dati na ala sma di abi wi jepi fanowdoe sa kisi na lobi prakseri. — 2 Kor. 11:6-13; Joh. 13:35; Gal. 6:10.
4 FRI WANI WROKOMAN: Wan sani di spesroetoe den osofamiri kan sreka na fesi, de na doe foe fri-wani-wrokomandienst. Kande den osofamiri kan kon na makandra foe taki sortoe friwani wrokoman dienst den kan doe èn oten den wani doe disi. Foeroe anoe e meki alaten wroko kon lekti ete èn ala di wi ben meki foeroe wroko soleki a wroko na ini koekroe kon moro pikinso, tokoe ete njanjan moesoe prati, presi moe krin, dienst jepi moe gi en wakti moe hori. Dan joe abi ete foeroe wroko di abi foe doe nanga na podium, a ferfi foe sani, a meki moi foe sani, krin foe na zaal nanga den tra presi èn so moro fara. A boen foe go denki makandra foe disi èn baka te joe ben teki wan bosroiti, gi joe nen foe den wroko di taki, di joe denki dati joe kan doe. Den gemeente èn spesroetoe na congrescoördinator moesoe spesroetoe prakseri tapoe den ten foe na komakandra dan wi e prakseri spesroetoe a dienstkomakandra. Ten kan teki foe poti prakseri na den afersi disi. Taki foe disi spesroetoe ooktoe finifini nanga den brada nanga sisa di kande foe wan sjatoe ten nomo kan de a ini na waarheid èn no sabi boen san moe psa alamala. Efoe den toe abi prati na a wroko na a ten èn bifo na congres dan disi sa meki na warderi foe den kon moro bigi.
[OPMERKING GI A SKIN FOE OWROEMAN: Den owroeman di e doe dienst leki congres-coördinator, moe lei na onderdeel disi na a ten foe na dienstvergadering te na inlegvel e taki foe en ala di ooktoe a sa taki foe tra congres materiaal nanga tra sani. Ala owroeman sa wroko dorodoro makandra èn gi rai sodati wan boen afhandeling foe ala congresafersi sa psa es’esi èn nanga faja.]
DISTRICTSCONGRES 1984
23-26 augustus
Congreshal (Bakratongo)
2de Rijweg 30, distrikt Suriname
23-26 augustus
Koninkrijkszaal (Ingrisitongo)
Gemeente Latour, Latourweg 59
Latourprojekt.
30 augustus–2 september
Koninkrijkszaal (Sranantongo)
Gemeente Latour, Latourweg 59
Latourprojekt.
Ala correspondentie di abi foe doe nanga na congres disi kan seni go na a congres-bureau na tapoe na adres foe Watch Tower Bible and Tract Society Wichersstraat 8-10, Paramaribo.