Aksidosoe

● Sortoe sani wi moe hori ini prakseri te wi e teki wan oso di kan gebroiki leki boekstudie-adres?

Fa a de wan toemsi bigi grani foe abi wan gemeente boekoestudie ini joe oso! Na boekstudie de wan verlengpisi foe na gemeente èn nanga leti wi e si en leki wan pisi foe Jehovah foe leri en pipel. Sontron njoen noso extra presi de fanowdoe foe di son oso wi no kan gebroiki moro ofoe foe di den e bow en kon moro bigi. Ibriwan sma ini wan gemeente di wani presteri en oso leki boekstudie-adres, kan ferteri dati na den owroeman. Awinsi den no teki joe oso tokoe joe kan de séker dati den e warderi na presteri di joe presteri joe oso.

Den owroeman no wawan moe loekoe efoe na adres boen, ma den moe loekoe toe na afersi foe veiligheid. Baka te den teki a moro boen adres, dan sontron a kan de fanowdoe foe seti sani dati den brada nanga sisa e waka nanga makandra ofoe den e go ofoe komoto foe na boekoestudie. Sosrefi toe a kan de ini bepaalde kontren ekonomisch foe waka makandra. Alaten wi de tangi foe ibri oso di brada e gi foe hori boekstudie. Wi moe gebroiki wi koni foe si sani foe sorgoe dati na gemeente boekoestudie e hori tapoe den moro boen adres.

Wan oso di de netjes èn nanga orde alaten wi e warderi. A boen efoe nofo leti nanga winti de (Tori. 20:8). Na osofamiri pe wi e hori na studie, densrefi moe de wan boen eksempre. A moro boen foe no kon makandra ini wan oso pe a kan dati wi kon ini kontakt nanga wan sma di sluit uit ofoe wan sma di de tegen na waarheid. Sosrefi toe bifo na studie ibri wiki sani moe doe a fesi, soleki na seti foe stoeroe, èn wi e warderi en pe den sortoe fanowdoe afersi disi ben sorgoe a fesi.