Fa joe sa ’teri joe dé’ na ini oktober?
1 Wan libifroewakti foe 70 jari e gi howpoe tapoe wan sani moro leki 25.500 dé ala nanga ala. Efoe wi jongoe kande dan disi e gersi leki foeroe dé, ma o esi den de hari psa! (Ps. 90:10) Srefi na nomroe foe dé foe libi na seti foe sani disi no e gi djaranti foe en, foe di ’wi no sabi san wi libi sa de tamara’ (Jak. 4:13-15). Foe di wi dé de so pikinso èn boiti dati na ten foe na grontapoe disi e kon na wan kaba, dan na begi foe Mozes de wan sani di fiti srefsrefi: „Sori wi fa foe teri wi dé so dati wi kisi wan ati foe koni” (Ps. 90:11) Joe wani Jehovah jepi joe foe kan gebroiki ibri dé foe wi libi so boen leki joe kan? Ija, wi wani teri wi dé na wan joisti fasi, ofoe bepaal na waarde foe den foe kan gi grani na Jehovah èn foe jepi sma di de na wi sé.
2 Na ten di ini na ten di psa kande wi ben fermorsoe, wi no kan wini baka, ma wi kan doe wel wan sani na a ten di e kon efoe wi e meki plan na fesi. Na ini oktober 31 diri dé de na wi fesi. Now a de na ten foe loekoe fa wi kan gebroiki den dé disi so boen leki wi kan. Aksi joesrefi: Den dé disi sa de boen dé gi mi? Mi sa gebroiki den na wan ferstan fasi? San mi sa doe? Mi sa doe boen di sa tan na trawan? Jehovah Gado sa prisiri foe na fasi fa wi e gebroiki den dé disi?
San oktober foe na jari disi sa meki wi si
3 Foeroe sma na ondro Jehovah pipel ben si dati oktober na wan boen moen foe tanapoe na ini na jepi pioniersdienst. Na weer foeroetron de toemsi boen èn na jari disi na moen oktober e teri baka féfi foeroe weekend. Joe sabi ete omeni jepi pionier wi ben abi ini oktober 1982? Fa wi alamala ben bréti èn ferwondroe dati 128 — moro leki 16% foe na nomroe foe ala prékiman ini a moen april — ben abi wan prati na a jepi pioniersdienst! We fa a sa de na ini oktober 1983?
4 Oenoe sa man foe poti leki marki na ini oktober foe pionier leki osofamiri? Foe san-ede oenoe no go taki nanga makandra èn meki a de wan tori foe anbegi makandra na Jehovah? Wi de séker dati joe sa si dati den blesi e wegi foeroe tegen den moeiti èn den offer di joe offer joesrefi. Wantron wan heri osofamiri ben teki a bosroiti foe teki prati na a pionierwroko. Na mama ben de wan gewoon pionier kaba. Na papa ben abi wan wroko foe heri dé èn a ben doe wroko leki owroeman. Ma ete a ben si na tjans foe de jepi pionier foe di na den neti èn ini den weekend a poti ten foe disi na wan sé. Den dri pikin ben abi skoro-fakansi na ini den toe fosi wiki foe na moen. Na ini a pisiten foe den laatste toe wiki dan den ben go makandra baka na skoro-ten èn ini den weekend na ini na dienst. San ben de na bakapisi? Den e taki san e kon now: „Efoe wan osofamiri e poti wan marki — namkoe foe proberi: foe jepi someni sma leki a kan a pisiten di den abi — dan den alamala e tjari kon na makandra nanga foeroe moro wroko makandra de.” Boiti dati, toe foe den pikin ben de nanga faja dati den ben man foe opo bijbel-studie neleki osofamiri den ben gi 351 joeroe na ini na dienst foe Jehovah!
5 San na marki foe oenoe leki gemeente sa de gi oktober? Na gemeente foe oenoe sa man psa na nomroe foe jepi pionier na ini april? Na marki foe 60 joeroe gi foeroe prékiman de wan sani di den kan doro te alamala e wroko makandra èn e bribi dati Jehovah Gado sa gi na krakti di sa psa na sani di de normaal” (2 Kor. 4:7). Wán pikin gemeente foe 29 prékiman ben abi na prisiri foe si dati 12 sma ben skrifi den nen leki jepi pionier. A no ben de makriki gi foeroe foe den. Sonwan ben de boiti dati owroeman ofoe dinari na diniwroko. Difrenti sisa ben abi wan masra di no de na ini bribi èn pikin-nengre. Wan foe den ben de wan getrow, 70-jari prékiman, di no ben abi wan toemsi boen gesontoe. Na bribi foe den ben kisi pai di na moen dati ben psa? Den alamala ben doro na marki foe 60 joeroe, ija, na groepoe ben abi srefi wan gemiddelde foe 72 joeroe. Na ini na pisiten foe na moen den ben wroko na heri gebied finifini èn ook toe den sma di no ben de na oso, èn foeroe tra prékiman di no ben man foe pionier, ben kisi tranga foe doe moro. Na fesiman-opziener ben gi kommentaar: „Nasani disi ben tjari a gemeente kon moro krosbé foe Jehovah èn foe makandra.”
6 Wi e gi rai dati na ini na skin foe owroeman na ini augustus taki nanga makandra kaba san kan doe foe gi tranga na a jepi pionierdienst na ini oktober èn foe hori baka gi disi. Na tori disi dan kisi moro prakseri na ini na owroeman komakandra ini september. Son gemeente abi extra velddienst komakandra ini den sortoe moen disi foe activiteit. Boiti den velddienst komakandra foe mamanten froekoe dan den abi velddienst komakandra dri joeroe na bakadina gi skoro-pikin èn dan moro lati 5 joeroe ete wan velddienst komakandra gi den sma di abi grontapoe wroko. Kande extra prakseri ook toe de fanowdoe foe sorgoe ini gebied nanga boekoe gi den sma di e pionier.
Jehovah e gi wa na eksempre
7 Jehovah Gado e sori wi fa wi moe teri wi dé te wi srefi e gebroiki wi ten boen. En dé foeroe nanga wroko di e meki froktoe èn di de gi na boen foe den mekisani foe en (Joh. 5:17). Te wi e waka na en baka dan ibri dé na ini oktober kande gi joe nanga den sma di e arki joe wan boen dé (1 Tim. 4:16). Meki a de kolokoe dé èn meki Jehovah poti na joe libiten boen sondro foe teri.