A kownoekondre foe Gado sa meki na paradijs kon baka
1 Na kownoekondre foe Gado na ini anoe foe Kristus Jezus na wan troetroe sani. A wan sani di e tan. Bikasi neleki fa Jehovah de „Kownoe foe tégo”, a so a gi now en kompe-kownoe Jezus Kristus „na krakti foe wan libi di no e pori” (Openbaring 15:3; Hebr. 7:1, 2, 15, 16). Dati na kownoekondre a wan troe sani e kon now na krin foe na krakti di a abi tapoe na libi foe den sma di wani libi na ondro den no e libi grontapoe libifasi moro, èn den e fiti densrefi na den wet nanga gronprakseri foe na leriboekoe foe a kownoekondre, na bijbel. Wan toemsi moi bewijsi di e sori taki a kownoekondre de wan troetroe sani, wi e si na ini na wanfasi foe den sma foe ala naatsi di tron borgroe foe na kownoekondre. — Odo 14:28; Tori. 10:34, 35.
2 Foe di Jehovah pipel e si na kownoekondre leki wan troetroe sani, èn den wani libi leki fa den gebod foe a kownoe foe den Jezus Kristus e taki meki na a heri grontapoe den e teki prati alaten na a meki bekenti foe na „boen njoensoe foe na kownoekondre foe Gado” (Luk. 4:43). Den wani taki ala sma sabi taki na kownoekondre sa meki a paradijs kon baka. Sosrefi toe den de spesroetoe grantangi taki Jehovah Gado ben sreka den nanga jepi foe en organisaatsi nanga den wrokosani foe préki a Kownoekondre gi tra sma. — Hebr. 13:20, 21.
NA „TÉGO LIBI” BOEKOE
3 Wan foe den moro praktis wrokosani di wi ben kisi na laatste ten, na a boekoe Joe kan libi foe tégo na ini wan paradijs na grontapoe. Fa wi ben prisiri di wi ben kisi a boekoe disi èn a moi srefsrefi gi pikinnengre èn gi bigisma. A ben poti a prakseri foe en lésiman a tapoe taki den disiten, bigi feti, angriten, pestsiki nanga tra sani di pasa de wan marki taki wi e libi na ini den „moeiliki ten” di de wan marki foe den „laatste dé” foe den seti foe sani, ma di wan paradijs e waka kon na en baka. — Matt. 24:14; Luk. 21:10-17, 36; 2 Tim. 3:1-5.
4 Teki a boekoe pikinso na ini joe anoe èn opo bladzijde 148, na kapitel di e go foe na krosbé foe na „kaba foe grontapoe”. Fa tapoe wan aparti moi fasi a e sori taki Jezus Kristus moro leki tinnanégi hondro jari pasa kaba ben ferteri en discipel na wan rustig fasi san ben sa pasa na ini na „ten foe na kaba”. En wi e si taki a e pasa? Na kapitel disi e go dipi na ini a tori. Ma san sa wiki na gridi foe na ososma, de na toemsi positief pristeri na ini na tra kapitel, taki baka na kaba wan paradijs grontapoe sa kon. Na tekst nanga den prenki sori wan toemsi moi fasi foe den sani, sodati na ati foe opregti sma moesoe seki.
5 Kande joe moesoe taki nanga boen foeroe sma tapoe wan heri tra fasi. Foeroe sma e sari foe di osofamiri gwe libi makandra èn di kande densrefi abi oso problema. Den abi dek’ati fanowdoe èn kande den kan opo den jesi gi kapitel 29, „Meki na osofamiri libi waka boen”. Dan tra sma baka abi trowstoe fanowdoe foe di boen krosbé den kon sabi na pina di siki nanga dede e tjari kon. Ooktoe gi den wi abi wan boskopoe, èn dati de na ini kapitel 20 nanga 21.
6 Soleki wi alamala sabi heri boen, dan foeroe jongoesma de di lasi pasi èn di e soekoe wan richting nanga wan marki a ini den libi. Wi de séker taki kapitel leki: „Foe san-ede wi de dja na grontapoe” èn „Foe san-ede Gado gi pasi taki ogri de?” kan meki moi takimakandra kon. O moro boen wisrefi sabi a boekoe, o moro koni wi sa kon foe pristeri en. Den ten pe wi e libi na ini de toemsi moeilek èn ala sma e firi a druk foe den. Wi abi wan boskopoe foe trowstoe nanga howpoe èn wi man foe poti na ai foe den sma tapoe na ten di e kon — tapoe wan paradijs na grontapoe.
7 Foe di na foeroe doesoedoesoen sma na ini ala pisi foe na grontapoe ben lési na „Tégo libi”-boekoe makandra nanga na bijbel èn studeri en, meki den go ferstan taki na kownoekondre foe Gado sa meki wan paradijs kon baka. Foe di na kownoekondre foe Gado de na wan enkri loesoe foe Gado di e kwinsi libisma, meki wi moesoe ferstan boen na fanowdoe foe abi wan prati dorodoro na a prati foe a boekoe disi di e préki na kownoekondre. Sma de foe lasi den libi. Wi e begi leki wán man ofoe Jehovah mag blesi den moeiti foe wi foe jepi foeroe moro sma foe saka densrefi na ondro na kownoekondre na ini anoe foe Kristus Jezus, foe na tégo prisiri nanga tanboen foe den.