Pristeri Na Wachttoren na ini mei
1 Di Na Wachttoren ben kon na fosi lési na doro na ini juli 1879, dan wan-lési na ini a moen soso 6000 ben druk na ini wan tongo nomo. Now, 107 jari na baka, dan moro foeroe toe lési na ini wan moen den e druk foe ibri tijdschrift moro leki 12 miljoen na ini 103 tongo. Foe sowan gro e kon na krin dati Jehovah feni a wroko sani disi boen, di ai gebroiki foe meki na waarheid foe en kownoekondre bekenti.
2 Efoe a de so taki foe wan sjatoe ten kaba joe ben bigin lési Na Wachttoren ofoe dati joe e doe disi foeroe jari kaba, wi abi na overtoigi dati joe e warderi den blesi di e komoto foe dati. Na tijdschrift Na Wachttoren gi joe wan howpoe di abi en fondamenti na ini a bijbel. A tranga joe fertrow na ini a kownoekondre foe Gado leki na wan enkri sani nanga jepi foe san vrede di sa tan o kon na grontapoe. A sori joe na tapoe den kefar foe den moeilek ten disi di de wan marki foe „den lasti dé” (2 Timoteus 3:1-5). Nanga jepi foe den bladzijde foe en joe ben kisi trowstoe foe den den Boekoe èn na fertrow tiri di abi en fondamenti ini Gado Wortoe, na bijbel (Romeini 15:4; Psalm 119:105). Te joe e prakseri disi èn tra blesi, a no e boewégi joe foe meki trawan kon sabi o warti Na Wachttoren de? Na ini mei wi sa pristeri wan abonnement foe wan jari foe wan bijdrage foe soso f 7,00.
ABI WAN POSITIEF JEJEFASI
3 Na ini Na Wachttoren krakti e poti na tapoe na koni foe Gado èn na tapoe a tak-go-tak-kon foe libisma. Na ini a ten disi ibri sma abi na koni disi toemsi tranga fanowdoe. A kan verbéter libi èn jepi toe foe meki joisti fasi foe denki gro. Disi de fanowdoe foe ’tan na libi’ (Odo 9:1-6). Te wi abi na overtoigi dati, wi sa pristeri na abonnement nanga wan positief jejefasi nanga na froestan dati wi abi wan sani san trawan abi fanowdoe. Lési ibri uitgave finifini foe feni ferklari di leki fa joe e prakseri kan de boen gi den ososma. Sowan fasi foe sreka o jepi joe foe sori wan positief geest te joe e pristeri den tijdschrift disi na ini na diniwroko.
4 Na prijs foe Na Wachttoren lagi srefsrefi te joe ben sa agersi en nanga den winimarki di na sma di e lési sa kisi. Pristeri foe dat’ede na ibri okasi na abonnement nanga overtoigi. Son prékiman wani pristeri kande nanga wan Wachttoren abonnement ooktoe wan abonnement tapoe na Ontwaakt! Wan jari abonnement na tapoe alatoe tijdschrift e kostoe Sf 14,00, wan lagi prijs te joe sa agersi en nanga a prijs foe foeroe grontapoe publikatie.
NA WACHTTOREN E JEPI FOE MEKI DISCIPEL
5 Abi na faste bosroiti foe go baka na ala den adres pe sma teki tijdschrift. Èn proeberi foe wiki na belangstelling di den sori. Son brada nanga sisa e bow tijdschrift route na den sma di e teki den loesoe nomroe foe den tijdschrift. Efoe wan sma lési wan nomroe foe Na Wachttoren ofoe Ontwaakt!, a e kisi kande belangstelling. Go foe dat’ede baka èn gi den den uitgave di e kon a baka, na sortoe okasi joe e poti krakti na tapoe wan aparti artikel di leki fa joe firi sa abi na belangstelling foe na sma. Na baka di a leśi wantoe uitgave, kande a sa wani abonneer. Sma di abonneer kande kan njanboen toe te joe kon baka foe jepi den foe feni warti punt na ini den tijdschrift.
6 Na pristeri foe Na Wachttoren ini mei sa gi seker satisfaksi di foeroe nanga prisiri. Foedi wisrefi njanboen foe na tijdschrift, wi man pristeri en nanga overtoigi na trawan. Te wi gi den dek’ati foe abonneer densrefi èn lesi den warti tijdschrift disi, wi kan jepi den foe teki wan bosroiti foe tanapoe na a sé foe Jehovah.