Gebroiki a njoen boekoe foe jepi trawan
1 Wi alamala ben abi bigi prisiri di oen ben kisi na ini a dréten di psa na tapoe na Kownoekondre wanfasi-districtscongres a njoen boekoe Bondroe kon a wan na ini na anbegi foe a wan troe Gado. Tapoe pagina 2 foe na boekoe disi a ferklari e gi: „Miljoenmiljoen sma abi wan sabi foe den fundamenti bijbel leri. Ma foe ondrofeni dorodoro na prisiri di e komoto foe wan anbegi foe na troe Gado pe sma bondroe kon a wan den moesoe gro na ini kristen lepifasi. A boekoe disi abi na marki foe jepi ala den sortoe sma disi foe a sabi foe den foe Gado wortoe kon moro bradi èn moro dipi, èn foe poti en krinkrin na ini den libi.” Sensi wi kisi a boekoe disi, wi ben pristeri en kaba na wan tra sma sodati wan trawan, man ofoe oema kan njan boen foe en tapoe a fasi disi?
2 A sa de wan switifasi foe doe foe pristeri en na ala sma na soema joe e hori wan bijbelstudi. Srefi efoe sonwan ini moen no sa de sofara ete foe studeri na di foe toe boekoe, na abi foe a boekoe kan opo den apteit. Ooktoe a kan gi den na poesoe foe lési pikinso moro, èn dati kan meki den gro moro esi na jejefasi. Joe abi wan boen sani. No ori joesrefi a baka foe prati en nanga den. — Odo 3:27.
3 Wi e aksi joe foe abi alaten wan eksemplaar foe na boekoe na ini joe velddiensttas. Foe san-ede? Foe di tindoesoendoesoen eksemplaar foe na Tégo-libi-boekoe nanga na Waarheid-boekoe ben prati na den sma di abi belangstelling. Nanga foeroe foe den osobijbelstudi ben ori. Efoe den e sori dati den abi pikinso belangstelling, meki den si na njoen boekoe disi dan èn pristeri den foe studeri en nanga den. Disi de alaten wan boen sani, a no abi trobi sortoe boekoe wi e pristeri na moen disi.
4 Soleki fa joe ben si, dan den kapitel na ini na njoen boekoe langa ibriwan sébi ofoe aiti bladzijde. Dati de langa nofo foe wan boekoestudi. Ma a nomroe disi foe bladzijde kan de toemsi bigi foe kan behandel den na wan boen fasi na ini wan joeroe tapoe wan osobijbelstudi. Efoe joe e gebroiki a boekoe disi foe wan studi, no fré psa a stof. Teki ten foe meki a studenti soekoe den tekst ensrefi. Èn meki a redeneer abra en. Na ini sowan foe den paragraaf wan toe tekst tanapoe, di no skrifi; ala den dati abi foeroe warti. Efoe den piki di e gi tapoe den studi-aksi de frafra, poti jepi-aksi foe kan poti na prakseri na tapoe prenspari sani di kande den ben loekoe psa den. Meki séker dati a studenti e ferstan san e studeri èn sortoe warti disi abi gi en persoonlek.
5 Meki a de so dati a gebroiki foe, a moi boekoe disi sa gi foeroe moro sma na okasi foe tesi na troetroe prisiri nanga oenoe di e sproiti foe a bondroe kon a wan makandra anbegi foe Jehovah, na wan enkri troe Gado.