Pristeri a boen njoensoe — Nanga a Tégo libi-boekoe
1 Na ini a moen maart wi sa abi wan spesroetoe wroko nanga a boekoe: Joe kan libi foe tégo na ini wan paradijs na grontapoe, di wi mag pristeri, foe Sf 5,00. Pikinso pikinso wi kon de séker dati a pristeri disi de wan spesroetoe wan di sa jepi foeroe sma foe poti boen prakseri tapoe den moi fasi foe Gado.
2 Foe di a ten kon krosbé dati ala naatsi sa sabi dati Gado nen na Jehovah (Ezech. 36:23) a ten de now ooktoe foe gi ala sma di wani na okasi foe leri sabi Jehovah leki a Soeverein Masra Jehovah „di meki a grontapoe èn ala san de na ini”, en „di meki komoto foe wán sma ala naatsi foe libisma”. A Tégo libi-boekoe e jepi sma foe ferstan dati wan Mekiman de di moesoe kisi glori èn grani èn wartifasi. Foe di wi lobi Jehovah, meki wi wani taki nanga oen birti foe dati solanga a ten de boen ete. — Tori. 17:24-26; Openb. 4:11.
WAN TOE RAI
3 Wi e gi ala prékiman dek’ati foe loekoe na inhoudsopgave foe na boekoe ete wan tron foe kan kon heri njoen enthousiast foe na inhoud foe na boekoe. A no de foe taki, dati papa nanga mama sa loekoe nanga ala prisiri wan toe tori foe takmakandra nanga den pikin èn spesroetoe nanga pikin di abi tini jari, di na skoro e kisi foeroe foe doe nanga ala sortoe prakseri. A de wan toemsi moi sani foe loekoe makandra nanga den velddienstpristeri. Èn oensrefi, moro jongoe brada nanga sisa, oen ben sa kan doe moeiti foe pristeri a moi boekoe disi so fara leki joe kan? Na skoro, oso na oso, gi famiriman di no de ini waarheid, èn so moro fara. Tan loekoe pikinso kapitel 18 nanga 19 foe na boekoe èn den wan toe moi eksempre di tanapoe drape. Wi abi na overtoigi dati oen jongoewan joisti de den sma di sa si bigi winimarki nanga disi.
4 Wi e gi den pionier ini a gemeente ooktoe na dek’ati foe poti spesroetoe krakti na wan ini a moen disi foe pristeri na boekoe disi na ala doro. A ben sa de wan boen dek’ati foe poti gi joesrefi wan bepaalde marki foe prati someni boekoe èn wroko na heri moen nanga a marki dati na prakseri? Sorgoe dan dati oen abi foeroe nofo foe den boekoe disi.
5 Djaso wan prakseri de foe wan pristeri: „Dag Mefrow. Foeroe sma na ini a ten disi e feni en moro nanga moro wan moeilek sani foe bribi ini Gado. Tokoe a de so taki lontoe wi foeroe froewondroe moi sani de di e meki en boen foe wi aksi oensrefi efoe troetroe wan lobi Mekiman no de di e broko ede nanga a lot foe libisma. Foe dat’ede mi e feni en wan toemsi moi sani foe pristeri joe a boekoe disi: Joe kan libi foe tégo na ini wan paradijs na grontapoe foe Sf 5,00.” Wan tra pristeri kan meki gebroiki foe Tori foe Takmakandra èn a gemeente kan kenki prakseri nanga makandra.
6 Firi joe fri foe fiti a pristeri na a gebied. A moro prenspari sani de, dati wan pasi sa feni foe miti na ati foe den sma èn dati nanga a moi jepisani disi wi kan tjari den so fara foe bribi ini Jehovah.