Aksidosoe

● San moesoe doe te wi e poti wan resolutie a fesi na gemeente?

Na skin foe owroeman foe wan gemeente e teki na ini boen foeroe afersi di abi foe doe nanga na gemeente bosroiti. Den brada disi di abi frantwortoe e meki bijbel gronprakseri nanga rai noso richtlijn foe a Genootschap tjari den na ini na teki foe bosroiti. Ma bepaalde bosroiti de pe na gemeente abi wan sten na ini èn di e aksi foe wan resolutie. Foe den bosroiti disi joe abi foe eksempre afersi foe a kisi foe wan moro betre komakandrapresi, a bai foe gron noso oso èn so moro fara, na verbow noso bow foe wan kownoekondrekomakandrapresi, a seni foe kownoekondre bijdrage gi na Genootschap, nanga so moro fara. Resolutie no de fanowdoe foe den kisi normaal onkostoe foe ala moen, ma ala bigi noso aparti kostoe nanga jepi foe wan resolutie a moe tjari kon na fesi na gemeente foe na gemeente feni en boen.

Fa den resolutie e meki èn e tjari na fesi foe na gemeente. Na skin foe owroeman e taki finfini foe na afersi, èn den e loekoe nanga sortoe sani den belang foe na gemeente èn na kownoekondre wroko dini moro boen. Baka di den agri nanga makandra, dan wan owroeman, kande wan memre foe na dienstkomité foe na gemeente, e meki a tapoe papira wan resolutie pe tanapoe krin na ini san den owroeman wani foe doe. Na a ten foe wan dienstkomakandra den tori di abi foe doe nanga na sani nanga na resolutie, di o poti na fesi foe na gemeente den sa taki. Na owroeman di e taki foe na afersi sa gi den memre foe na gemeente na okasi foe poti aksi efoe wan sani no de krin. Efoe a e go foe wan toemsi prenspari afersi, dan den owroeman kan gi na gemeente wan wiki ofoe so na ten foe go denki foe a tori bifo den stem. Efoe na gemeente wani teki na resolutie sondro foe taki foe en moro fara, dan a fesiman sa aksi nanga jepi foe na opo foe anoe foe sori soema tanapoe na baka na resolutie èn bakadati soema de kontrari en. Efoe na moro bigi pisi den prékiman di dopoe èn gi densrefi abra e agri nanga na resolutie, dan den owroeman kan handri na resolutie leki den agri nanga en.

Boiti geval pe wettelek voorschriften taki sani moesoe de tra fasi dan ala dopoe prékiman di gi densrefi abra abi pasi foe stem foe afersi di e tjari kon na fesi na ini wan resolutie.

Te afersi e loekoe di abi foe doe nanga korporatie, stichting, a leni foe moni gi kownoekondre komakandrapresi, nanga so moro fara, dan a kan de fanowdoe foe waka baka officiële procedure foe handri precies akroederi den wettelek vereisten nanga den statuut foe na rechtspersoon. Foe eksempre, a de sontron fanowdoe foe kari na nen foe na brada di e gi na voorstel foe na resolutie foe teki en èn na nen foe na brada di tanapoe na baka na voorstel, èn boiti dati omeni sma e feni en boen èn omeni no e feni en boen. Efoe sowan wettelek procedure no de fanowdoe, dan a nofo foe aksi na gemeente foe stem baka di den taki foe na afersi. Na ini ala geval dan den frantwortoe owroeman moe poti den nen na ondro resolutie di skrifi na tapoe papira èn wan datum moesoe de a tapoe fosi den poti en go na ini na gemeente archief.