Joe de wan jongoe kotoigi gi Jehovah?
1 Efoe wan sma ben sa aksi joe, na aksi dati, joe ben sa piki nanga ja? Foe san-ede? Foe di joe papa nanga mama de Jehovah Kotoigi èn e studeri nanga joe? Kande den e teki joe go na komakandra èn joe e go nanga den na ini velddienst. Ofoe a kan dati foeroe foe joe mati nanga sabiman de Jehovah Kotoigi. Ma fa a de nanga joe persoonlek? Joe de wan kotoigi gi Jehovah? — Jesaja 43:10-12.
STUDIE
2 Foe de wan kotoigi foe Jehovah, dan wi moe kisi sabi foe Jehovah, en prakseri èn wet gi wi. Joe ben poti ten na wan sé gi persoonlek studie? Joe e studeer alaten, net soleki joe e poti ten na wan sé foe njan? (Joh. 17:3) Joe e poti prakseri te joe e lési na bijbel nanga tra theocratis boekoe, tapoe bodoi di e ferteri joe moro foe Jehovah, en fasi foe denki, en prakseri, sodati joe kan ferklari den sani disi krin gi tra sma èn de a sofasi troetroe wan kotoigi gi Jehovah? A kande heri boen dati joe e doe disi, te joe e lési boekoe foe na Genootschap di no so langa psa kaba kon na doro èn te joe e lési owroe boekoe foe na Genootschap.
3 Joe e proeberi foe hori a srefi tempo nanga na ala wiki schema foe bijbel lésiprogramma? Joe e sreka joesrefi a fesi tapoe den komakandra? Joe e strepi den piki tapoe den aksi foe na Wachttoren-studie èn na gemeente boekoestudie? Joe e gi kommentaar na a ten foe komakandra? Na ini joe égi wortoe? Efoe dati de so, dan joe de wan sma foe den prijse (Hebrewsma 10:23-25). A de krin dati joe e span joesrefi tranga foe de na ini joe jongoe jari wan troetroe kotoigi foe Jehovah.
DIENST
4 Foe de wan kotoigi gi Jehovah, dan a no de foe taki dati wi moe taki foe en. Joe e teki alaten prati na a velddienst. Foeroe jongoesma gi na ini disi wan toemsi moi eksempre. Joe e poti na prakseri foe na ososma na tapoe wan artikel di joe e denki dati a sa abi na belangstelling foe en te joe e pristeri tijdschrift oso foe oso? Heri boen, efoe joe e doe dati. Na a pristeri foe a moen joe e tjari na tori foe takmakandra kon na fesi, èn joe e lési den tekst di fiti gi na ososma? Joe e aksi fa a e prakseri foe den punt di joe taki foe en? Joe e poti krakti te joe e pristeri boekoe tapoe aparti bodoi di soleki joe denki sa abi na belangstelling foe na ososma? Kande den disi a kontren pe joe moe go na fesi. Efoe dati de so, span joesrefi dan èn aksi Jehovah na ini begi foe jepi joe èn blesi joe, net soleki a de doe disi na foeroe tra jongoe prékiman di de kotoigi gi Jehovah di e meki froktoe. — Kol. 1:9, 10.
GI JOESREFI ABRA
5 Foe kan prisiri Jehovah, a de fanowdoe dati te foe kaba wi gi wi libi abra èn dan soleki Jezus ben komanderi, teki dopoe na ini watra (Matt. 28:19, 20). Efoe joe e doe positief stap foe no wawan leri foe sabi a wani foe Jehovah, ma foe doe dati toe, dan joe kan de séker dati a sa jepi joe foe en kisi biginen foe di joe tron wan faja, getrow jongoe kotoigi. — Hebr. 6:10-12.