Pristeri a boen njoensoe — Na ini a ten foe wi fakansi
1 Joe e teki fakansi a jari disi? Efoe dati de so, san de den plan foe joe? Foeroe sma e gebroiki a ten foe den foe doe pikin wroko ini èn lontoe a oso. Tra sma e go fisiti mati nanga famirman. A no de foe taki dati wi e go fisiti na „Kownoekondregro”-districtcongres ofoe wi de druk bezig foe meki den laatste sreka foe go drape. Na fakansi ten kan de ooktoe wan okasi foe kan abi wan moro boen prati na a kownoekondre prékiwroko. — Mark. 6:30-34.
MORO VELDDIENST
2 Na ten foe wi fakansi wi abi gewoonlek moro fri foe gebroiki wi ten soleki wi wani, a no so? Kande wi ben sa kan abi wan moro boen prati na a prékiwroko foe na boen njoensoe. Joe e broko joe ede nanga tra sma èn joe wani doe nanga ala prisiri wan sani na dati. Na fakansi ben sa kan gi joe na okasi foe dati (Mark. 1:40, 41). Joe abi sma di no ben de na oso, di joe moe go fisiti den? Joe abi wan lijst foe sma di abi belangstelling èn di a laatste ten no ben kisi fisiti moro? Na fakansi ten sa gi joe na okasi foe tjari ekstra gobaka èn kande opo wan studi? Joe e meki wan plan foe de jepi pionier na ini joe fakansi? Efoe dati de so, joe e kari tra prékiman foe wroko nanga joe? Ala den sani disi na okasi foe sori a broko-ede foe wi gi tra sma èn foe abi wan moro boen prati na a velddienst.
OKASI PRÉKI
3 Efoe wi go nanga fakansi èn e reis noso e ontspan wi, dan nofotron moi okasi e kon foe okasipréki. Joe e meki gebroiki foe den fasi disi? Noso disi na wan tak foe dienst di joe wani abi wan moro boen prati na ini a jari disi? (Joh. 4:7-9, 23) Den sma di ben si winimarki nanga okasi préki, e taki dati a e jepi efoe joe abi switifasi èn opregti belangstelling gi na sma di joe e taki nanga en. Ooktoe te joe o denki a fesi san joe wani taki, joe sa kisi jepi foe firi joesrefi switi èn nanga dati taki moro boen nanga tra sma.
4 Foeroe brada nanga sisa, te den e go a reis, e teki fesi foe bigin wan takmakandra nanga tra sma. Na ini a ten foe na takmakandra den e aksi: „Joe lobi lési?” Efoe a piki de positief, den e taki: „Na ini a tijdschrift disi mi ben lési wan kefarlek moi sani. [Meki den si na tori èn gi kommentaar di fiti.] Mi lési en kaba èn efoe joe wani lési en, joe mag abi en foe mi.” Na a fasi disi den pristeri owroe nomroe foe den tijdschrift. Son sma e firi foe gi wan bijdrage foe den nomroe efoe den e pristeri den na tapoe sowan fasi. Den sma di no wani teki na tijdschrift, foeroetron sa wani foe teki wan traktaat foe joe.
5 Son sma ben feni en wan boen sani te den e gi okasi préki foe taki dati den Jehovah Kotoigi èn e aksi: „San joe e feni foe a bijbel nanga den leri foe en?” Disi nofotron ben opo a pasi gi wan moi takmakandra. Efoe alaten joe abi wantoe traktaat, wan tijdschrift noso na pristeri foe a tijdschrift, dan kande joe e feni foeroe okasi foe pristeri den na tra sma.
GI KOTOIGI NA FAMIRMAN
6 Den famirman foe wi di no e bribi gewoonlek, sabi dati wi de kotoigi foe Jehovah. A ben sa kan de dati den gridi foe aksi foe na bribi foe wi noso san wi e doe, ma den e draidrai foe di den no wani dati wi „préki” gi den noso dati den kon ini wan langa takmakandra. Son brada nanga sisa na wan boen fasi ben handri na afersi disi foe di somaar so den taki foe na waarheid èn dan gi na famirman na okasi foe taki efoe a wani dati. Foe eksempre joe ben kan ferteri dati joe osofamiri e fisiti a jari disi a congres, noso ben fisiti a congres. Joe ben sa kan meki den si wan foe den boekoe foe na Genootschap. Noso wan sani di taki foe den toestand ini na grontapoe, den hé kostoe foe den sorgoe foe tan na libi noso wan problema foe na osofamiri kan opo na pasi foe taki moro fara foe Gado kownoekondre. Famirman nofotron e opo jesi foe jere jongoesma.
7 Aladi wi abi faja na ini na pristeri foe na boen njoensoe èn e proberi foe taki wan wortoe na tapoe na joisti ten, tokoe wi moe taki nanga tra sma alaten nanga a krakti foe si sani na wan joisti fasi èn nanga takt. Hori na ini prakseri o prenspari a de foe sori switifasi èn foe sori opregti belangstelling gi na tra sma. — Odo 15:23; 1 Petr. 3:15.
8 A ten foe fakansi e kon es’esi èn e psa baka. Gi na pipel foe Jehovah den moro diri memre de gewoonlek den moi ondrofenitori di wan sma e kisi foe di a gi ten na a préki foe na kownoekondre. Teki fesi foe taki nanga tra sma foe wi lobi-ati Gado èn en kownoekondre tiri. Loekoe na ini disi na Jehovah foe blesi joe moeiti.