Wan ten foe „prisiri èn foe doe boen”
1 Den wortoe foe Salomo ini Prékiman 3:12 de wan pisi foe den kommentaar di skrifi nanga jepi foe santa jeje èn di e go foe wan „ten gi ibri afersi na ondro hemel” (Prék. 3:1). A e sori taki wi Mekiman wani taki wi wroko tranga èn njan boen dorodoro foe den bakapisi foe den moeiti foe wi. Ma na ini na grontapoe foe tide pe foeroe sma e law gi ontspanning nanga soekoe foe prisiri, a de wan sani pe na libi foe kristen de na ini taki den loekoe boen foe no go na ini na sortoe foe prisiri di na jeje foe na grontapoe e meki go na fesi. Balansfasi nanga redelekheid de fanowdoe efoe wi wani moksi wi theocratis activiteit nanga gesontoe momenti foe ontspanning nanga prisiri momenti. Fa wi kan doe disi ini den moen di e kon?
2 Gi foeroe sma na fakansi ten e doro. Spesroetoe na ini a waran klimaat foe wi nanga ala prisiri wi wani foe de na dorosé èn dan wi e hari gwe foe go swen ofoe waka ini boesi. Foeroe difrenti gesontoe wroko de pe wi kan njan boen foe den ma wi moe loekoe boen. Wi no moe gi pasi dati wi schema foe go na komakandra nanga wi velddienst poti na wan sé srefi no foe wan pisi ten. Sondro theocratis activiteit wi no kan de troetroe kolokoe (Matt. 5:3). Na ini den moen di e kon wi wani njan boen ooktoe foe den okasi foe kisi ekstra dienstgrani pe na ini na tra pisi foe na jari kande wi no sa abi na mogelekheid. Foeroe sma ben kon si taki na jepi pionierdienst e sorgoe na ini den jeje fanowdoe èn na ini den fanowdoe ontspanning.
3 Heri osofamiri ben ondrofeni prisiri foe di den gebroiki okasi foe meki na dienst foe den gi Jehovah kon more bigi. Wan osofamiri foe négi sma ben psa na fakansi foe den ini wan pikin foto di wawantron nomo ben kisi kotoigi. Wan pisi foe na dé den ben gi na a prékiwroko èn wan pisi na a wan ofoe tra vorm foe ontspanning. Na kommentaar foe den ben de: „A ben de na moro switi fakansi di wi oiti ben abi!” Joe ben kan seti en so dati na ini den moen disi joe kan go awinsi wantron na ini na jepi pionierdienst? Jongoewan di abi fakansi foe skoro ben sa kan poti kande a marki disi foe wan ofoe moro moen. Papa nanga mama, foe san-ede oenoe no ben kan go nanga den na ini na toemsi moi santa dienst disi.
4 A jari disi no ben sa boen dorodoro sondro dati wi ben sa de na tapoe na „Kownoekondre-gro”-districtcongres, èn foe dat’ede meki foeroe sma e seti en so taki den fakansi ten e fadon makandra nanga na jeje sani disi. Ooktoe na ini disi wan gesontoe si foe sani de fanowdoe. Wi no moe gebroiki ten na ontspanning ofoe tra activiteit na so wan fasi dati srefi wan pisi foe na congres wi lasi. Wi wani njan boen foe den fo dé doro-doro, foe di disi de wan hémarki na jejefasi foe na jari. A sa de wan sani di e pai srefsrefi foe teki prati na a velddienst baka te na programma kaba na tapoe fréda.
5 Famiri na ini na waarheid ben gi wan kari foe kon na den oso na ini joe fakansi? Dati kan de wan boenfasi foe ontspanning èn foe prati difrenti ondrofeni-tori nanga makandra. Gi tra sma na fakansi kan de wan fisiti na famirman di no de ini bribi. Foe san-ede, efoe joe omstandigheid e gi joe pasi, joe no sa prati na howpoe foe wi di de na ini na bijbel nanga den? Efoe wi de nanga fakansi na dorosé foe wi tanpresi, dan efoe a kan meki wi fisiti den komakandra foe na gemeente foe na presi. Spesroetoe a de wan sani di e gi dek’ati foe kon makandra nanga den na ini na velddienst.
6 Foeroe sani de séker foe kan loekoe na ini den moen di e kon. Prakseri pikinso ’foe soekoe fosi na kownoekondre’ (Matt. 6:33). Efoe wi e go doro „foe prisiri èn doe boen” dan Jehovah sa kisi moro prijse èn disi wani taki ooktoe wan bigi paiman gi wi. — Psalm 34:1; Prékiman 3:12, 13.