„Doe boen na ala sma”
1 Na apostel Paulus ben skrifi: „Soboen solanga na ten de boen gi wi ete, meki wi foe dat’ede doe boen na ala sma, ma spesroetoe na den di de nanga wi na ini a srefi bribi” (Gal. 6:10). Joe no e agri dati na ten de now boen foe doe kownoekondre dienst fajafaja? Den mogelekheid foe gro moro séker e kon na fesi na ini na nomroe foe sma di ben de na tapoe na Memrefesa ini joe gemeente no so langa psa kaba. — Jes. 60:22; Mark. 13:10.
2 Ma san de now spesroetoe na wroko di e meki wi ’doe boen na ala sma’? Oten èn gi soema wi moe doe na wroko dati gi? Fa wi kan prisiri èn doe boen na ala sma?
WAN BOEN WROKO
3 Foe sensi na fosi bigin foe en libi na ini hemel na Manpikin foe Gado, na meesterwrokoman foe gi wi na eksempre foe wroko tranga foe na boen foe tra sma. A ben abi ala ten prisiri na ini na doe foe na wani foe Gado (Odo 8:22-31; Ps. 40:8). A ben abi bigi warderi gi na prékiwroko di a ben meki wan bigin nanga en na ini a ten foe en grontapoe diniwroko (Joh. 4:34). Ooktoe gi wi na wroko disi de warti srefsrefi na moeiti. — Joh. 14:12.
4 Foeroe foe na boen wroko moe doe ete (Matt. 9:37, 38; 10:11-13; 28:19, 20). Miljoenmiljoen sma abi jepi fanowdoe foe ferstan na wortoe foe Gado èn foe doe en wani. Meki foe dat’ede wi span wisrefi krakti ini na diniwroko disi foe na boen foe ala sma èn foe prisiri foe di wi abi na grani foe abi wan prati na ini.
5 Na boekoepristeri gi juli nanga augustus de na boekoe Na libi disi de ala sani san de? makandra nanga ete wan pocketboekoe foe Sf 1,50. Gi foeroe sma na prakseri foe wan grontapoe fri foe siki nanga dede de wan freemde sani. Na go na hemel ofoe hel foe sensi den jongoe jari ben poti go ini den ede. Fa a de wan grani gi wi foe jepi sma foe si dati wan lobi Mekiman e broko-ede nanga den. (Loekoe kapitel 16 ini na Disi de na libi ala san de?).
6 Na laatste ten joe ben go prakseri pikinso foe joe schema foe na velddienst? Joe e gebroiki dorodoro joe mogelekheid foe abi wan prati na a prenspari wroko di Jehovah ben gi joe foe doe? (Ef. 5:15-17) Sondro degedege a sa de so dati moro foeroe foe wi sa moe wegi go wegi kon foe kan abi wan prati a moen disi ala wiki na a velddienst. Joe e si na ini wan sjatoe ten na joe fesi kans foe go na ini na jepi pionierdienst? Wi alamala moe teki en tranga na ati san wi alamala aparti èn na ini na osofamiri e doe foe gebroiki na boen ten di wi abi now gi na prékiwroko, foe doe boen na ala sma èn foe prisiri na ini na dienst foe Jehovah.
JEPI TRAWAN
7 Soleki na apostel ben taki, dan wi wani doe boen na ala sma, „ma spesroetoe na den di de nanga wi na ini na srefi bribi.” Joe sabi wan sma di joe kan gi tranga, wan sma di pas kisi belangstelling kande, wan prékiman ofoe wan sma di de inactief.
8 Foeroe sma di kisi pas belangstelling ben de na ini april na a Memrefesa. Den sma na ini joe gemeente ben de na a fesa disi sa abi jepi fanowdoe. Joe ben tan jepi den foe go a fesi na ini na waarheid, kande foe di joe ben abi wan geregelde oso-bijbelstudie nanga den? — Johannes 21:15-17.
9 Joe sabi wan sma di no so langa psa kaba tron wan kownoekondreprékiman èn di abi dek’ati nanga jepi fanowdoe? Alasma na ondro wi di kan memre ete fa wi ben bigin nanga prékiwroko èn fa den ben gi wi jepi, moesoe man foe go prakseri foeroe fasi foe kan jepi njoen prékiman foe kan de tranga na ini na waarheid. — Rom. 15:1, 2.
10 Kande wantoe inactief sma di ben de nanga wi fosten ben de na tapoe na Memrefesa. Kande den de so fara foe doe moro foe kon de actief baka nanga na gemeente. Den owroeman séker sa warderi en te joe e pristeri joesrefi foe jepi wantoe di abi jepi fanowdoe.
11 Ija, meki wi tan de actief na ini a préki foe na boen njoensoe foe na kownoekondre, aladi wi e denki na a prisiri èn na a doe foe boen, sondro foe loekoe psa nanga dati den fanowdoe foe den di de nanga wi na ini na srefi bribi. — Fil. 2:1-4.