Aksiboksoe

● Fa wi kan poti prakseri na a veiligheid foe na kownoekondrezaal?

Nanga den hebi ten foe now na ini prakseri wi moe gebroiki wan gesontoe kroetoe na na sé foe na kownoekondrezaal foe a de veilig. Net soleki wi e sreka sani a fesi foe ogri no miti wi oso èn dati den de kibrikibri, wi moe doe nanga den kownoekondrezaal toe. A de na frantwortoe foe den owroeman foe sorgoe taki ibri kownoekondrezaal sani seti boen, sodati ogri no miti en. A fanowdoe foe doe disi e kon krin na fesi ini den njoensoe di e kon ibri tron moro foeroe foe difrenti presi foe na ogri-doe nanga foefoeroe di e feni presi na den zaal.

Wan fosi sani di de fanowdoe ini na belang foe ogri no miti en de dati ala doro, trarkidoro nanga fensre baka ibri gebroiki foe na zaal e sroto heri boen. Frantwortoe, betrouwbaar brada ibritron te na zaal ben gebroiki moesoe doe den frantwortoe wroko foe na sroto foe na zaal. Disi de so toe gi ibri tra okasi foe san a zaal e gebroiki boiti den alaten komakandra foe gemeente, soleki wan trow noso na krin foe na zaal.

Efoe wan presi de foe poti oto di de foe na Kownoekondrezaal, dan wi kan gi oen na rai foe sorgoe foe wan boen verlichting foe faja skijn na a reti ten. Disi sa meki na ogridoe na oto èn na tjans foe kisi mankeri noso risico gi den brada nanga sisa di e komoto foe na zaal kon moro mendri. Son gemeente ben feni en wan boen sani foe ibri tron wan tra brada e hori wakti na dorosé foe na zaal sodati den kan iti wan ai na tapoe den oto di parkeer te na komakandra e hori, foe kan meki foefoeroe nanga ogridoe no psa.

Son gemeente e feni en fanowdoe foe sroto den doro te komakandra e hori. Na den wéniki geval pe disi de fanowdoe, dan alaten betrowbare zaalwaktiman moesoe de na den doro foe si soema e kon na inisé na zaal. Na skin foe owroeman moesoe bepaal sortoe maatregel fiti èn e kroederi nanga den wet foe a presi abra publiki komakandrapresi. Efoe den o poti so wan maatregel, dan na gemeente moesoe kisi foe jere disi a fesi, sodati den sma sabi disi taki na doro foe kon na inisé foe na Kownoekondrezaal o tan srotosroto.

Wi wani taki den brada nanga sisa nanga den sma di abi belangstelling no so langa ete firi densrefi dati den de veilig foe ogri no miti den efoe den e fisiti den komakandra ini den kownoekondrezaal èn dati den sani foe den e feni kibri tége ogridoe nanga foefoeroe. Foe dat’ede den owroeman foe ibri gemeente moesoe loekoe foe dat’ede den omstandigheden foe na presi èn bakadati den moe handri kroederi nanga den foe den kan kibri den eigendom foe ogri no miti den èn foe jepi meki den sma di e fisiti den komakandra noti no miti den.