Kisi ala winimarki foe na Theokratisskoro
1 Na a ten disi dan ala sma ben sa kisi, kaba na schema foe na theokratis diniwroko-skoro foe na jari disi. A ben sa de boen efoe ibriwan sma ben sa lesi na bigin materiaal heri boen èn ooktoe ben sa arki boen te den e taki foe en na tapoe na dienstkomakandra.
2 Soleki na schema disi e taki dan wi sa lési den bijbelboekoe Kroetoeman, Ruth, 1 èn 2 Samuël, 1 èn 2 Kownoe nanga 1 Kronieken. Ini den ten disi na skoro sa gi wi instruktielezing foe ibriwan foe den boekoe disi noso tori di abi foe doe nanga den. Foe a wroko disi wi no abi wawan na boekoe „De gehele Schrift is door God geïnspireerd en nuttig” foe wi kan gebroiki, ma ooktoe den pikin pisi foe „Hulp tot begrip van de bijbel” (Jepi foe ferstan na bijbel) di komoto kon a doro te leki now kaba abi heri moi materiaal. Morofara wi e feni bodoi di de wan jepi toe ini artikel foe Na Wachttoren di e komoto froekoe nofo a doro foe dati kan de wan moi jepi te wi e lési wi bijbellésiprogramma. Teki na bosroiti foe gebroiki en heri boen a jari disi te joe e lési a bijbel.
3 Skoro-opziener sa wani foe gi spesroetoe prakseri na den punt di e kon now: Na a fosi presi den moesoe sorgoe taki den de séker taki den punt di e kon na ini na schriftelek overzicht, den e behandel den efoe den sma di abi prati na a programma no e doe dati. Na a di foe toe sani den moesoe gi den leerling fosi rai di e bow den èn di de praktis bifo den tjari moro moi punt kon na fesi di no kon na krin ini na oefenlezing. Na a di foe dri sani den skoro-opziener moesoe loekoe fini tapoe na joisti bepaling foe den ten foe di densrefi no sa psa den marki foe den ten èn nanga di a e gi persoonlek rai na den sma di hori wan instructie-lezing èn e lasi densrefi foe prakseri na en bepaling foe ten.
4 A ben sa de boen foe na fesiman opziener nanga na skoro-opziener wroko makandra te den e meki den komakandraprogramma sodati wan owroeman, efoe a kan, no kisi wan toewijzing tapoe wan neti foe ala toe komakandra. Pe dati kan dan koni dinari ini na diniwroko kan gebroiki foe hori instructielezing èn foe behandel hémarki foe na bijbellésiprogramma.