Pristeri a boen njoensoe — Na wan fasi di e gi wi prisiri
1 Jehovah pipel abi ala réde foe de nanga prisiri. Wi abi wan troetroe howpoe tapoe na ten di de na wi fesi. Soleki Jesaja 65:17, 18 e gi wi na zekerheid, Jehovah e meki „njoen hemel nanga njoen grontapoe” èn a tekst e taki moro fara: „Prisiri troetroe èn bréti foe troe foe san mi e meki. Bika loekoe, mi e meki gi Jeruzalem wan réde foe prisiri èn en pipel wan réde foe bigi brétifasi.”
2 A moro bigi prisiri di wi moe abi moesoe de na heri moi howpoe di wi abi, foe prati en nanga trawan. Joe e kon foe si taki joe e abi prisiri di skotoe te doe de na ini na velddienst? Hori na prakseri taki prisiri na wan froktoe foe na jeje. A kan kweki en kon moro foeroe efoe wi e doe moeiti foe dati. Tranga wroko kan meki wan sani kon foe san joe kan prisiri èn morofara prisiri kan meki wi wroko moro tranga (Prék. 2:10). Opregti moeiti kan kisi den paiman nanga moro bigi sori foe den froktoe foe na geest — 2 Petr. 1:5-8; 1 Kor. 14:12.
3 Na faja di e komoto foe den brada fesi foe di den e doe dienst, e sori krin taki san den e doe, e gi den bigi prisiri? Fa wi kan meki wi prati na ini na prisiri dati kon moro bigi? Wán fasi de foe wi leri fa wi kan feni satisfaksi ini na doe foe na wroko di wi ben kisi foe doe nanga aladi wi e kisi negatief fasi fa sma e taki nanga wi foe na sé foe den gi soema wi e préki. Jeremia ben stotoe tapoe foeroe gens, èn a srefi ben e psa nanga Jezus; den no ben tapoe nanga en. Satan ben sa wani wi las’ati nomonomo nanga na tegoe foe trawan, a mi-no-ke-fasi foe den ofoe gens. Ma, soleki fa Jezus ben leg uit, efoe wi e go doro nanga aladi wi e ondrofeni gens, wi sa feni prisiri nanga kolokoe. — Matt. 5:11, 12; Hebr. 12:2.
4 Na sabi taki na kaba foe na seti foe sani disi de krosbé èn dati wi abi nomo wan sjatoe pisten di tan abra foe wi doe wi wroko, sa jepi wi foe doe san wi kan foe wi kan prati na waarheid nanga trawan (Openb. 12:12, 17). Efoe wi abi troetroe lobi gi Gado èn wi birti, wi sa feni prisiri ini wi dienst foe di wi sabi taki a e plisi Jehovah èn a e jepi trawan foe feni na pasi di e go na libi.
WAN PRESENTI FOE GADO
5 Joe ben sa kan prakseri foe joe dienst leki na wan presenti joe e tjari gi joe birti. Na presenti disi de na mogelekheid foe libi foe tégo. Ma gi den sma di no man foe si na troetroe waarde foe na presenti disi, kande joe ben sa kan meki a hari den prakseri moro boen nanga na fasi fa joe e pristeri en. Sreka joe pristeri boen na fesi sodati a kan gi wan poesoe na a belangstelling? Efoe joe e taki tapoe wan switi manirifasi èn joe e soekoe joe wortoe di e wiki na belangstelling, kande dan wan boen fasi foe prakseri kan kon foe dati, san kan gi joe moro prisiri.
6 Velddienst na wan goedoe di Jehovah ben gi oenoe. A e gi wi na okasi foe sori wi bribi. Wi moe tan wroko na en dati wi koni foe taki nanga overtoigi nanga trawan foe na howpoe foe wi, moesoe kon moro betre. Efoe alaten wi e proberi foe libi na ososma na ini wan switifasi, dan disi kan meki a wani arki moro boen te wan tra kotoigi e kon na en doro, wan sani di e meki wi brada firi prisiri toe.
7 Hori na prakseri taki ibri ososma abi en égi sani foe san a abi belangstelling. Efoe wi e sori persoonlek belangstelling gi en nanga en osofamiri èn wi e meki a si fa na bijbel kan jepi en, nofotron wi sa kisi wan boen fasi foe den sé foe prakseri èn a pasi sa opo foe go tjari wan gobaka. Na prisiri di wi e feni ini den sortoe ondrofeni disi, wi kan prati nanga trawan foe gi dek’ati (Tori. 15:3). Èn na moro prenspari punt de, prakseri na prisiri di wi e tjari kon gi Na sma di ben seni wi! — Luk. 15:7, 8.