Pristeri na bun nyunsu — Nanga prisiri
1 Yesus ben feni furu prisiri na ini en diniwroko. Gi en na du fu en Tata wani ben de nyanyan (Yoh. 4:34). Tapu wan srefi sortu fasi Paulus ben kisi bigi prisiri fu en wroko na ini a diniwroko. San ben de a kibritori dati den ben abi prisiri na ini a diniwroko aladi den ben ondrofeni pina nanga ferfolgu? Fudi den ben du a dienst fu den gi Gado nanga den heri ati. Den ben wroko ini na wroko di Gado ben gi den, na bakapisi ben de prisiri fu a wroko fu den (Yoh. 13:17; Openb. 14:13). Fa yu kan meki, aladi yu e dini Yehovah, yu prisiri kon moro bigi na ini na diniwroko?
PRAKSERI NA INI A YEPI FU SMA
2 Yesus Kristus nanga Paulus ben de tumsi bun leriman. Den ben e feti a baka fu doro na ati fu den sma di ben e arki. Furu sma no ben e teki, ma den sma di ben du dati, ben de wan trutru reide fu prisiri (Fil. 1:1; teki gersi nanga Luk. 15:7). Iya, fu yepi sma fu kon sabi fu Yehovah, èn fu den teki wan sei gi na waarheid, e meki wi koloku. Ini na fosi yarhondro „na bekering fu sma fu den natie”, ben de wan reide fu ’bigi prisiri gi ala brada’. — Tori. 15:3.
3 Ooktu yu kan ondrofeni na prisiri disi efu yu e prati san yu sabi nanga trawan. Yehovah organisatie sorgu na ini tumsi bun wrokosani fu yepi wi te wi e leri tra sma na waarheid. Wi abi fu eksempre na Tori fu takmakandra di wi e feni na ini wi Kownukondredienst. Dan wi abi ooktu na Tak-go-tak-kon-buku, di abi tumsi moi inleiding èn piki tapu prenspari aksi di sma e poti. Te yu de srekasreka gi na diniwroko, go prakseri dan fa yu kan gebroiki den rai fu wi Kownukondredienst nanga a Tak-go-tak-kon-buku fu yepi den sma di e libi ini yu gebied. Wroko tranga na en fu yepi sma fu kon tapu a pasi fu ferlusu, fudi yu e sreka yusrefi bunbun a fesi fu bigin takmakandra nanga den. Disi kan abi leki bakapisi fu kisi bijbelstudi di e tron wan sani èn moro prisiri ini wi dienst. — Yak. 1:25.
WAN POSITIEF FASI
4 Efu yu e dini now leki preikiman ofu leki pionier, hori na marki fu wi diniwroko na ini prakseri (Matt. 24:14; 28:19, 20). Na preiki fu na bun nyunsu leki wan kotoigi de wan wroko fu Gado. A de wan grani, èn wi mu frustan dati san Yehovah e aksi fu en dienstknegti no de wan lai di e wi kwinsi wi (1 Yoh. 5:3). A wani dati en pipel dini en nanga prisiri. Fu dat’ede, srefi aladi son sma kande no e teki a preikiwroko bun, toku yu kan abi furu prisiri ini a diniwroko. Fu san-ede disi de so?
5 Yesus disipel ben feni bigi prisiri na ini a diniwroko fu den èn a ben tyari kon na krin gi den san ben mu de na moro prenspari reide fu prisiri (Luk. 10:17-20). Den sma di de fu na „bigi ipi”, den di abi wan grontapu howpu, abi ooktu ala reide fu prisiri (Openb. 7:9, 10). Efu yu abi now wan hemel ofu wan grontapu howpu, a mu gi yu bigi prisiri fudi yu e du a wani fu Gado, èn fudi ’a wroko fu yu no de fu soso ini a tori fu Masra’ (1 Kor. 15:58). Yehovah ’no de onregtvaardiki, sodati a ben sa frigiti yu wroko èn na lobi di yu ben sori gi en nen!’ (Hebr. 6:10). Fu dini Yehovah nanga wi heri sili, de wan fonten fu prisiri gi den sma di lobi en. — Ps. 40:8.
6 Wan kristen mu nyanbun fu en dienst gi Gado. Tan kisi prisiri na ini na diniwroko, èn de seiker dati Yehovah e warderi srefi a moro pikin du fu trutru dini fu en krinkrin. (Teki gersi Markus 12:41-44.) Meki wi alamala ’tan gi glori na wi diniwroko’ èn tan ondrofeni na prisiri di disi e tyari kon nanga en. — Rom. 11:13.