Kon de stanfaste ini bribi
1 Omoro na onveiligheid e kon moro bigi ini a grontapoe disi lontoe wi, a de wan bigi fanowdoe dati wi kon de èn tan stanfaste ini bribi (Jes. 57:20, 21; 1 Joh. 5:4). Foe dat’ede a fiti troetroe taki na kringkomakandraprogramma di o bigin na ini april 1985 sa taki foe na thema „Kon de stanfaste ini bribi”. — Kol. 2:7.
2 A njoen programma disi sa sori tranga gi alasma na fanowdoe foe kon tron stanfaste, lepi kristen. A sa jepi wi foe si now san de troetroe fanowdoe foe hori wi balans leki kristen nanga aladi wi e libi a mindri na grontapoe ma no de wan pisi foe en (Joh. 17:14). Nowan foe wi kan teki na tjans foe misi na krakti, heri moi programma disi. — Matt. 24:45.
3 Meki plan froekoefroekoe foe de drape. Sreka foe na momenti te na dé nanga presi foe joe komakandra de bekenti, joe afersi na sowan fasi dati joe kan de ala toe noso dri dé. Gi joe bijbelstudi dek’ati foe go nanga joe. Ibriwan sma di de tapoe na programma kan de séker taki a sa kisi jeje paiman èn a sa kisi krakti foe „tan stanfaste ini bribi”. — 1 Petr. 5:9.