Pristeri foe na Tégo libi-boekoe ini juli nanga augustus
1 Ini den moen juli nanga augustus wi sa pristeri na boekoe Joe kan libi foe tégo na ini wan paradijs na grontapoe. Sensi na kon na doro foe na heri boen jepisani disi foe bijbelstudie tapoe den „Kownoekondrewaarheid”-congres ini 1982, a ben gi miljoenmiljoen sma na ini na heri grontapoe jeje dek’ati èn howpoe tapoe libi. A boekoe de now ini 57 tongo foe kisi èn wi kan de séker taki moro miljoenmiljoen sma sa kisi nanga jepi foe na lobifasi èn disiten seti disi na okasi foe kisi sabi foe Jehovah regtvaardiki Njoen Seti foe sani. Wi e gi oenoe dek’ati toe foe teki wan boekoe foe Mi boekoe nanga bijbeltori toe ini na veld, sodati joe kan pristeri na boekoe disi te joe e si taki pikinnengre de ini na osofamiri noso tra omstandigheden di e sori taki a de moro praktis foe pristeri a boekoe disi.
2 Wantoe moen pasa kaba wan pikin wan foe na Tégo libi-boekoe ben komoto a doro ini Spanjorotongo. Disi ben doe spesroetoe gi sma di de na ini kondre di no de so goedoe na monisé, foe di na uitgave disi ben kan pristeri foe pikinmoro hafoe fu na prijs.
3 Now wan pikin uitgave de foe kisi toe na ini Bakratongo di wi sa gebroiki na na normale boekoepristeri na ini den moen juli nanga augustus. Den gemeente ben poti den bestelling kaba na a Genootschap foe kisi na uitgave disi èn oenoe abi den boekoe na oso kaba.
DIFRENTI FASI FOE GEBROIKI A BOEKOE
4 Son brada di e gebroiki na pikin boekoe na ini na oso-foe-osodiniwroko, e pristeri en leki fosiwan. Ma den abi kande na normale uitgave nanga den gi sma di kande abi moeiti nanga den ai foe si den pikin letter. Trawan e feni en moro boen foe gebroiki na normale uitgave fosi. Foe di na pikin uitgave e kostoe Sf 3,00 nomo kande joe sa wani foe gi osofamiri na voorstel foe teki difrenti eksemplaar noso, gi osofamiri na prakseri foe teki ekstra eksemplaar foe kan gebroiki den leki kado.
5 A pikin-boekoe feni spesroetoe warderi na prékiman di e feni en pikinso hebi foe tjari moro leki wan foe den bigi boekoe. Na pikin boekoe e fiti na ini wan jassaka noso pikin tas, sodati a kan gebroiki heri boen foe gi okasi préki, leki wan eksempre na tapoe joe wroko noso na skoro. Ooktoe na uitgave disi de moro koemakriki èn moro boenkopoe foe seni gi sma di e libi na wan tra presi. Foe di na Têgo libi-boekoe e gebroiki now tapoe na theocratis diniwrokoskoro, kande son sma e feni en moro koemakriki foe tjari a njoen uitgave disi nanga den te den e go na den gemeente komakandra.
6 Ma awasi joe e gebroiki na kewoon noso pikin uitgave foe na boekoe, de srekasreka a fesi foe pristeri a boekoe Joe kan libi foe têgo iniwan paradijs na grontapoe na ibri wan okasi di joe e kisi. Te now ete Jehovah engel de bezig foe tjari den sma kon na wan di a sa kibri pasa na bigi pina di e kon krosbé. — Openb. 14:6, 7.