Meki oen howpoe bekenti na publiki
1 Jezus de wi model ini na meki bekenti foe wi Kownoekondrehowpoe. A ben taki: „Na publiki mi ben taki gi na grontapoe. Mi ben gi leri alaten iniwan djoe kerki èn ini na tempel, pe ala djoe ben komakandra; èn mi no ben taki noti ini kibripresi” (Joh. 18:20). Fa wi kan waka na en baka.
2 Netleki Jezus na so wi wani gebroiki ala okasi di fiti foe taki nanga sma foe na Kownoekondre èn foe wi howpoe foe a ten di e kon. Paulus ben gi a dek’ati: „Meki wi hori sondro seki tranga na a publiki bekenti foe wi howpoe” (Hebr. 10:23). Wi e doe disi foedi wi wani gi sma bodoi foe na boenfasi foe Jehovah di gi wi a howpoe disi. Wi e doe disi ooktoe foedi wi wani dati sma kisi jepi. — Rom. 10:13, 14.
3 Na moen april e tjari oenoe kon ini a ten foe na Memrefesa foe 1987, wan ten foe ekstra theokratis activiteit, gi ala kotoigi foe Jehovah. Foeroe sma sa de na ini na jepi-pionierdienst. Ini wi geregelde publiki diniwroko wi sa pristeri na Tego libi-boekoe èn opo osobijbelstudi.
FA NA TEGO LIBI-BOEKOE E WROKO TAPOE SMA
4 Na Tego libi-boekoe de wan foe den toemsi moi boekoe di wi ben abi oiti foe jepi sma foe froestan a bijbel. A e jepi wi foe meki tapoe wan boenfasi wi howpoe bekenti èn wi moe gebroiki en nanga faja na ini april. Te so fara dan 30 miljoen eksemplaar ben druk ini 71 tongo. Omeni wi sa libi a baka na sma di abi belangstelling? Kande wi sa kisi jepi efoe wi meki finifini wan lijst foe okasi foe prati den toemsi moi publikatie disi.
5 Wi sa pristeri na Tego libi-boekoe moro foeroe ini na oso-foe-oso wroko. Ini na moen joe kan poti moro ten a wan sé foe teki prati na wroko disi? Dati sani kan waka boen gi wi na ini a prati foe na Tego libi-boekoe ken anga moro foeroe foe na doeltreffendheid nanga san wi gebroiki na Tori foe takmakandra di wi e gebroiki a moen disi èn tjari na thema disi kon moksi nanga na boekoe. Wan sani de ini na pistori disi di wi kan doe foe go na fesi? Son sma sa man foe oefen pristeri nanga na osofamiri. San den sma di e lèi den velddienstkomakandra kan doe foe gi jepi? Romeini 12:8 e gi den na dek’ati „foe teki fesi na ini ala serjoesoe fasi”.
6 Ini sortoe omstandigheden wi kan prati na Tego libi-boekoe? Wan chauffeur foe wan oto di e tjari lai ben pristeri sma di a ben miti tapoe en reis a boekoe. Na pristeri foe en ben de eenvoudig. A ben meki den sma si a boekoe èn ben ferteri dati foeroe moi sani a ben leri foe en èn nanga dati en libi troetroe ben kenki. Ini dri moen ten a ben prati nanga jepi foe na methode disi foe gebroiki okasi 200 Tego libi-boekoe. Wan brada di e wroko tapoe wan opolangi-gron ben prati 120 boekoe foedi a ben poti wan eksemplaar opo-opo na wan prenki tapoe bladzijde 12 èn 13 tapoe en tafra. Sma di ben e si en ben aksi en wan eksemplaar. Fa joe kan gebroiki na Tego libi-boekoe te joe de na wrokope, na skoro, na reis ofoe wan tra presi foe meki na howpoe di joe abi bekenti na publiki?
BIJBELSTUDI INI NA TEGO LIBI-BOEKOE
7 Wan prékiman di opo dri osobijbelstudi foedi a gobaka na a adres pe a ben prati wan Tego libi-boekoe, ben skrifi a Genootschap: „Mi no kan taki oen tangi nofo dati oenoe ben meki en so makriki gi oenoe foe lèi bijbelstudi, èn no dati wawan; wi kan behandel now toe ibri sani di na studenti abi fanowdoe foe kisi wan ipi warderi di e tan gi Jehovah nanga en organisatie”. A de wan sani di e gi dek’ati foe si dati wi bijbelstudi kon moro foeroe foe sensi 1982, a jari na ini san wi ben kisi na Tego libi-boekoe.
8 Meki ibriwan foe wi soboen begi efoe Jehovah mag jepi wi foe gebroiki ibri okasi di fiti foe meki wi howpoe bekenti na publiki. Soekoe fasi tapoe san joe kon gebroiki na Tego libi-boekoe foe jepi tra sma foe doe stap sodati makandra nanga wi den kan abi wan prati ini na prijse foe wi Gado na publiki. Jehovah sa blesi wi moeiti.