Meki den Kownoekondre-afersi go na fesi nanga wan geest foe offer joe srefi
1 Wi e libi ini wan grontapoe pe na geest foe offer sma égi afersi pikinmoro gwe krinkrin. Ini a ten disi foeroe sma pikinmoro no e prakseri srefsrefi foe jepi trawan. Wan gridi, „mi-fosi”-fasi de, san gersi leki a de alape. Di Paulus ben taki foe a ten foe wi, a ben taki: „Den sma sa de prakseri soso densrefi, gridi . . . sondro tangi” (2 Tim. 3:2, TEV). Efoe kristensma wani tan hori na boen-ati foe Jehovah, den moesoe kakafoetoe gi na godelowsoe geest foe na grontapoe. Foe san-ede disi de so èn na sortoe fasi wi kan de sma e offer wi srefi nanga na marki foe meki den kownoekondre-afersi go na fesi?
FOE SAN EDE WI MOE OFFER WISREFI
2 Ala boen san e komoto foe Jehovah (Jak. 1:17). Ala sani san wi abi de foe en. Na firi taki wi de na ini paiman na Gado, moesoe poti wi foe poti ten a wan sé, talenti, goedoe, ija srefi wi libi wi moesoe offer gi en dienst. (Teki gersi 1 Korinte 4:7.) Na tapoe ala kontren wi moesoe gi en wisrefi na sowan fasi. — Openb. 4:11.
3 Jezus Kristus de na volmaakti eksempre foe wan sma di ben e offer ensrefi op. Dati a ben e poti en égi persoonlek afersi na wan sé foe kan doe a wani foe Gado, ben e tjari kon na krin wan troetroe lostoe foe plisi en Tata (Joh. 5:30). Ooktoe na apostel Paulus ben si na waarde foe offer joesrefi èn a ben gi en brada ini Rome dek’ati ’foe pristeri den skin gi Gado leki wan libilibi srakti-ofrandi’. — Rom. 12:1.
FASI FA OFRANDI KAN TJARI
4 Gado dienstknegti ini a ten disi no de moro mendri so foe offer densrefi. Heri ipi foe den brada nanga sisa foe wi ben libi den oso èn ben libi den goedoe foe kan go ini na foeroetendienst. Trawan agen, nanga aladi den no de ini na foeroetendienst nanga wan prisiri ati den ben gi den ten, moni nanga krakti foe jepi bow presi foe anbegi di fiti. Ija, foe di man, oema nanga pikinnengre di e gi densrefi na wan frifasi foe jepi, soso wanwan enkri tron so a ben de fanowdoe foe te Kownoekondrekomakandra presi nanga congreshal e bow foe teki wrokoman in dienst. Den e teki den sortoe friwaniwroko disi leki wan bijdrage foe tranga den kownoekondre-afersi, net soleki den e prakseri foe den velddienst. Den e warderi den jeje blesi di no de foe marki di den nanga tra sma sa kisi foe na gebroiki foe den sortoe oso dati èn den e gebroiki Jezus gronprakseri di a ben taki: „Joe ben kisi foe soso, gi foe soso.” — Matt. 10:8.
5 Fa a de nanga wi? Wi abi na geest foe offer wisrefi? Wi e dini Jehovah foe sofara wi omstandigheden e gi pasi foe doe disi? Wi no kan meki na geest foe na grontapoe disi basi wi prakseri. Wi kan gi moro ten na wi persoonlek bijbelstudie? Wi kande kan asisteri den sikiwan, owroeman ofoe trawan na ini a doe foe kristen wroko foe switifasi nanga lobi? Wi kan poti moro ten a wan sé tapoe wi schema foe meki sma ini wi birti kon sabi moro foe na boen njoensoe? Wi kan meki wi diniwroko kon moro foeroe te miti na jepi- ofoe gewon pionierdienst? Kande wan ondrosoekoe foe wisrefi sa tjari kon a krin pe wi kan tjari kenki kon. — Hebr. 13:15, 16.
6 Omoro na ten foe na kaba foe na seti foe sani disi e kon krosbé, wan moro bigi fanowdoe foe meki wi friwanifasi kon moro foeroe foe wi kan tjari ofrandi gi Gado tapoe wan fasi di en e feni boen. Satan sabi dati en ten e kon dé foe dé moro sjatoe. A no ben sa wani foe doe noti moro leki meki Jehovah pipel go waka na gridi pasi foe na grontapoe disi. Meki a de so taki wi kakafoetoe gi den didibri bedoeling dati èn kweki na geest foe na psalmsingiman di a ben taki: „Nanga friwanifasi mi wani tjari ofrandi gi joe. Mi sa grani joe nen, o Jehovah, bikasi a de boen.” — Ps. 54:6.