Pristeri na boen njoensoe — Nanga na Tak-go-tak-kon-boekoe
1 Ibriwan foe wi wani so te ’foe gebroiki na wortoe foe waarheid joisti’ (2 Tim. 2:15). A wortoe dati de „na fet’owroe foe na jeje”, èn na ini den anoe foe Jehovah pipel a de wan toemsi moi wrokosani foe trowe a gron krakti tak-go-tak-kon di de hémemrewan (Efese 6:17; 1 Kor. 10:4, 5). Fa na Tak-go-tak-kon-boekoe de wan warti wrokosani na ni den moeiti foe wi foe jepi sma.
2 Wi abi foeroe okasi foe gebroiki den praktisch rai foe na Tak-go-tak-kon-boekoe no wawan taki joe abi moifasi foe bigin wan takmakandra di de a tapoe bladzijde 9-15, ma tapoe den tra bladzijde ooktoe moi rai de foe jepi opregti sma foe piki aksi èn foe kan piki den na wan boenfasi ini den proeberi foe tapoe wan takmakandra. Sortoe wan foe den ben sori taki a de boen gi joe foe bigin wan takmakandra foe a ten di e kon?
3 Den tijdschrift di wi e gebroiki now foe na apocalyps, kande e meki aksi kon na a ososma. Efoe a situwasi boen foe dati, dan joe kan go doro kande nanga wan takmakandra foe di joe e gebroiki foe a Tak-go-tak-kon-boekoe punt, di joe e feni na ondro „Armageddon”, „Rigeri”, „Kownoekondre” ofoe „Lasti dé”. Ofoe efoe wan sma e taki: „A sa de moro langa leki a ten foe mi”, joe kan naki bladzijde 250 opo, pe tanapoe: „Tokoe a moe kon wan dé? . . . Wan sma ben sa kan sabi oiti dati a ben sa kon na ini en geslagti? Jezus apostel ben wani sabi dati so te èn a piki di a ben gi den, wani taki foeroe gi wi ini a ten disi” (Luk. 21:29-32). Ofoe kande joe wani meki gebroiki foe den bodoi a tapoe bladzijde 262 nanga 263. Den sjatoe wortoe di joe e taki di e gi satisfaksi kan grati kande a pasi gi wan gobaka. Fa wi abi wan maksin foe bodoi foe gebroiki!
4 Son sma kande e meki kon a fesi dati den e degedege ofoe Gado o doe wan sani foe tjari wan kenki kon. Wi ben sa km tak-go-tak-kon nanga den foe di wi e gebroiki punt na ondro „Goddelowsoefasi” tapoe bladzijde 182 nanga 183. Poti moro fara prakseri na tapoe na artikel „Na apocalyps” — Oten? ini Na Wachttoren foe 15 februari (pe e sori taki foe na geslagti foe 1914 sma de na libi now ete di sa si na apocalyps di ben taki a fesi) ofoe den laatste paragraaf foe na artikel dati ondro na ede „Na apocalyps — wan sani di e waka a fesi foe doro a paradijs”.
5 Den sma di e gebroiki na Tak-go-tak-kon-boekoe e kisi boen ondrofeni. Wan brada ben taki nanga wan sma di ben psa di a ben e doe stratiwroko. A man ben bigin aksi sani, èn sonwan foe den aksi ben de foe bigin wan trobi takmakandra. Bakadi a ben piki wan toe aksi foe na man, a brada ben bosroiti foe gebroiki a Tak-go-tak-kon-boekoe. A ben lési eenvoudig wan sani foe a pis tori di den ben taki foe en èn soso a ben taki sontron: „A moi, joe no feni?” Na fasi foe a man kenki wantewante. A difrenti ben de na ini disi dati a ben si den troe tori tanapoe blaka tapoe weti. Bifo a ben gwe, a ben aksi srefi pe den konmakandra foe wi e hori. Ala disi ben e feni presi na ini wan druk strati.
6 Te wi e gebroiki na Tak-go-tak-kon-boekoe, dan kande wi sa kisi den sortoe boen bakapisi disi. Leri sabi san de na ini a boekoe. Gebroiki en na ini na velddienst. Doe moeiti ’foe de klari foe opo taki gi joesrefi na fesi ibriwan sma di e aksi wan réde foe na howpoe di de ini joe.’ — 1 Petr. 3:1