Pristeri a bun nyunsu — Fudi yu e meki dorodoro gebroyki fu a Taki-go-taki-kon-buku
1 „Ow, efu mi ben abi mi Taki-go-tak-kon-buku na mi”! na prakseri disi psa na ini yu frustan di yu ben pruberi fu gi piki tapu wan bijbel aksi di yu ben miti ini a velddienst ofu di yu ben gi okasi kotoygi na yu wroko ofu a skoro? Den sma di meki den srefi frutrow nanga den fasi di a Taki-go-taki-kon-buku abi èn e tyari disi nanga den, kon si taki den kan bow a tapu fu kisi yepi na a yoysti ten. Fa a de nanga yu?
2 Sensi a Taki-go-taki-kon-buku ben gi fri na ini 1985, dan pikinso moro ibriwan fu Wi Kownukondredienst gi tumsi bun bodoy fu a fasi fu kobroyki en. Yu kan memre wantu situwâsi fu den pisi fu dienst-komakandra ini a ten di psa di ben meki den furu fasi fu kobroyki èn waarde kon a fesi? Demostratie ben de di ben sori fa papa nanga mama kan kobroyki en fu yepi den osofamiri fu sreka den srefi a tapu na velddienst. Fa wan owruman e gi yepi na wan yongu-wan di e firi moro gi a grontapu, èn fa moro tranga preykiman e yepi den wan di abi deki-ati fanowdu (km SR 7/86, blz. 5, 6; km SR 8/86, blz. 5). Wan artikel ben gi den yongu-wan deki-ati fu kobroyki a Taki-go-taki-kon-buku fu de srekasreka na yeye fasi tapu a skoro (km SR 9/87, blz. 2, 3). Tra artikel gi praktijk ray fu fa fu kobroyki en ini ibri aparti pisi fu wi velddienst èn fa a kobroyki fu en kan fiti na den situwasi di e kenki, so leki te sma e wroko gebied nanga oso di den e sroto. — km SR, 5/86 blz. 3; km SR 1/88 blz. 3, 4.
WI E KOBROYKI DEN DORODORO?
3 Efu wi wani kobroyki a Taki-go-taki-kon-buku na wan fasi di e meki wi doro a marki, wi musu fu kon sabi na ini bere fu en fosi. Baka dati wi musu span wi srefi fu kobroyki den ray di de na ini. Yu pruberi fu kobroyki wan inleiding di den ben gi leki ray na a Tori fu Taki-makandra fu noya? Efu yu kobroyki den tu ray na ondro „Kownukondre” tapu bladzijde 11 fu a Taki-go-taki-kon-buku a e sori syatu go na Openbaring 21:3-5, dan a tapu wan logikafasi yu ben sa kan tyari kon a fesi a thema fu wi Tori fu Takimakandra fu noya, „Suma wi sa anbegi?”
4 Fu di yu e kobroyki a materiaal di puru fu a pisi fu „Fasi fu tapu wan taki-makandra”, wi kan abi moro bun bakapisi na ini a puru a pasi fu gens taki na a bigin fu a takimakandra. Fu san-ede yu no ben sa go prakseri san yu ben sa kan du a tapu a pruberi di wan sma e pruberi fu tapu wan takimakandra di kande yu ben sa kan miti. Efu wan sma fu eksenpre e taki „Mi no abi belangstelling”, yu ben sa kan pruberi fu kobroyki a di fu fo ray na tapu bladzijde 16. Yu ben sa kan sori na tapu Openbaring 14:7 èn dan yu ben sa kan puru kon a krin taki den bijbel tekst disi meki yu kon frustan a fanowdu fu kon sabi èn fu anbegi a tru Gado. Pruberi en. Trawan ben kisi bun bakapisi fu di den kobroyki wortu leki disi.
5 Futru, den blesi di kan kon fu na kobroyki fu a Taki-go-taki-kon-buku de furu. Efu wi poti ten na wan sey fu sreka nyun fasi fu bigin wan taki èn sreka inleiding di sa wroko switi na tapu wi spesrutu publiki, wi sa abi moro faya fu go na ini a velddienst, srefi ini gebied, di e wroko furu tron (km SR 4/86 blz. 5, 6). Yu no ben sa teki a ten di de fanowdu fu leysi wantu fu den artikel disi di ben kon èn di ben gi ray fu a fasi fa fu kobroyki a Taki-go-taki-kon-buku na wan fasi di e meki wi doro a marki? — km SR 4 /87 blz. 4, 5; km SR 11/88, blz. 4.
6 Meki a de so taki Yehovah blesi den muyti fu unu dorodoro ala di unu e pruberi fu gi trawan inzicht ini „den bigi du fu Gado”! (Tori. 2:11) Dan kande den o moksi den srefi nanga a psalmsingiman David, fu di den e taigi Yehovah: „O diri den prakseri fu yu de!” — Psalm 139:17.