Abi wan prati dorodoro na den activiteit ini april
1 Na apostel Paulus ben gi na gemeente ini Korinte dek’ati foe de stanvaste èn foe abi alaten ’foeroe foe doe na ini a wroko foe Masra’ (1 Kor. 15:58). Na rai disi de ooktoe gi kristensma na ini a di foe twenti jarhondro. Meki wi go loekoe, aladi wi e hori na jeje foe den wortoe foe Paulus na prakseri, fa wi kan abi wan prati na den foeroe theokratis activiteit di de foe april tapoe a programma.
WROKO LEKI JEPI-PIONIER NA INI A KOTIWROKO
2 Na ten foe koti njanjan de wan ten foe tranga wroko. Efoe a njanjan lepi, dan a kotiwroko moe bigin. Poti a kotiwroko na wan tra ten kan wan taki bigi lasi. Ala sma den e aksi foe jepi, èn ooktoe oema sma nanga pikin. Tra wroko di no de so prenspari e poti na wan sé foe wan pisten. Ibridé a wroko kan bigin kaba bifo son opo èn nofotron go doro te lati na neti. Tokoe na ten foe koti njanjan e tjari bigi prisiri kon. — Jes. 9:3.
3 Na so ooktoe na ten foe na jeje kotiwroko e tjari foeroe wroko kon nanga en. Jezus ben sori na tapoe disi di a ben taigi en discipel: „Ija, na kotiwroko de bigi, ma pikinso wrokoman de. Begi foe dat’ede na masra foe na kotiwroko dati a seni wrokoman go ini en kotiwroko” (Matt. 9:37, 38). Na sé a poti foe moro wrokoman na ini a veld, dan sonwan foe den sma di e dini kaba kande man foe gi moro ten foe wroko na ini a veld. Na ini a disiten jeje kotiwroko, dan foeroe sma ben opo doe wan sani na tapoe na fanowdoe di de ini a veld foe di den ben de wan ofoe moro moen ini a jari ini a jepi-pionierdienst. A paiman foe den ben kon net so bigi foe di den ben feni sma di ben abi belangstelling èn ben bigin srefi studi nanga sonwan foe den. A ben wani taki ekstra wroko, ma den ben „kon foeroe nanga prisiri” foe di den ben abi wan prati na a tjari kon na ini foe na koti foe njoen discipel kon na ini pasamarki (Tori. 13:48, 52). Na jepi-pionierdienst ben opo na pasi gi foeroe sma foe meki na prati foe den na a kotiwroko kon moro bigi. A e kostoe gemiddeld soso wan toe joeroe velddienst ini wan dé foe kan doro a marki foe wan jepi-pionier. Son sma ben kan seti en so dati den ben gi moro mendri ten na den grontapoe wroko foe den. Ooktoe sonwan di de ete na skoro ben kan dini leki jepi-pionier wawan tron foe di den fiti na schema foe den na a skoro rooster. Trawan ben meki wan boen gebroiki foe fri dé èn vakantie ten. Foeroe oso-oema ben si dati a kan foe go, na ini na jepi-pionierdienst foe di den go prati den ten boen èn foe di na heri osofamiri wroko makandra. Foeroe e kisi blesi foe di den tjari den fanowdoe kenki kon.
PIONIERACTIVITEIT
4 Jari baka jari a e sori dati a moen april de wan toemsi boen moen foe teki prati na a jepi-pionierdienst. Na ini april 1985 wi ben abi 317 jepi-pionier. Kande a de so dati soso wan toe fanowdoe kenki na ini joe schema sa gi joe na okasi foe makandra nanga trawan ini joe gemeente teki prati na a activiteit disi. Ibri wiki na gemeente moe kon sabi na nomroe jepi-pionier di den feni na aksi di den aksi foe de jepi-pionier boen. Disi kan gi trawan ooktoe dek’ati. Sondro degedege dan foeroe foe den owroe man nanga dinari na ini a diniwroko makandra wantoe famir’man foe den kan teki prati na a pisi foe a dienst disi èn gi nanga dati wan toemsi moi eksempre na trawan.
NA PRISTERI FOE BOEKOE
5 Na ini april moeiti sa doe foe prati bepaalde moro owroe boekoe di na gemeente abi ete. Den disi wi sa pristeri foe na lagi prijs foe dri boekoe foe f1,00 wan. (Loekoe foe moro bodoi na wantoe sani na ini wi Kownoekondre dienst foe maart.) Na veldtocht disi sa jepi ibri gemeente foe, prati den moro owroe boekoe na sma di sa njan boen foe den te den lési den.
6 Na ini april, efoe wi abi den kaba, wi sa pristeri na boekoe Troe vréde nanga sékerfasi — Fa wi kan feni dati? foe wan bijdrage foe f2,00. Foe di den Verenigde Naatsi kari na jari 1986 leki na „Internationaal jari foe vrede”, dan na boskopoe ini na Troe vréde-boekoe e kon na joisti ten, foe di a e poti a prakseri foe sma na tapoe na troetroe wroko-sani foe tjari vrede kon.
7 So leki oenoe sondro degedege ben si, dan april e gi oenoe ’foeroe foe doe na ini a wroko foe Masra’. Nanga na jari tekst foe 1986 na ini prakseri, „Go . . . meki Gado kownukondre bekenti na alasé”, dan na wroko gi na ala foe wi foe meki na alape a kownoekondre foe Gado na ini anoe foe Kristus Jezus bekenti, na troetroe howpoe gi troe vrede sékerfasi. — Lukas 9:60.