Joe kan de ini a jepipionierwroko na ini april nanga mei?
1 A no de foe taki, dati foeroe foe oenoe sa piki na aksi di de na tapoesé sondro foe degedege nanga „Ija”. Oen meki oen plan kaba. Trawan kande sa piki: „Kande wel . . . efoe alasani waka boen.” Trawan baka sa abi na méne dati na ini a jari disi na ini den moen april nanga mei a jepipionierwroko no de foe den èn foe dat’ede den sa piki: „Mi ben sa wani wel, ma mi no man.” Fa joe e piki?
2 Gi den sma di meki den plan kaba, wi no abi foe taki foeroe moro, boiti wan wortoe foe gi dek’ati foe tan taki nanga Jehovah foe den plan disi alatron, sodati den kan de stéfi (Odo 16:3). Joe no abi sékerfasi ete foe na tori disi, dan wi e gi joe rai foe loekoe joe omstandigheid leki fa a de troetroe èn soekoe ala jepi di joe abi fanowdoe foe joe kan gi joe nen. Meki den positief makti na ini joe gemeente gi joe dek’ati èn boen réde. Gewone nanga jepipionier de na ini joe gemeente? Aksi den efoe joe kan wroko wan moen ofoe toe nanga den makandra. Èn foe di na ini april foe a jari di psa 128 jepipionier ben de, dan ala kans de dati na ini joe égi gemeente joe kan feni tra wan di de ini a srefi sortoe fasi leki joe èn di abi na plan foe go baka na ini a jari disi na ini april nanga mei ini a pionierwroko. Taki pikinso nanga den. Meki efoe a kan plan makandra nanga den.
3 Den owroeman abi wan bigi belangstelling foe jepi ala sma foe doe moro, diniwroko gi Jehovah. Firi joe fri foe go na den foe ala jepi di kan gi joe. Tjari den sani di de na joe fesi foe doe ini begi. Soekoe den sma di sa man foe gi dek’ati. — Odo 13:20.
OFRANDI DE FANOWDOE
4 Srefi efoe joe e denki dati foe joe persoonlek omstandigheid ede joe no man pionier, kan de a sa kan foe meki joe diniwroko kon moro bigi na ini april nanga mei foe di joe o wroko someni leki joe kan nanga den pionier makandra. Sowan foe den prékiman poti persoonlek marki di den wani miti gi wan ekstra nomroe foe joeroe di den e proberi foe meki ini den toe moen disi. Den di kon doro den persoonlek marki nanga ala di moeilekheid ben de, ben si taki den faste bosroiti ben kon tranga, foe di den tjari a tori fajafaja go na ini begi na fesi foe Jehovah (Fil. 4:6). Den ben go si dati den ben sa moesoe offer bepaalde sani èn dati a ben sa de fanowdoe foe span densrefi tranga (1 Kor. 9:23; Luk. 13:24). Te den e meki den schema sowan foe den teki a bosroiti foe opo ala mamanten froekoe foe de séker foe wan heri dé foe activiteit. Trawan poti ontspanning nanga tra sani nanga san den ben e ori den bézig na wan sé. Srefi heri osofamiri wroko makandra sodati na ini a tori foe den osowroko di de fanowdoe someni leki a kan den ben kan kibri ten nanga krakti. Ini séker zin den „poeroe ala hebi” èn ala den moeiti foe den bondroe kon a wan foe pionier wan ofoe toe moen (Hebr. 12:1). Foeroe foe den ferteri oenoe den blesi di den ondrofeni leki wan bakapisi foe dati.
5 Foe gi wan toe eksempre: Wan sisa foe 74 jari nanga wan ati problema ben teki na tjalansi. Nanga a jepi foe tra sma a luk en èn a ben abi ala minuut prisiri foe en. Wan owroeman di e wroko a neti, ben e seti en ten tra fasi foe sribi, sodati a ben kan kisi ten foe a diniwroko. Wan sma di ben dopoe pas ben go ini a jepipionierdienst, tangi foe a jepi foe en masra di no de na bribi. Ija, ala den sma disi èn foeroe moro ete tjari persoonlek offer, ma fa den ben firi densrefi goedoe, foe di den ben e ondrofeni den blesi foe Jehovah! — Odo 10:22.
MEKI PLAN NOW
6 Now na ten de foe meki definitief plan gi april nanga mei. Den owroeman kan jepi te den seti sani boen gi na diniwroko, foe bepaal na fesi omeni boekoe sa de fanowdoe èn foe gi nofo gebied. Ooktoe a ben sa de boen foe meki na gemeente sabi ala joeroe san na den spesroetoe sani di seti foe na dienst foe di den o meki disi bekenti tapoe wan fasi di fiti. Meki a pionierwroko spesroetoe leki wan tori foe wan begi a ini a gemeente èn di joesrefi e doe. — 1 Tim. 2:8.
7 Oen sa abi a jari disi moro jepipionier leki den 128 ini april nanga den 13 ini mei foe a jari di psa? Odo 10:21 e ferteri wi dati a de „den mofoboeba foe den regtvaardikiwan di e tan tjari foeroe sma go na wé”. Meki joe de wan sma di mofoboeba sa gebroiki ini april nanga mei tapoe na fasi disi foe blesi Jehovah èn foe jepi sma di gersi nanga skapoe na pasi foe libi