Meki na kwaliteit foe wi komakandra kon moro boen
1 Na ini Wi Kownoekondredienst foe november 1985 na artikel ben tanapoe „sori taki wi e gro na jejesé foe di wi e teki wan faja prati na a fisiti foe komakandra”. Joe ben poti den rai di ben gi na ini joe libi? Efoe dati de so, dan den kommentaar foe joe na tapoe komakandra kande sa de moro to the point èn tra sma kan njan moro boen foe den. Now wi wani go taki foe na afersi fa wi kan meki na kwaliteit foe den komakandra foe wi kon moro boen èn meki kon ooktoe a fesi omeni boen wisrefi kan kisi foe a sreka di wi e sreka wisrefi a fesi.
2 Meki wi sori disi nanga wan eksempre na a fasi disi. Efoe joe ben sa seti sani foe go fisiti bijbelkondre, dan den ferwakti foe joe ben sa span moro te joe ben sa meki wan studie fosi foe sani foe den kondre disi èn na historia foe den di de ini bijbel èn na ini boekoe soleki na Aid-boekoe. Te joe no sreka sani a fesi, dan joe no sa de so nanga faja foe go loekoe den spesroetoe warti sani di de foe si. Asrefi wi kan taki foe a fisiti foe gemeente komakandra. Foe di wi e gi ten na den punt di den sa taki foe den na tapoe den komakandra, dan wi e opo na jeje lostoe foe njan èn dan wi sa de klari moro foe gi kommentaar.
3 Ibri jari baka moro ten e teki foe wi. Pe wi e feni na fanowdoe ten foe studeer. Wi moe bai ten foe activiteit di no de tranga fanowdoe (Ef. 5:16). A moro bigi pisi foe Kotoigi foe Jehovah e fisiti ala wiki ala féfi komakandra èn foeroe moe doe ekstra moeiti foe de drape. Efoe wi no njan boen foe na ten èn a moeiti di a kostoe wi foe kon na den komakandra, dan wi moe gi wan pisten na a sreka di wi moe sreka wisrefi.
4 Abi alaten na ini prakseri foe gi kommentaar di de soifri, sjatoe èn krin. A sa doe joe boen te joe ben loekoe a stof na fesi. Lési na heri njoen uitgave foe Na Wachttoren so esi leki joe kisi en. Te joe e sreka Na Wachttoren bakaten, poti wan strépi soso ondro den srotowortoe èn pisi foe zin. (Loekoe Handleiding foe na theokratis diniwrokoskoro, bladzijde 36.) Disi sa jepi wi foe gi piki di de sjatoe èn to the point.
5 Efoe moro sma foe densrefi de klari foe gi piki, dan na komakandra sa abi moro libi. Nanga disi sma di e sjen sa kisi dek’ati foe teki prati toe, sodati wan moro bigi difrenti sa de foe kommentaar di e gi èn di e bow sma bribi. Efoe wi e poti den rai disi na ini wi libi, dan na prisiri foe wi sa gro èn na kwaliteit foe den komakandra sa de moro boen, foe di wi e doe wan „publiki bekenti” foe wi bribi. — Hebr. 10:23.