Sori taki joe e go na fesi ini joe diniwroko
1 A de wan switi sani foe si èn foe ondrofeni gro èn go a fesi. Na gronman e loekoe nanga span prakseri fa den sani di a prani e gro kon tron bon di e meki froktoe. Papa nanga mama e abi prisiri foe si fa den pikin e gro kon tron bigi-sma di sabi den frantwortoe. Na so ooktoe Jehovah Gado abi belangstelling foe si fa wi e go a fesi na ini wi diniwroko na jejefasi. Na Wortoe foe en e gi wi dek’ati foe meki na go a fesi foe wi de foe si na publiki, dati wani taki foe sma si en. Wi moesoe poti foe dat ede alaten prakseri na tapoe wi diniwroko èn foe langa oensrefi go na den sani di de a wi fesi. — 1 Timotéus 4:15, 16; Fil. 3:13, 16.
2 Na ini a brifi foe Paulus gi den Hebrewsma e kon na krin dati son sma ben tan a baka foe go a fesi na ini den diniwroko. A ben teki den gersi nanga pikinnengre; bifo den ben kan go a fesi foe tron leriman foe a Wortoe foe Gado dan wan sma ben moesoe leri den den gronprakseri (Hebrewsma 5:12-14). Na ondrofeni foe den èn a rai di den, ben kisi no e sori krin dati ooktoe wi moesoe kan si na wisrefi dati wi e go a fesi na ini wi kristen libi nanga waka? Fa wi kan wroko foe meki a kwaliteit foe wi velddienst kon moro boen?
MEKI DEN PRISTERI FOE WI KON MORO BOEN
3 A kan de dati joe ben de nanga senwe èn joe ben firi joesrefi onbekwaam di joe ben de foe na fositron na ini na velddienst. A kande dati joe ben leri wan pristeri na ede di joe ben gebroiki alatron baka te leki joe ben firi joesrefi moro boen na den doro. Ma te wi e gro na ini sabi, dan den pristeri foe wi moe de dati wi moe de dati wi e fiti den moro na a sma èn wi moe kan taki nanga moro bigi fertrow èn faja foe difrenti sortoe bijbeltori. Sortoe go na fesi joe ben meki na ini disi? Joe e taki na den doro te now ete asrefi leki di joe ben bigin nanga préki? Ofoe joe ben go a fesi na ini joe pristeri oso-foe-oso?
4 Foeroe kotoigi foe Jehovah di jongoejongoe ben bigin nanga a prékiwroko, ben leri foe den papa nanga mama wan sjatoe tijdschrift pristeri. Baka wan pisten dan den ben go so kefarlek a fesi dati den ben go gebroiki Tori foe takmakandra nanga na gewoon boekoe pristeri. Oen papa nanga mama, wi e gi oenoe dek’ati foe jepi oen pikin foe meki den pristeri foe den kon moro boen te den e gro a skin èn jejefasi.
5 Te wi wani go a fesi na ini a diniwroko, dan na leri di e gi na tapoe den gemeente komakandra de toemsi prenspari. Wi e arki boen na a ten foe a diniwroko komakandra? Drape wi e kisi rai di wi abi nownow fanowdoe èn di kan jepi wi boen foe kakafoetoe gi den tjalansi di wi e kon tanapoe a fesi den na ini wi diniwroko. Wi e njan boen foe den toemsi boen seti disi? Den pristeri foe wi sa kon moro boen srefsrefi efoe wi, leki bedinari di e go a fesi, teki ala den warti leri disi na ati èn poti den na ini wi libi.
GEBROIKI NA TÉGO LIBI-BOEKOE
6 Na Tégo libi-boekoe de wan aparti jepisani foe leri sma, wan seti na a reti ten foe na organisaatsi foe Jehovah di e go a fesi. Na ini den moen juli nanga augustus dan, wi kan abi wan prati dorodoro na a prati foe na toemsi moi boekoe disi. Ma leki bedinari di e go na fesi wi wani doe moro leki soso prati boekoe. Wi moe skrifi wan soifri bericht foe ala adres pe wi libi wan boekoe a baka. Foe san-ede? Foedi te wi libi na Tégo libi-boekoe gi ososma, wi e gi wan prenspari leriboekoe foe bijbelstudi. Na marki di wi wani doro te foe kaba de foe meki discipel èn foe dat’ede nanga wi heri konsensi wi moe doe moeiti foe go kande ini a srefi wiki baka foe wiki na belangstelling moro fara ete.
7 Bedinari di e go a fesi e leri fa den kan graboe ibri okasi foe pristeri wan bijbelstudie. Son prékiman e si na kans foe opo wan studi na a fosi fisiti. Te joe e poti na prakseri foe na ososma, tapoe a boekoe, gebroiki dan paragraaf di joe ben loekoe na fesi kaba. Den moe abi foe doe langalanga nanga a tori di joe e taki èn abi tori di joe e taki na ini di kande séker sa wiki a belangstelling. Prékiman di e sreka densrefi finifini na tapoe disi, man foe opo bijbelstudie moro boen leki den sma di e meki na ososma lési somaar wantoe pisi foe a bijbel.
8 Wi de wan pisi foe Jehovah organisaatsi di e go a fesi èn Jehovah nanga foeroe lobi tanapoe na wi sé foe hori asrefi tempo. Meki wi alamala teki na jepi dati tapoe wan boen fasi foedi wi e go a fesi na ini wi diniwroko. „Meki wi”, foedi wi e njan boen foe den richtlijn pasa marki èn den finifini leri di a e gi, „gro ini lobi na ini ala sani ini en di de na ede, Kristus.” — Efese 4:15.