Un yonguwan un de progressief na yeyefasi?
„Go denki dipi fu den sani disi, gi yusrefi krinkrin na ini den, sodati a go a fesi fu yu kon a krin gi ala sma.” — 1 TIMOTÉUS 4:15.
1, 2. San a wani taki fu de progressief na yeyefasi, èn san a no wani taki?
SAN a wani taki fu de progressief na yeyefasi? A wani taki fu de leki a yongu Yesus nanga Timotéus, di ben poti yeye afersi na a fosi presi ini den libi. Efu yu de progressief na yeyefasi, dan yu sa sabi san yu wani du nanga yu libi. Yu no sa taki: ’Mi sa go bigin fu denki seryusu fu a dini fu Yehovah te mi kon de pikin moro owru.’ Nono, yu sa mu dini en now!
2 Na a tra sei fu de progressief na yeyefasi no wani taki yu e libi leki wan monnik, e de vroom psa marki ofu srefi e tron wan bukuworon, ooktu a no wani taki dati yu mu de nanga sari èn kefarlek deftig èn noiti kande makandra nanga tra sma na wan prisiri fasi (Yohannes 2:1-10). Yehovah na wan koloku Gado èn a wani dati en grontapu pikin de koloku. Sobun a abi na bun-ati fu Gado dati a wan fasi di skotu yu du sport èn nyanbun fu tra vorm fu ontspanning. — 1 Timotéus 1:11; 4:8.
Na dopu de wan sori fu yeye progressiviteit
3. Oten a kan de dati Timotéus ben kisi dopu?
3 Te wan yonguwan e sreka ensrefi tapu na dopu èn dan teki dopu, ai sori dati a de progressief na yeyefasi. Efu Timotéus, soleki ben taki, ben de wan tini ete di a ben e go makandra nanga a apostel Paulus na ini a zendingsdienst, dan seiker Timotéus ben teki dopu di a ben de sowan tinafeifi yari ofu moro yongu. Fu pikinnegreten kaba a ben kisi leri ini den buku èn di a ben abi nofo sabi nanga warderi kaba a no ben draidrai meki den dopu en. — 2 Timotéus 3:15.
4. Sortu aksi den ben aksi Filipus, èn fu san-ede Filipus ben du leki fa a sma di ben aksi en aladi a sma dati net ben kon sabi fu Kristus?
4 Fa a de nanga yu, un tini di kisi leri fu den Buku? Un ben luku na aksi: „San e tapu mi fu teki dopu?” Ini na fosi yarhondro na aksi disi ben kon fu a mofo fu wan man di ben kisi bun leri ini den Buku ma di ben kon sabi net suma ben de Kristus. A de tru dati na man no ben sabi ala sani san ben de fu sabi fu den prakseri fu Gado, ma toku a ben de so dati dipi warderi ben furu en ati fu den sani san a ben sabi! Na disipel fu dat’ede no ben abi wan bun reide fu no ben dopu en. — Tori fu den Apostel 8:26-39.
5. Sortu marki yu mu doro fu kisi dopu?
5 San e tapu yu fu teki dopu? Fu den kan feni yu bun fu teki dopu, dan a no de fu taki dati yu mu ferstan san de ini a tori. Yu mu wani fu dini Yehovah fudi yu lobi en. Yu mu gi yu libi persoonlek abra na ini begi. Boiti fu dati, yu mu hori tranga na den moreel vereiste fu Gado èn mu abi nofo ondrofeni fu prati a bribi fu yu nanga trawan. Te yu e doro sobun den marki disi, dan a de tumsi prenspari dati yu du a tra stap èn meki den dopu yu. — Matteus 28:19, 20; Tori fu den apostel 2:38.
6. Nanga san wi kan teki na dopu gersi èn san mu kon na en baka?
6 Hori ini prakseri dati na dopu, ala di disi de wan stap fu san e kon a krin dati yu de progressief na yeyefasi, de soso na bigin. Te yu gi yu libi abra na Yehovah, dan yu e tron wan vreemde sma di e libi na ini a owru grontapu di Satan e tiri. Yu kan teki na gi di yu e gi yusrefi abra sobun gersi nanga a aksi di yu e aksi fu kisi tego libi ini Gado nyun seti èn na formele ceremonie fu na dopu de te yu luku en bun wan tanapu a fesi fu kotoigi fu gi wan publiki bekenti nanga san na tori disi e kisi wan stampu (Yohannes 12:31; Hebrewsma 11:13). Baka dati yu mu libi getrow ini akruderi nanga a gi di yu gi yusrefi abra fu kisi na presenti fu Gado fu na tego libi. — Romeini 6:23.
A mu de fu si ini yu libifasi
7. Fa a fasi fu yu nanga sani fu a grontapu abi fu du nanga yu go a fesi na yeyefasi?
7 Efu yu de progressief na yeyefasi ofu no sa kon ooktu a krin ini yu yeyefasi di yu abi nanga sani fu a grontapu. Sortu sani? Soleki fu no tai yusrefi na wan libifasi fu regel, drug, de fri tapu a kontren fu seks, hurudufilm, suggestief poku, dottaki, dansi di e opo yu firi, heimemre fu na ras ofu na natie, nanga so moro fara (1 Yohannes 2:16; Efese 5:3-5). Spesrutu yonguwan mu de nanga ai. No frigiti dati na fasi tapu san yu e tyari yusrefi na ini den sortu sani disi, sa tyari kon na krin fa a de nanga yu yeye gesontu. — Odo 20:11.
8. Fu san-ede son yongusma e draidrai fu meki den dopu den?
8 Satan e sorgu fu en dati den hurudu pasi fu a grontapu de wan tumsi moi sani. Te yu luku en bun a de soleki wan tinafeifi yari yonguwan ben taki: „Omoro wi e si seks nanga drugs tapu a t.v., omoro normaal a e gersi a de ini a libimakandra.” Yonguwan di no e go bemui nanga den pasi fu na grontapu den e gi na firi dati den de a dorosei èn dati den e misi bun furu prisiri. Yu ben abi oiti na firi dati? Sowan di ben tai nanga na gemeente, abi na firi dati èn den de sondro fu wan bosroiti. Di den ben aksi wan yonguwan fa a ben prakseri fu a dopu a ben taki: ’Mi no wani dati now ete fudi kande mi du wan sani san den ben kan poti mi a doro.’ Toku yu no kan tanapu èn e luku sani ofu tan tinga tapu tu difrenti prakseri. Gado profeiti wan dei taki: „Efu Yehovah de na tru Gado, go waka na en baka; ma efu a de Baäl, go waka na en baka.” — 1 Kownu 18:21.
9. Sortu kibri e kon fu de progressief na yeyefasi?
9 Te yu tan farawe fu na hurudufasi fu na grontapu, dan fu tru yu e waka pasa wan lo muilekheid. „Nanga a libi di mi ben libi, dan wan tranga firi fu tegu èn speiti ben teki mi abra,” wan uma ben erken. „Mi ben lagi èn bedrigi misrefi èn na pikin di ben poti ini mi bere.” Iya, na agersi korifasi èn na sani di gersi gowtu fu na grontapu fu Didibri de soso wan dren, wan kori. A no abi nowan sani di de warti. A waka na baka den pasi fu a grontapu e tyari sma go na a kisi fu bere dorosei fu wan trowlibi, na panya fu osofamiri, siki di e kon tapu sma nanga yepi fu seks èn bun furu bruya nanga pina. Arki sobun na rai èn de progressief na yeyefasi. ’Drai baka fu san de takru èn du san bun.’ — 1 Petrus 3:11.
10. Wan progressief yonguwan na yeyefasi sa poti prakseri tapu sortu fermane, èn na sortu eksempre a sa waka na den baka?
10 Wan progressief yonguwan na yeyefasi sa poti prakseri na tapu a fermane fu na apostel Paulus: „De pikinnegre ini san de takru; na a tra sei de bigisma ini ferstan” (1 Korinte 14:20). Na yongu Timotéus seikerseiker ben poti na rai disi ini en libi. Yu ben sa tyari kon na ini yu prakserl dati a ben go suku kompani nanga grontapu yonguwan na ini en ten di ben waka baka lusu fasi fu libi? Fara fu dati! Den kompe fu en ben de kompedienstknegti fu Gado (Odo 13:20). Waka na en baka. Te yu de sofara fu go teki prati na wan ofu tra degedege activiteit, aksi yusrefi dan: Timotéus ofu Yesus ben du disi?
E kon na krin ini studi fu a bijbel
11. San grontapu yonguwan no e si, èn fa a prenki disi e kon èn e poti a wi fesi?
11 Ini wan tikel ini Italia di ben de fu leisi ini World Press Review ben tanapu: „Na bruya èn na degedege fu den yonguwan e gro dei fu dei, èn nowan sma kan gi den wan tamara di e gi dek’ati.” Den breni ai fu den sma di de ini Satan grontapu, no e si na pramisi nyun grontapu fu Gado èn den no abi nowan enkri prakseri fu na moi tamara di poti aparti gi den sma di den sa feni bun fu libi drape (2 Korinte 4:4; Odo 29:18; 2 Petrus 3:13). Ma progressief yonguwan na yeyefasi abi na prenki disi a den fesi èn den e hori en krin èn soifri nanga yepi fu geregelde bijbelstudi.
12. (a) Fa wi mu du fu kisi sabi fu Gado? (b) Fu san-ede na sabi disi de warti na muiti?
12 Gado nyun grontapu de wan trutru sani gi yu? Disi kan de so, ma fu kon drape yu mu du trutru muiti fu yu sei. Yu mu kweki wan tranga lostu fu kisi wan bun ferstan fu na bijbel sodati yu „e tan suku en leki yu e suku solfru, èn yu e tan suku en leki na gudu di kibri.” (Odo 2:1-6). Fa a du kon dati wan sma di e diki fu feni gudu sontron yarilanga e tan suku èn diki fu feni wan gudu? A e lostu srefsrefi na gudu di a sa tyari kon gi en. Toku sabi de moro warti leki gudu na skinfasi. „Disi wani taki tego libi,” Yesus ben taki, „dati doronomo den e teki na ini den sabi fu yu, na wanenkri tru Gado èn fu en di yu ben seni, Yesus Kristus” (Yohannes 17:3). Efu yu e bribi trutru san Yesus ben taki drape, dan bijbelstudi sa tron yu moro bigi prisiri, èn nanga disi yu sa kisi na paiman nanga san de moro warti leki bun furu warti gowtu sani. — Odo 3:13-18.
13. Sortu rai fu studi progressief yonguwan sa waka na en baka?
13 Yu sa si dati omoro yu e studeri, omoro bigi yu angri e tron fu kisi yeye nyanyan. Suku fu kisi bun studi-methode. No hari wan strepi wawan ondro den piki, ma suku tekst di poti ma di no skrifi helemaal, èn leisi morofara ooktu den verwijstekst di abi fu du nanga na tori. Yu kan du ooktu ekstra nazoekwroko fudi yu e meki gebroiki fu Watch Tower Publications Index 1930-1985 ofu den index na bakasei ini den tijdschrift ofu den buku. Go ondrosuku finifini san a stof wani taki èn fa yu kan meki gebroiki fu en. Taki nanga tra sma fu san yu ben studeri. Disi sa poti den punt moro srapu ini yu geest èn trawan sa kisi dek’ati fu du ooktu ondrosukuwroko. Te yu span yusrefi trutru dan yu sa poti prakseri tapu na rai di ben gi na a yongu Timotéus: „Go denki dipi fu den sani disi, go poti yusrefi krinkrin ini den, sodati na go a fesi fu yu e kon a krin na ala sma.” — 1 Timotéus 4:15; 2 Timotéus 2:15.
A e kon a krin tapu komakandra èn ini a dienst
14. San e yepi fu nyanbun moro fu kristen komakandra, èn na sortu fasi yu kan gi trawan dek’ati efu yu de drape?
14 Te yu e feni en wan moi sani fu studeri a bijbel èn yu ben sreka yusrefi bun a fesi, dan yu e nyan moro bun fu kristen komakandra (Psalm 122:1; Hebrewsma 2:12). Yu e kisi moro tranga fu kan du wan sani a den komakandra-onderdeel fu teki prati na den èn fu hori lezing tapu na theokratis diniwrokoskoro. Ma te yu de tapu den komakandra, dan tapu tra fasi ete yu kan gi yesi na a komando ’fu gi dek’ati na makandra’ èn fu gi tranga „fu sori lobi èn tumsi bun wroko” (Hebrewsma 10:24, 25). Yu e teki fu eksempre fesi fu taki nanga trawan? Wan switi „Fai tan, mi breiti fu si yu!” ofu wan opregti „Fa ai go nanga yu”? kan gi trutru dek’ati. spesrutu te sowan kontakti e du kon fu wan yonguwan.
15. Fa yu kan pristeri yusrefi fu du bun dienst, èn fu san-ede a bun fu hori na eksempre fu Kristus na ede?
15 A meki waka moi fu wan gemeente e kostu bun furu wroko. Yu kan du yu pisi? A de seiker dati na yongu Timotéus ben sori Paulus bun furu bun dienst, soleki a du fu boskopu, a sorgu fu sani di ben de fanowdu, a tyari go abra fu bericht nanga so moro fara. Fu san-ede yu, efu yu no ben du dati ete, no ben sa meki den owruman sabi dati yu ben de klari fu gi yepi? Kande den sa aksi yu fu prati toewijzing fu programma-onderdeel. fu hori a zaal krin ofu fu du wan tra dienst. Hori ini prakseri dati Kristus ben wasi den futu fu en discipel, sobun no wanenkri wroko de ondro na wartifasi fu wan sma di de progressief na yeyefasi. — Yohannes 13:4, 5.
16. Sortu activiteit den ben erken ini wan katholiek tijdschrift leki wan kristen frantwortu?
16 Wi kan de nanga tangi trutru fu na opleiding di wi e kisi tapu wi komakandra fu du na so prenspari preikiwroko. Ini September fu na yari di psa dan Kenneth Guentert ben skrifi ini wan artikel gi U.S. Catholic san e kon now: „Mi ben kweki ini a ten di katholieksma no ben mag leisi na bijbel fudi den ben sa kisi freemde prakseri, soleki na idee fu eksempre dati kristensma mu go naki tapu doro fu pruberi fu bekeer sma. Dan na di fu tu Vaticaan concilie ben kon èn mi ben bigin leisi a bijbel. Èn iya, now mi e denki dati kristensma mu go naki tapu den doro fu pruberi fu bekeer sma.” A ben taki moro fara: „Yu sa ferstan dati mi no e feni na prakseri now so wan prisiri wan; ma efu yu e leisi na Nyun Testamenti, dan pikinmoro a no de wan sani di de mogelek fu kon nawan tra bosroiti.” — Mattéus 10:11-13; Lukas 10:1-6; Tori fu den Apostel 20:20, 21.
17. Fa na diniwroko kan kon de moro prisiri gi yu?
17 Iya, den fosten kristen ben de actief ini na oso-fu-oso preikiwroko èn a de krin dati yongusma leki Timotéus ben go makandra nanga den owruwan ini a dienst. Toku wi mu piki dati son sma ini disi ten no e feni en a moro prisiri wroko. Fu san-ede? Koni fu kan du a wroko de wan sani. Efu fu eksempre yu e kon a fesi leki wan bun preiman ini wan plèi ofu ini wan tak fu sport, dan yu no abi moro prisiri? A so a de ooktu nanga a diniwroko. Di yu e kon moro bekwaau ini a gebroiki fu na bijbel èn na taki fu bijbeltori dan yu sa go nanga moro prisiri ini na diniwroko, spesrutu te yu feni wan sma nanga suma yu kan prati sabi di e gi libi. Sobun de progressief na yeyefasi! Oefen doro-fu-doro pristeri. Aksi trawan fu kisi rai. Begi Yehovah fu kisi yepi. — Lukas 11:13.
Nanga yepi fu bun matifasi nanga graniwan
18. Sortu matifasi Yesus nanga Timotéus ben abi nanga owruwan?
18 Di Yesus ben de ete wan boi fu twarfu yari, dan nanga ala prisiri a ben pasa ten nanga granisma fudi a ben taki nanga den fu yeye sani. Den papa nanga mama fu en „ben feni en ini a tempel, pe a ben sdon a mindri fu den leriman, na suma a ben e arki èn na suma a ben e poti aksi gi” (Lukas 2:46). A so a ben de nanga Timotéus tu. Di na apostel Paulus nanga en kompe ben fisiti Lystra, dan Timotéus seiker ben de ini den kompani èn poti seryusu prakseri ini den sani di den ben leri. Timotéus ben de ini wan bun matifasi nanga den brada ini en gemeente di ben gi wan bun rikomanderi fu en. — Tori fu den Apostel 16:1-3.
19. Fu san-ede spesrutu Paulus ben teki Timotéus leki kompe fu waka nanga en, èn sortu yepi Timotéus ben gi?
19 Aladi Timotéus ben de klarklari fu sori trawan letterlek dienst, toku Paulus ben teki en spesrutu leki kompe fu waka nanga en fu en bekwaamheid ede fu yepi sma na yeyefasi. Nanga disi ini prakseri meki Paulus di na gewoon pipel ben dwengi en fu gwe libi Thessalonika, ben seni na yongu Timotéus go drape fu trowstu èn tranga den nyun disipel. Timotéus sobun no wawan ben abi na tranga lostu fu leri sani fu owrusma èn fu de ini a kompani fu den. A ben de wan trutru yeye yepi gi den. — Tori fu den Apostel 17:1-10; 1 Thessalonika 3:1-3.
20. Yu sa de koni fu sori fu du san, èn sortu dienst yu kan bewijsi graniwan?
20 Yu sa du bun fu waka na baka Yesus nanga Timotéus èn fu agri srefsrefi fu nyan-bun fu na ondrofeni èn sabi fu owrusma. Suku na kompani fu den èn poti aksi gi den. Ma sori ooktu dati yu de progressief na yeyefasi fudi yu de wan yepi gi den na yeyefasi. Granisma ofu sikiwan de di ben sa warderi en efu yu du boskopu gi den ofu yu ben sa bewijsi den tra bun dienst? Kande yu tyari gewoon wan fisiti go na den fu leisi wan sani gi den èn prati ervaring nanga den di yu ben abi ini na velddienst.
Rol fu papa nanga mama èn trawan
21. Sortu prenspari rol papa nanga mama e plèi èn tapu san wi no kan poti nofo krakti a tapu?
21 Na yeye gesontu fu yonguwan moro furu e anga fu na leri èn na eksempre di den papa nanga mama fu den e gi (Odo 22:6). Yesus seiker ben nyanbun fu na tiri di en papa nanga mama di ben frede Gado ben gi en. (Lukas 2:51, 52). Èn Timotéus seiker no ben sa de sowan progressief boi na yeyefasi efu en mama èn granmama no ben kweki en so bun (2 Timotéus 1:5; 3:15). Krakti no kan poti nofo a tapu na prenspari fasi fu geregeld bijbelleri! Yu e sorgu leki papa nanga mama ini a opleiding disi? Ofu yu de sori wan mi no ke fasi ini disi?
22. (a) Sortu krakti a abi a tapu pikin te papa nanga mama e feni osofamiri bijbelstudi prenspari? (b) Sortu firi papa nanga mama mu gi a den pikin fu den?
22 Wan yonguman tapu na internationaal edekantoro fu Yehovah Kotoigi e tyari kon na krin dati ini ala den yari dati den pikin ben e gro kon na ala wiki bijbelstudi nanga den ben de wan fasti onderdeel fu na osofamiri libi fu den. „Sontron papa ben kon so weri fu en wroko na oso dati nanga muiti a ben kan tan na ai, ma toku a studi ben hori èn disi ben yepi wi fu ferstan na prenspari fasi fu en.” Papa nanga mama, na kans dati yu pikin sa sori bigi waarde gi yeye afersi no de tumsi bigi efu yu no e sori bigi waarde na dati. Hori sobun den marki fu pionier nanga fu zendingwroko ofu Betheldienst na den fesi. Yepi den fu ferstan dati na diniwroko de wan carrière nanga wan tamara èn dati grontapu carrière no e gi wan trutru tamara. — Teki gersi nanga 1 Samuël 1:26-28.
23.Fa trawan ini a gemeente kan yepi yonguwan fu de progressief na yeyefasi?
23 Ooktu trawan kan yepi yonguwan fu go na fesi na yeyefasi. Yu kan poti en leki wan marki fu taki nanga den tapu komakandra. Pruberi fu tyari den kon ooktu ini wantu fu yu activiteit. Nanga primisi fu den papa nanga mama wan owruman ben sa kan seti sani fu teki wan yonguwan go nanga en efu a mu go hori wan lezing ofu fu meki sowan yonguwan de na wan uitstapje (Yob 31:16-18) San de leki wan pikin sani kan wani taki furu. Wan opziener di e waka lontu luku gemeente di ben si dati wan boi di ben arki na en lezing no ben abi wan bijbel, ben gi en bakaten wan. Na boi no wawan ben de ondro na indruk fu na kado ma ooktu fu na belangstelling di den ben sori en. Moro leki dritenti yari na baka a boi, di de now srefi wan owruman, e denki ete nanga firi fu lobi na a lobi gebaar fu na brada disi
24. Na ferstan fu san de wan span fruwakti, èn san mu de a faste bosroiti fu wi?
24 A no de wan span èn moi sani fu ferstan dati hondrodusundusun yonguman de netleki „dow-dropu” di e meki a kowru-ati kownukondreboskopu bekenti èn dati net someni yongu uma de di leki ’wan bigi legre e ferteri na bun nyunsu’? Meki den ala poti densrefi a tapu fu de progressief na yeyefasi èn meki wi alamala yepi den na ini disi. — Psalm 110:3; 68:11.
Aksi fu luku san wi ben leri
◻ San kan yepi wan yonguwan fu teki wan bosroiti te a mu teki dopu?
◻ Fa na yeye proessieviteit fu wan yonguwan kan marki nanga en libi fasi?
◻ San kan yepi yonguwan fu feni komakandra èn velddienst wan prisiri sani?
◻ Sortu matifasi nanga moro owruwan yongusma mu kweki?
◻ Fa papa nanga mama èn owruwan kan yepi yonguwan?
[Prenki na tapu bladzijde 7]
San e tapu yu fu teki dopu?