„Meki ibri sma di e jere, taki: ’Kon!’”
1 Na ini a ten foe en grontapoe diniwroko Jezus ben gi na kari na sma di joe kan teki gersi nanga skapoe èn di ben abi dréwatra foe kon na en foe kisi jeje kowroe watra (Joh. 7:37). Na ini a ten foe wi na Toemsi Boen Herder e gebroiki na wan lobi-fasi na bruidklasse foe kari wan „bigi ipi” tra skapoe foe dringi foeroe foe den seti foe Gado foe tego libi. — Openb. 7:9-17; 22:17.
2 Na salfoe fikapisi di Gado jeje nanga Wortoe e poesoe e ’tan taki: „Kon!”’ Moro leki dri miljoen tra skapoe ben teki na kari disi na wan boen fasi sodati a dréwatra foe den now e gwe. Ooktoe den abi na grani foe gi jesi na a komando: „Meki ibri sma di e jere, taki: ’Kon!’”
TJARI TRAWAN NA A ORGANISAATSI FOE GADO
3 Te wi e taki „Kon”, dan wi no e tjari trawan go na wisrefi, netleki wi leki aparti sma ben kan de na fonten foe „watra foe libi”. Na presi foe dati wi e tjari sma go na a joisti fasi na Jehovah èn na en theokratis organisaatsi. Te wan sma e sori opregti belangstelling foe kon sabi moro, no draidrai dan foe taki gi sowan sma taki: Kon fisiti wi kristen komakandra. Drape joe sa feni troetroe kowroe-ati na jejefasi. — Ps. 133:1-3.
4 Ete wan toemsi boen fasi foe tjari wan sma kon ini kontacti nanga Gado organisaatsi, de nanga jepi foe na Wachttoren èn Ontwaakt! Wan lésiman kan kon sabi dati troetroe wan internationaal bradafasi de foe sma di e libi èn e wroko ini wanfasi (Jes. 2:2-4; Zach. 8:23). Na wanfasi disi de foe si na ini na diniwroko foe den, tapoe kongres, te presi foe anbegi e bow ofoe efoe den e jepi makandra ini ten foe rampoe ofoe so moro fara. Den tijdschrift foe wi e kari miljoenmiljoen lésiman foe fisiti na Kownoekondrezaal èn foe teki prati na ini na jeje fesanjanjan na ini san a pipel foe Gado e prisiri. Foe di wi abi warderi gi Gado organisaatsi èn e firi lobi gi na waarheid di wi ben leri sabi nanga jepi foe den bladzijde foe na Ontwaakt! èn na Wachttoren, meki wi sa pristeri ini november fajafaja abonnement tapoe den toe toemsi moi tijdschrift disi.
MEKI NJOENWAN TAKI „KON”
5 Bijbelstudenti di ferstan san a boen njoensoe ini na ati foe den wani taki, kan kisi kari foe prati san den sabi nanga mati, sabiman, bisbis relatie nanga tra sma. (Teki gersi nanga Johannes 1:46, 47; 4:28-30.) Den moe ferstan dati a no ala sma sa teki wantronwantron na waarheid, ma a kan de dati son sma sa warderi na boen njoensoe na tapoe wan boenfasi èn sa teki na waran kari foe „Kon”.
6 A de wan grani gi den „tra skapoe” foe wroko krosbé nanga den memre foe Kristus „bruid” di tan abra foe di den e taki gi ibriwan sma na alasé taki „Kon”. Efoe a de a wani foe Jehovah, meki miljoenmiljoen moro sma dringi na „watra foe libi” ete èn dan kon teri a mindri den sma di kan teki gersi nanga skapoe èn di sa jere a Kownoe e taki ’Kon èn teki wan prati na ini den blesi tapoe na grontapoegebied foe a kownoekondre foe Gado.’ — Matt. 25:34.