Tan taki gi den wan di wani arki: „Kon!”
1 Yeyses ben poti krakti a tapu taki sma musu arki na waarheid boskopu bun (Matt. 11:15; 13:9, 43). A ben sabi taki a ben de prenspari gi den fu kisi frustan fu en leri, fu di a ben prati sabi di kan tyari arkiman di abi warderi fu go kisi têgo libi. — Yoh. 17:3.
2 Na sabi disi di e gi libi de wan prenspari pisi fu na „watra fu libi” di den e gi now na sma di e dreywatra (Openb. 22:17). So leki den wortu fu Yohanes e meki wi e frustan, a no de na eygigudu fu wan tu sma di den wani gi en, èn a no e seri na sma di abi moni èn no e gi na sma di no abi disi. Ala sma di e dreywatra now fu regtvaardikifasi musu kisi deki-ati fu feni wini fu na fri gi fu Yehovah di a gi nanga prisiri (Yes. 55:1). Den e teri yu na mindri den milyunmilyun sma di na ini a ten disi e taki: „Kon!” gi den wan di wani yere?
FA YU KAN TAKI „KON!”
3 Yuni na a di fu tu mun fu wi Wachttoren-abonnementwroko. Sortu moro bun wrokosani ben sa kan de fu poti prakseri tapu Yehovah en wondru seti fu libi? Fu di spesrutu krakti e poti a tapu, fu puru den godelowsu prakseri fu Babilon na Bigiwan kon a doro, dan Na Wachttoren kan yepi furu sma fu kon fri fu kerki kruktu bribi nanga sani di no tru. Sortu difrenti okasi yu abi fu pristeri Na Wachttoren-abonnement?
4 Wan tumusi bun maniri fu pristeri na abonnement de oso-fu-oso. Ma wan tu tra fasi de srefi tu, so leki te yu e tyari gobaka ofu e tyari den tijdschrift di kon na sma tapu yu tijdschriftroute. Son preykiman ben abi bun bakapisi ini na sroto fu abonnement na sma di den e miti nanga a stratiwroko. Wan tu fu den sma di abonneer kba, wi ben sa kan gi deki-ati fu seni prisenti abonnement gi den mati fu den ofu famiriman. Kande yu srefi tu wani seni wan tu prisenti abonnement. Srefi tu abonnement kan pristeri na bisnis sma di yu sabi, konpe wrokoman ofu skoro mati. Kande yu e feni ete tra fasi.
TAN TAKI „KON!”
5 Tan de geïnteresseerd na ini a yepi fu den wan di ben teki wan abonnement ini mei. Sorgu fu go esi-esi baka. De seyker taki den e kisi den tijdschrift. Na den sortu fisiti disi yu kan sori tapu wan aparti artikel èn yu kan gi den deki-ati fu leysi en. Kande yu kan bigin srefi wan beybristuka na den èn aksi fu den fisiti den gemeente konmakandra nanga yu. Fu di yu e sori opregti belangstelling gi den, den e du bun na tapu disi èn sani e buweygi den fu meki yeye go na fesi.
6 Den nomru fu sma di fisiti na Memrefesa na ini Sranan e sori taki moro leki 2500 sma di no de preykiman fu na bun nyunsu ete, ben de na tapu na bisondru prenspari sani disi di psa. Yu sabi suma de den geïnteresseerde sma disi na ini yu gemeente? Den abonneer tapu Na Wachttoren? San du fu yepi den fu gro na yeye fasi?
7 Na kari „KON!” e gi na sma fu ala nâsi. Nanga yepi fu en Manpikin Yeyses Yehovah gi na presenti fu libi nanga wan bun ati gi ala sma di wani du bun na tapu na kari ’Kon! èn teki na watra fu libi fu noti’. Yu sa abi wan dorodoro prati fu gi trawan na kari ini yuni.