Doe ala san joe kan foe teki prati na a foeroetendienst
1 „O moro bigi na moeiti, o moro bigi na blesi”, na congres takiman ben taki. Moro fara a ben aksi den sma di ben sidon tapoe na „Vréde foe Gado”-districtscongres ini na pionier faki èn di ben agri nanga dati foe opo den anoe na loktoe. Joe ben sabi ete fa den ben doe? Moro fara na takiman ben tjari wantoe foe den blesi di wan sma e kisi te a horidoro ini na foeroetendienst — moro bigi jejefasi, bekwaamheid ini na gebroiki foe na bijbel, dienstgrani ini Gado organisaatsi, libilibi rikomanderibrifi èn wan moro betre sma di wi moe de, foe kari wantoe sani.
2 Na moro prenspari blesi di wan sma kan feti na en baka, de foe kisi a boenati foe Gado. A de a moeiti warti foe doe ala sani wi man foe kisi dati, so na apostel Paulus ben taki, di ensrefi ben de wan foeroetenbedinari. A ben gi Timotéus na dek’ati nanga den wortoe: „Doe ala san joe man foe pristeri joesrefi na wan boenfasi na Gado.” A ben gi Timotéus ooktoe dek’ati foe kisi na boen nen dati foe di ’a e de wan wrokoman di no a foe sjen foe noti, di e handri na wortoe foe waarheid na wan joisti fasi’ (2 Timotéus 2:15). Ooktoe wi kan feti na baka kisi na boenati foe Gado, èn na pionierdienst sa gi oenoe na okasi foe doe ala san wi man ini na moro prenspari wroko di e doe now na grontapoe.
MEKI A GI DI JOE GI JOESREFI ABRA DE WAN TROE SANI INI NA FOEROETENDIENST
3 Na pionierdienst kan de wan fasi di e gi joe satisfaksi srefsrefi èn di wan sma e meki a gi di ai gi ensrefi abra na Jehovah de wan troe sani. Foe ala sani waka boen, dan pioniers moe poti jeje afersi tapoe a fosi presi ini den libi. A jeje foe den no moe kon de hebi srefsrefi nanga sorgoe foe sani na skinfasi dati den doro a marki dati den lasi a doeltreffendheid foe den. Den e leri foe Jehovah tjari den lai foedi den e trowe ala den sorgoe tapoe en (1 Petr. 5:6, 7). Baka di wan sisa ben de tin jari na ini a pionierdienst a ben taki: „Jehovah sabi mi problema èn a kan loesoe den. Soema mi ben sa kan dini moro boen leki en?”
4 Na definitie di na congres takiman ben gi foe a gi di joe gi joesrefi abra na Gado ben tjari joe go so fara foe go denki serjoesoe foe na foeroetendienst? A ben teki san Jezus ben taki: „Efoe wan sma wani waka na mi baka, dan a no moe ke foe ensrefi èn moe waka doronomo na mi baka” (Matt. 16:24). Na apostel Paulus ben begi dati na lobi foe en kompe kristen ben mag kon moro foeroe pasamarki, sodati den ben sa kon foeroe nanga froktoe foe regtvaardikifasi (Fil. 1:9-11). Disi ben sa kan wani taki ini joe geval dati joe teki na pionierdienst tapoe joe? Wan sisa di ben de ini a libimarki foe aititenti jari e taki baka féfitenti jari di a ben de ini na foeroetendienst foe na pionierdienst: „San joe ben sa doe efoe Jezus Kristus srefi ben sa aksi joe?”
5 Joe ben prakseri fa na pionierdienst kan jepi joe foe meki joe foe meki a gi di joe gi joesrefi abra kon troe? Efoe joe kan meki presi foe en, dan den winimarki de foeroe. Wan jongoe sisa foe Nederland ben taki baka di a ben pionier wán jari pas: ’Efoe joe e dini Jehovah fajafaja ibri dé, dan moro nanga moro joe e kon ferstan èn prakseri. Joe persoonlek matifasi nanga en e kon ooktoe moro boen foe di joe e studeer moro èn e begi moro tranga. Joe e leri sabi Jehovah leki persoon moro boen.’ Joe ben sa wani leri sabi Jehovah leki persoon moro boen? — Joh. 17:3.
OWROEMAN DI E JEPI PIONIER
6 Efoe wan pionier abi moeiti foe doro en joeroe marki foe a moen, dan a moesoe skrifi na rede tapoe na bakasé foe na velddienstrapport di e gebroiki now (S-4). Efoe den owroeman wani gi jepi, tiri nanga rai di fiti dan den moesoe kon sabi den bodoi di tjari kon na krin ini wi inlegvel foe wi Kownoekondredienst foe mei 1978.
7 Ini december den owroeman sa seti sani foe wan komakandra nanga ala gewone pionier foe taki foe den bodoi di a Genootschap ben gi spesroetoe foe na komakandra dati. Wi e rikomanderi dati na fesiman opziener nanga na dienstopziener hori na komakandra dati. Na komakandra moe bow den na jejefasi, moe de praktis èn moe gi dek’ati, moe abi na prakseri foe den fanowdoe foe den pionier foe na gemeente. Den moe kisi jepi foe doe ala san den kan foe tan ini na foeroetendienst.