Aksiboksoe

● Soema moe kisi wan eksemplaar foe Wi Kownoekondredienst?

Wi Kownoekondredienst abi na bedoeling foe gi jepi nanga dek’ati na den sma di e teki prati na a velddienst. Foe dat’ede meki a no ibri wan sma e kisi wan eksemplaar. Ala dopoe prékiman nanga sma di moksi densrefi nanga wi èn di wi e feni boen moesoe kisi wan eksemplaar. Den sma di e kon geregeld na tapoe den dienstkomakandra èn di e go na fesi na a sé fu a velddienst, moe kisi ooktoe wan eksemplaar. Sorgoe taki wan eksemplaar de ooktoe gi a Kownoekondrezaal. Wi no sa gi nowan eksemplaar foe Wi Kownoekondredienst na sma di sluit uit.

Son gemeente ben feni en wan boen sani foe meki wan lijst foe ala sma di moe kisi wan eksemplaar èn foe prati a lijst baka dati akroederi den boekstudi-groepoe. Na studileider kan gebroiki na lijst disi foe meki a makriki foe prati den Kownoekondredienst èn kande kan type a nen foe ibri sma a tapoe en eksemplaar ofoe foe skrifi en netjes. Ibri wan sma di e kisi wan eksemplaar foe Wi Kownoekondredienst moe kibri en èn gebroiki en te a e sreka ensrefi tapoe na dienstkomakandra ofoe na velddienst. Foeroe sma ben feni en wan boen sani foe kibri den persoonlek eksemplaar foe den foe Wi Kownoekondredienst ini den theokratis bibliotheek foe den foe kan loekoe en bakaten.