Tjari sma di abi belangstelling go na a organisatie
1 Joe égi ondrofeni na ini na waarheid sondro degedege e meki joe froestan o foeroe wi abi na gemeente fanowdoe foe na boen foe wi égi jeje gro èn stanfaste-fasi ini na bribi (Hebr. 10:24, 25). Foe dati e kon a fesi dati joe no moe doe moeiti wawan foe gi joe bijbelstudi wan krin froestan foe afersi foe bijbelleri, ma ooktoe wan srefi dipi warderi gi na organisatie di Jehovah e gebroiki (Luk. 6:40). Na njoen brochure foe wi Jehovah Kotoigi — Tjari kon na wan na a heri grontapoe ini na doe foe a wani foe Gado kan joe ini disi.
2 Sma nanga soema wi e studeri, moe si dati na bow foe Jehovah organisatie èn den methode di na organisatie e gebroiki abi wan bijbelfundamenti. Foe go na fesi, den moe froestan ooktoe dati den moe kisi a koni foe si sani ini a fasi tapoe fa Jehovah e handri, soleki fa disi e kon na fesi nanga en organisatie èn dati den no e leri sabi soso wan tra fasi foe anbegi.
GEBROIKI NA NJOEN BROCHURE
3 Biten na ini a seti foe a studi na studenti moe kisi wan Tjari kon na wan na a heri grontapoe-brochure- èn sori en a fesi sortoe pisi joe sa taki foe en na en ala wiki les. Na so fasi a kan sreka ensrefi na tapoe a studi. Efoe joe e sreka joesrefi tapoe a studi, denki dan a den fosten ofoe disiten fasi foe anbegi foe a studenti, sodati joe kan meki a si moro boen den tegenstelling nanga Jehovah organisatie di abi en fundamenti tapoe a bijbel. Moro foeroe a do so dati wan les ini tegenstelling sa jepi a studenti foe si san na boen foe ogri. Soekoe sroto tekst di no skrifi krinkrin èn gebroiki den aksi foe leri san oen ben leri na a kaba foe pikinmoro ala den 15 pisi di tanapoe ini na brochure. Tapoe a fasi disi joe sa jepi a sma foe kisi wan moro krin loekoe, foe Jehovah organisatie.
4 Te foe eksempre joe e behandel a pisi „Gemeente na ini san lobi èn wanfasi e bow”, dan joe ben sa kan aksi na studenti fa den e poti èn den e si den kerkileriman foe en kerki. Moro fara nanga jepi foe bijbel wi kan meki a si fa disi de kontrari nanga san de foe si èn den doe na ini Jehovah organisatie. Na asrefi fasi joe ben kan doe te joe e behandel na pisi foe a fasi tapoe fa a wroko e kisi moni, foe a leri na fasi fa Jehovah e handri èn e bewegi en foe reageer tapoe wan boen fasi.
5 Hori ooktoe na ini prakseri dati joe no a foe behandel ala na stof ini ibri pisi di gi ini soso wán studi, ma dati joe kan prati en abra difrenti studi èn disi e anga foe na hoeveelheid. Joe a foe teki féfi ofoe tin minuut baka ibri studi èn gebroiki aksi foe loekoe san oen ben leri di abi foe doe nanga pisi foe na stof di oen ben behandel, foedi disi e meki den edeprakseri e kon boen a fesi.
6 Poti prakseri na tapoe den fowtow èn den prenki di abi leki marki foe spikri den prakseri foe a tekst go ini a jeje foe a studenti. Foeroe fowtow gi wan beeld foe na internationaal bigi di Jehovah organisatie bigi èn foe na wanfasi di de a mindri Jehovah pipel, a winsi sortoe ras, sociale achtergrond ofoe nationaliteit den de. Soso so wan organisatie kan doe troetroe na komando di Jezus ben gi foe préki na boen njoensoe na a heri grontapoe. — Matt. 24:14.
7 Libisma moe teki a mindri Jehovah organisatie èn di foe Satan. A libi foe den de ini a tori (Tori. 26:18). Wi kan jepi den foe teki na joisti bosroiti te den e gebroiki doro den toemsi moi jepi sani di Jehovah ben gi foe tjari sma di abi belangstelling go na en organisatie. Wi moe teki a bosroiti fu doe disi tapoe ibri bijbelstudi. Tapoe a fasi disi wi kan feti a baka „regtvaardikifasi, bribi, lobi, vrede, makandra nanga den di e kari Jehovah komoto foe wan krin ati”. — 2 Tim. 2:22.