Sreka den bijbelstudie foe teki prati na a diniwroko
1 Ini a dienstjari di pasa dan na ini Sranan ala moen gemiddeld 1362 bijbelstudie ben ori. Foeroe njoenwan e meki jeje go na fesi foedi den e teki sabi foe Jehovah na ini den èn den e tai densrefi nanga na organisatie. Den e tjari den kenki kon di de fanowdoe na ini den persoonlek libi, èn te foe kaba den wani meki wan publiki bekenti foe na bribi foe den foedi den e go nanga wi na ini a wroko foe a préki èn meki discipel. — Romeini 10:10.
2 Sensi a momenti dati joe opo wan bijbelstudie, kande joe kan gi na studenti dek’ati foe taki nanga trawan foe den sani di ai leri. Gi en dek’ati foe gi informeel kotoigi na en famiri, birti, kompe wrokoman nanga trawan. Omoro wi e poti a waarheid dipi na ini en ati nanga jeje, dati seker sa boewégi en foe doe disi. Poti prakseri na tapoe a prenspari foe na préki èn a meki foe discipel, na wroko di Jezus èn en discipel ben poti krakti na tapoe (Mattéus 24:14; 28:19, 20). Ferteri positief velddienst ondrofenitori di joe nanga trawan ben miti èn sosrefi toe den wan di de na ini a jariboekoe nanga tra publikatie foe na Genootschap.
LOEKOE EFOE A STUDENTI E DORO DEN SANI DI DEN E AKSI FOE DEN
3 Te a momenti de boen èn na studenti e sori taki ai go na fesi, joe kan kari en foe teki prati ini na velddienst di na gemeente seti. Memre taki a de joe frantwortoe leki na sma di e gi na studie, foe loekoe efoe na studenti e doro den sani di den e aksi foe en bifo joe kari en foe go nanga joe ini a velddienst. A ben moe tjari en libi kon akroederi kaba nanga Jehovah en regtvaardiki markitiki. Factor di joe kan loekoe, tanapoe na bladzijde 100 nanga 101 foe na Bediening-boekoe.
4 A no de fanowdoe foe diki go na ini na persoonlek libi foe na studenti foedi joe e aksi en sani di e meki a firi ferlegi. Ma te joe e leri sabi na studenti moro betre, joe kan si efoe ai libi ini akroederi nanga na sabi di ai kisi. Efoe aksi de foe bepaalde pisi foe en persoonlek libi, joe kan meki a studenti lési eenvoudig bijbeltekst di fiti èn meki ai ferteri bakadati fa ai prakseri foe tjari den na ini en aladé libi ofoe na betekenis foe en. Foeroe lési disi sa jepi joe foe si ofoe a abi nofo sabi foe na waarheid èn e froestan san den e aksi foe wan sma di e teki prati na a diniwroko. Te joe abi na overtoigi dati a de na opregti winsi foe en foe de wan nanga na organisatie foe Jehovah en kotoigi èn dati ai doro den sani di den o aksi foe en, joe kan kari en foe, go nanga joe ini a velddienst. Sreka oensrefi makandra tapoe na velddienst èn jepi a studenti foetoe foe foetoe foe a go teki prati na en.
JEPI FOE DEN OWROEMAN
5 Te wan njoen sma e gi den fosi velddienst rapport dan ete moro stap moe doe foe de seker dati a sma na ini a tori fiti foe den teri en leki prékiman èn dati na so fasi den e erken en leki wan sma di a gemeente feni boen. Nanga na fosi velddienst rapport leki fondamenti, na sekretarsi ofoe wan tra memre foe na dienstcomite foe na gemeente sa taki nanga a prékiman di e gi a sma studie foe a go na fesi foe na studenti. Baka dati a ben sa de boen dati a prékiman de toe te a owroeman e abi wan taki-makandra nanga a sma di ben gi en fosi velddienst rapport. Bakadi a prijse a njoen sma foe na go na fesi foe en, na wan switifasi na owroeman sa poeroe kon a krin san a wani taki alamala foe de wan prékiman. Efoe na studenti fiti dati den erken en leki wan sma di a gemeente feni boen, den sa tjari kon na krin dati en nen sa skrifi na tapoe wan prékiman-bericht-karta, di sa kisi wan presi na ini na archief foe na gemeente. — Loekoe om blz. 107, 108.
6 Te wi e studeri bijbel waarheid nanga den bijbelstudenti èn e tjari den kon na a organisatie, meki wi gi den dek’ati ooktoe èn sreka den foe prati na boen njoensoe nanga trawan. Baka wan pisi ten dan nanga jepi foe a blesi foe Jehovah den sa kon so fara foe tron wan geregeld prékiman foe na boen njoensoe.