Lei njoensma op foe miti den marki foe prékiman
1 A moen april ben gi wi heri ipi okasi foe kisi demakandra di e bow op èn foe doe boen wroko, spesroetoe na na sé foe na Memrefesa foe Masra. Moro fara tapoe 14 april na spesroetoe lezing ben hori.
2 Wi de séker taki foeroe doesoendoesoen sma kisi dek’ati foe di den ben de na tapoe na Memrefesa, èn wi e howpoe taki na boskopoe di ben taki na ini na spesroetoe lezing, doro foeroe ati. Foe dat’ede a moen juni de troetroe wan heri boen wan foe poti prakseri tapoe ala den sma di ben fisiti na spesroetoe komakandra disi èn ooktoe tapoe den sma nanga soema wi e studeri. — Rom. 10:13-15.
3 Te joe e hori joe bijbelstudie joe e lei joe sma di joe e gi leri op foe na diniwroko? Disi moesoe doe na wan progressieve fasi. Son prékiman feni en boen leki wan overzicht foe meki na sma di e kisi leri taki agen foe san a leri leki a e gebroiki a stof ini na dienst na oso-foe-oso. Joe e takmakandra nanga joe bijbelstudie san e doe na ini na velddienst èn foe san-ede? Efoe na sma di e kisi leri e kon abi wan soifri sabi foe na waarheid efoe en ati kon boewégi èn a kisi warderi gi san a leri èn efoe a tjari en libi kon kroederi nanga den kristen gronprakseri, joe kan gi en wan kari foe go nanga joe ini na velddienst.
NA DORO FOE DEN MARKI
4 Oten wan njoen sma kan kisi wan kari foe go nanga wi na ini na velddienst èn a kan sori taki na publiki dati a de wan nanga wi. A ben sa de boen foe lési bladzijde 100 nanga 101 foe na Wi diniwroko-boekoe ete wantron. Na sma di e kisi leri ben taki dati a wani teki prati na a prékiwroko? Efoe a de so, a e doro den bijbel nanga organisatorise marki di den e aksi foe en?
5 Sani moesoe sreka foe wan njoen sma go nanga wan prékiman di abi ondrofeni ini na dienst, nofotron nanga a sma nanga soema a e studeri. Na so wan fasi den kan wroko na a opleiding foe en. O moro na sma di e kisi leri abi vréde nanga ensrefi, a kan abi wan moro bigi prati na a prékiwroko (Gal. 6:6). Efoe na foe na fosi tron wan sma e lever wan velddienstrapport in dan na sekretarsi foe a gemeente sa teki na regeling di skrifi na tapoe bladzijde 107 foe na Wi diniwroko-boekoe. Efoe na sma di e kisi leri e doro den marki foe wan sma di de nanga wi di den e feni boen, dan den e skrifi wan prékimanberichtkarta.
NA OPLEIDING NA OSO
6 Na lei op foe jongoewan foe na dienst foe Jehovah e bigin na oso èn a e aksi foeroe jepi nanga dek’ati foe na sé foe den papa nanga mama. Na opleiding disi moesoe bigin jonjongoe kaba (2 Tim. 3:14, 15). Osofamiri e kisi na dek’ati foe studeri èn leisi makandra nanga na marki foe tan abi wan krakti lostoe foe tan prati na waarheid doronomo nanga trawan. Heri ipi osofamiri meki a tron wan gwenti foe takmakandra den détekst nanga commentaar ini na Jariboekoe. Den moesoe gi den pikin dek’ati foe gi commentaar tapoe na stof. (Teki gersi Prékiman 12:9-11.) Proberi foe meki a tron joe marki foe ibri dé foe taki nanga joe osofamiri foe den bijbel troe tori. Dan den toe sa abi na lostoe foe teki prati na ini na meki foe discipel. — Jes. 54:13.
7 Efoe wan pikin abi na winsi foe tjari en prakseri kon na fesi ini na dienst foe na Kownoekondre èn a abi wan heri boen fasi foe tjari ensrefi, dan na papa kan go taki nanga wan foe den owroeman foe na dienstkomte foe na gemeente èn takimakandra efoe a pikin kan teri leki wan prékiman. (Loekoe om-boekoe, blz. 102, par. 2) So wan sortoe go na fesi de troetroe wan réde foe prisiri! — Odo 23:15.