Pristeri na boen njoensoe — Foedi joe e opo osobijbelstudi
1 Jezus ben gi wi alamala wan marki ini wi diniwroko di a ben komanderi wi: „Meki discipel èn leri den” (Matt. 28:19, 20). Na moro boen fasi foe doe disi de nanga jepi foe a osobijbelstudi-seti.
2 Efoe wi wani opo njoen bijbelstudi dan a de fanowdoe dati wi de nanga faja leki kompewrokoman foe Gado (1 Kor. 3:9). Ooktoe na opo foe wan bijbelstudi moro foeroe e kon foe na ati toestand foe na sma di de na ini a tori. Jehovah jeje e wroko foe hari reti-ati sma èn a o sori wi fa wi kan jepi den foe gro na jejefasi. Disi e kon a krin na ini na ondrofeni-tori foe na Ethiopia eunuch (Tori. 8:26-31). A ben sdon e lési na profetitori foe Jesaja ma a no ben kan froestan en aladi a ben de wan djoe proselietsma èn wan man di ben kisi leri. Ma a ben abi wan joisti ati toestand. Jehovah jeje ben wroko a tapoe Filippus foe gi na eunuch wan krin froestan foe na profetitori, sodati a man disi ben kon na ini bewégi foe meki den dopoe en. — Tori. 8:32-36.
3 Now Jehovah e tan gebroiki en dienstknegti leki wrokosani foe jepi reti-ati sma foe tron discipel. Ini ofara Jehovah e gebroiki wi e anga foe wan bigi pisi foe na faja foe wi, na doeltreffendheid nanga a de klari foe wi foe a gebroiki wi leki leriman. Dati sani waka boen na ini a opo foe bijbelstudie no e kon foe ensrefi. A e aksi sreka a fesi finifini, makandra nanga wan opregti winsi foe prati na waarheid nanga tra sma (Ezechièl 9:4; Rom. 10:13, 14). Foe poeroe gens taki poti a wan sé, dan wi moe gebroiki den rai soleki wi e feni dati ini wi Kownoekondredienst èn ini na Tak-go-tak-kon boekoe joe abi persoonlek jepi fanowdoe foe opo wan bijbelstudi, aksi dan sma di abi ondrofeni foe jepi joe. Seti sani foe wroko nanga na kringopziener te a e fisiti a gemeente. Den owroeman, den dinari na ini a diniwroko ofoe gewone pionier kande kan go nanga joe ini na gobakawroko èn kande kan jepi joe foe opo wan bijbelstudi. Tapoe a fasi disi joe sa leri fa a diniwroko foe joe sa tjari den moro boen bakapisi kon.
GI JOESREFI DORODORO
4 Na opo foe osobijbelstudi e aksi foe wi span wisrefi krinkrin (Kol. 3:23, 24). Dati wani taki wroko tranga ini na oso-foe-oso diniwroko nanga na spesroetoe marki na joe fesi foe feni sma di wani studeri na bijbel. Wi moe de nanga faja na ini a tjari foe gobaka. Nofotron wi no e miti sma a oso. Foe san-ede wi no sa go fisiti den na tapoe difrenti ten èn go baka te a moro bigi kans de dati den de na oso èn ben sa de opo-opo gi na Kownoekondreboskopoe? Son sma ben feni na biten neti joeroe heri boen foe doe disi.
5 Wi moe sreka gobaka boen a fesi, aladi wi moe hori na spesroetoe oso-sma ini prakseri. Ini son gebied wan eenvoudig, rechtstreekse takmakandra de moro boen. Den laste brochure nanga tractaat meki foe kon wantewante tapoe wan bepaalde tori. Te wi kon sabi den, dan wi kan kisi moro boen bakapisi.
6 Hori na ini prakseri dati awinsi wi de srekasreka boen èn wi e gi wan kotoigi nanga faja, wan njoen discipel kan doe kon soso nanga jepi foe Jehovah jeje (1 Kor. 3:6). Wi moe tan horidoro ini begi èn no aksi Jehovah wawan foe tyari wi ma ooktoe foe opo den ati foe den sma di wi e préki gi (1 Joh. 3:22). Jehovah sa loekoe a tapoe dati den sma di kan teki gersi nanga skapoe net leki na Ethiopisch eunuch, sa kon na ini na okasi foe teki na Kownoekondreboskopoe. Te wi o handri ini akroederi nanga den begi foe na boen foe den sma di kan teki gersi nanga skapoe da wi kan kon de moro doeltreffend ini na opo foe osobijbelstudi.